Vẽnegre 3:12 - KÃAB-PAALGÃ KOE-NOOGO

¹² Mam na n kɩtame tɩ ned ning sẽn tõog-a wã lebg ra-luk mam Wẽnnaamã roog pʋga, la yẽ kõn le yi be ye. Mam na n gʋlsa mam Wẽnnaamã yʋʋre, la m Wẽnnaamã tẽng sẽn ya Zeruzalɛm paalg sẽn yit mam Wẽnnaamã nengẽ arzãn n sigdã yʋʋr yẽ zugu, la m gʋls mam yʋ-paalegã yẽ zugu.”

SEBR SÕNGO

¹² Sẽn tõog-ba, m na n lugl-b wa roog ra-nif kẽengo, m Wẽnnaama roogẽ; b kõn luk abada. M na n gʋlsa m Wẽnda yʋʋr b zugu la b bark tẽnga yʋʋre: Zerizalɛɛm paalga sẽn yit arzãna, m Wẽnnaam nengẽ, n paas Yʋ paall ning m sẽn tarã.

WẼNNAAM SEBRE 2014

¹² Mam na n kɩtame tɩ ned ning sẽn tõog-a wã lebg ra-luk mam Wẽnnaamã roog pʋga, la yẽnda kõn leb n yi be ye. Mam na n gʋlsa mam Wẽnnaamã yʋʋre, la m Wẽnnaamã tẽng sẽn ya Zeruzalɛm paalg sẽn yit mam Wẽnnaamã nengẽ arzãn n sigdã yʋʋr yẽnda zugu, la m gʋls mam yʋ-paalgã yẽnda zugu.»

Vẽnegre 3:12 Iomraidhean Croise

A Mark Sõng 12:16

La b talla a yen n wa n kõ bãmba. La a Zezi sok-b lame yaa: Maasmã ne yʋʋrã yaa ãnna rẽnda? Bãmb leokame tɩ yaa Sezaar rẽnda.

Galat Rãmba 2:9

La b sẽn bãng bark ning Wẽnnaam sẽn kõ maamã, a Zak ne a Sefas la a Zã, nebã sẽn get wa ra-lugsã yõga maam ne a Barnabas nus-rɩtgo, n wilg tɩ lagem-n-taar bee tõnd ne bãmb sʋka. Woto, tõnd na n teesa bu-zẽmsã sẽne, tɩ bãmb tees Zuif rãmbã sẽne.

Efɛɛz Rãmba 3:15

soab ning buud fãa sẽn be yĩngr la sẽn be tẽng zug sẽn paamd b yʋy b nengẽ wã taoore,

Ebre rãmba 12:22

La yãmb kolga Sɩyõ tãngã la Wẽnnaam sẽn vɩ wã tẽnga, sẽn ya yĩngr Zeruzalɛm, la malegs tus wʋsgã.

Ebre rãmba 13:14

Bala, tõnd ka tar tẽng ka sẽn paad wakat fãa ye, tõnd baooda tẽng ning sẽn wat-a wã.

1 Zã 4:4

Ne yãmba, mam kom-bõonego, yãmb yaa Wẽnnaam kamba, la y tõoga belgr no-rɛɛsdbã, bala, soab ning sẽn be yãmb pʋgẽ wã yɩɩda sẽn be-a dũniyã pʋgẽ wã.

Vẽnegre 14:1

Mam gesame, la m yãa Pe-bilã sẽn yik n yas Sɩyõ tãngã zugu, tɩ neb tus koabg la tus pis-naas la a naas sẽn da tar Pe-bilã yʋʋr ne b ba wã yʋʋr sẽn gʋls b rĩyẽ wã be ne bãmba.

Vẽnegre 17:14

Bãmb na n zaba ne Pe-bilã. La Pe-bilã na n tõog-b lame, tɩ bõe bãmb yaa zu-soben-dãmb Zu-soaba la rĩm-dãmba Dĩma. La neb nins b sẽn boolã, neb nins b sẽn tũusã ne neb nins sẽn maand sɩda, n be ne Pe-bilã na n tõog-b lame me.

Vẽnegre 2:11

Bɩ ned ning sẽn tar tʋb kelg bũmb nins Sɩɩg-sõng sẽn yet wẽnd-dotã. Kũum a yiib soabã ka na n sɩɩs ned ning sẽn na n paam-a tõogrã ye.

Vẽnegre 2:17

Bɩ sẽn tar-a tʋb kelg bũmb nins Sɩɩg-sõng sẽn yet wẽnd-dotã. Mam na n kõo ned ning sẽn na n tõogã man sẽn solge, la kug-pɛɛlga. Kugrã zugu, yʋ-paalg n gʋls be ned baa a yen sẽn ka mi, sã n ka ned ning sẽn deegd-a kugrã.

Vẽnegre 2:7

Bɩ ned ning sẽn tar-a tʋb kelg bũmb ning Sɩɩg-sõng sẽn yet wẽnd-dotã: Mam na n kõo tõaagd fãa noor t'a rɩ vɩɩm tɩɩgã sẽn be Wẽnnaam Paradi pʋgẽ wã biisi.

Vẽnegre 21:2

La mam yãa tẽn-sõngã, Zeruzalɛm paalgã sẽn yi Wẽnnaam nengẽ n sigda, la a wẽnda wa pag sẽn nags a meng a sɩd yĩnga.

Vẽnegre 22:4

b na n yãa Wẽnnaam nenga, la Wẽnnaam yʋʋrã na n zĩnda bãmb dĩyẽ.

Vẽnegre 3:5

Ned ning sẽn na n tõogã na n yeelga fu-peels a woto. Mam ka na n yẽes yẽ yʋʋrã vɩɩm sebrã pʋgẽ ye, la mam na n boola yẽ yʋʋrã m ba la malegsã taoore.”