Vẽnegre 3:10 - KÃAB-PAALGÃ KOE-NOOGO

¹⁰ Yãmb sẽn tall mam koɛɛg ning sẽn kɩt tɩ yãmb nangd pãng mam pʋgẽ wã yĩnga, mam me na n kogla yãmb wakat ning makrã sẽn na wa dũniyã tɛk fãa n mak nebã sẽn be a zugã.

SEBR SÕNGO

¹⁰ Dɩlla fo sẽn deeg mam noorã f namsg pʋgẽ, mam me na n fãag-f la ne yɩɩr ninga dũnia sẽn na n paame, Adem biisa fãa fɛɛsga wakato.

WẼNNAAM SEBRE 2014

¹⁰ Yãmb sẽn tall mam koɛɛg ning sẽn kɩt tɩ yãmb nangd pãng mam pʋgẽ wã yĩnga, mam me na n kogla yãmb wakat ning makrã sẽn na n wa dũniyã tɛk fãa n mak nebã sẽn be a zugã.

Vẽnegre 3:10 Iomraidhean Croise

A Matiye Sõng 24:14

Wẽnnaam soolmã koe-no-kãngã na n moona dũni gill fãa, tɩ yɩ kaset soolem fãa nebã yĩnga. Dẽ, wakat saab na yaool n ta.

A Matiye Sõng 26:41

Neend-y la y pʋʋse, tɩ y ra wa n kẽ makr pʋgẽ ye. Sɩɩgã ratame, la yĩngã pãng paoodame.

A Matiye Sõng 6:13

Da bas-y tõnd tɩ d kẽ makr pʋgẽ ye. Fãag-y tõnd wẽng soabã nugẽ, [tɩ yãmb n so soolem la pãnga la waoogr wakat sẽn kõn sa. Ãmina!]

A Mark Sõng 14:9

Mam yeta yãmb sɩda tɩ dũni tɛk fãa, zĩig ning fãa b sẽn na n moon koe-no-kãngã, b na n togsa bũmb ning pagã sẽn maanã, a tẽegr yĩnga.

A Luk Sõng 2:1

Ra-kãense, Sezaar a Ogust yiisa tõog n yeel tɩ b sõd a soolmã nebã fãa.

A Zã Sõng 17:6

Mam puka yãmb yʋʋrã neb nins yãmb sẽn yiis dũni pʋgẽ n kõ maamã sʋka. Yãmb n dag n so-ba, la yãmb kõ-b-la maam, la b reega yãmb goamã.

Rom Dãmba 1:8

Pipi, mam deng n pʋʋsda m Wẽnnaamã bark a Zezi maasem yĩnga, yãmb fãa yĩnga. Bala, yãmb tẽebã yell saaga dũni gill fãa.

1 Korẽnt rãmba 10:13

Makr baa a yen sẽn nan ka mak ninsaal ka mak yãmb ye. Wẽnnaam yaa sɩd maanda, la b ka na n sak tɩ yãmb paam makr sẽn yɩɩd y pãng ye. La makr sã n wa, Wẽnnaam na n n kõo yãmb maane y sẽn na maan n yi, tɩ yãmb tõe yals makrã pʋgẽ.

Efɛɛz Rãmba 6:13

Yaa woto yĩng n kɩt tɩ mam yet yãmb tɩ y bob Wẽnnaam zab-teedã fãa, tɩ y tõe n yals n zab wẽngã wakate, la tɩ y sã n zab n tõog bũmb fãa, yãmb na yals kãenkãe.

2 Tɩmote 2:12

Tõnd sã n nang pãnga, tõnd na n dɩɩ naam ne bãmba. Tõnd sã n yeel tɩ d ka mi bãmba, bãmb me na yeel tɩ b ka mi tõnd ye.

Zake 3:12

Dẽ yĩnga m ba-biisi, kankang tõe n woma oliiv sɩda, bɩ nasaar-sãbg tõe n woma kankama? Ko-nif sẽn yiisd ko-yamsem ka tõe n yiis ko-noog ye.

1 Pɩyɛɛr 4:12

Mam zo-nongdse, ra sak-y tɩ nams-toaag ning sẽn be yãmb sʋk n makd yãmbã yɩ lingr ne yãmba, tɩ ya wa yaa yel-sãang n paamd yãmb ye.

2 Pɩyɛɛr 2:9

Rẽ wã, Zu-soabã mii b sẽn na n maan to-to n fãag neb nins sẽn sakd bãmbã makr wakate, la b sẽn na n maan to-to n bĩng tʋʋm-wẽns maandbã n sɩbg-b bʋʋdã kaoob daare.

Vẽnegre 1:9

Maam a Zã sẽn ya yãmb ba-biiga la sẽn naag yãmb n paamd namsgo, la sẽn naag yãmb n tar pʋɩɩr ne Wẽnnaam soolem, la m naag n maood a Zezi tũudmã pʋgẽ wã, mam dag n bee Patmoos sẽn ya tẽng koom sẽn gũbgi, Wẽnnaam goamã la a Zezi kasetã yĩnga.

Vẽnegre 11:10

Dũni nebã na n maana sũ-noog ne bũmb ning sẽn paam kaset dãmb a yiibã, la b na n kɩdmame. Bãmb na n tʋma kũun n kõ taaba, bala Wẽnnaam no-rɛɛsdb a yiib kãens da namsa nebã sẽn be tẽngã zugã.

Vẽnegre 13:10

Ned sã n tog n kẽ yembdo, a na n kẽ yembdo. Ned sã n kʋ ne zabr sʋʋga, yaa tɩlɛ tɩ b kʋ-a ne zabr sʋʋga. Wẽnnaam nin-tũusdsã modgr la b tẽebã la woto.

Vẽnegre 13:14

Ne bãn b sẽn kõ-a noor t'a maan pipi rũngã taoorã, a belga nebã sẽn be tẽng zugã, n yeel-b tɩ b maan rũng ning sẽn paam poglg ne zabr sʋʋg n kell n põsã bõn-naandga.

Vẽnegre 13:8

La neba fãa sẽn be tẽng zugu, tɩ b yʋy ka gʋls vɩɩm sebr sẽn ya Pe-bil ning b sẽn kʋ hal dũni naaneg wakatã sebrã pʋgẽ wã wõgemda rũngã taoore.

Vẽnegre 14:12

Woto yĩnga, nin-sõamy wã tog n nanga pãnga, n sakd Wẽnnaam tõodã la b tall tẽeb ne a Zezi.

Vẽnegre 14:6

Mam yãa malɛk a to sẽn yɩgd n pɩʋʋgd yĩngri: A dag n tara koe-noog sẽn paad wakat sẽn kõn sa, n na n togs neb nins sẽn be tẽng zugã, soolem fãa, buud fãa, goam buud fãa neba, la tẽng fãa neba.

Vẽnegre 16:14

Bãmb yaa sɩɩse, zĩn-dãmb sẽn maand bõn-yɛɛsdse, la sẽn kẽngd dũni gill fãa rĩm-dãmbã nengẽ n na n tɩ tigs-b Wẽnnaam sẽn tõe fãa ra-kãsenga sẽn ya zabr daarã yĩnga.

Vẽnegre 17:2

Yaa ne yẽnda la dũniyã rĩm-dãmbã maan yoobo, la dũni nebã ra yũu yẽ yoobã divẽ tɩ b nens yilim.

Vẽnegre 17:8

Rũng ning fo sẽn yã wã rag n beeme, la a ka leb n beẽ ye. A na n yii bog-zulungẽ wã n kẽng sãoong zĩigẽ. La dũni neb nins yʋy sẽn ka gʋls vɩɩm sebrã pʋgẽ hal dũni naaneg wẽndẽ wã sã n yã rũngã, a na n yɩɩ lingr ne bãmba, rũngã sẽn dag n be, n wa ka leb n beẽ la a na n leb n pukã yĩnga.

Vẽnegre 2:10

Da maan-y rabeem ne namsg ning y sẽn na n namsã ye. Gese, Sʋtãanã na n kẽesa yãmb neb kẽer bi-bees roogo, sẽn na n yɩl n mak yãmba, la yãmb na n paama namsg rasem piiga. Kel n maan-y neer hal tɩ ta kũum, la mam na kõ yãmb vɩɩm maanfo.”

Vẽnegre 3:8

“Mam bãnga yãmb tʋʋmã. Gese, mam ninga kʋɩleng sẽn pak yãmb taoore tɩ ned ka tõe n pag-a ye, tɩ bala yãmb pãngã paoodame, la yãmb talla mam koɛɛgã, la y ka kɩɩs mam yʋʋrã ye.

Vẽnegre 6:10

Bãmb zẽka b koees ne pãng n yeel yaa: Zu-soben-sõng la sɩd soaba, yãmb na n gũume hal tɩ ta dabʋr tɩ y yaool n kao duniyã nebã bʋʋdo, la y rok y sũur tõnd zɩɩma raagr yĩnga?

Vẽnegre 8:13

Mam gesame, la m wʋma sɩl-kẽeng sẽn yɩgd sa-gãnã sʋka, n zẽk a koɛɛg ne pãng n yetẽ yaa: Toogo! Toogo! Ninsaalbã sẽn be tẽng zugã na n paama toogo, bardã a taabã malegs sẽn na n peebã koees yĩnga.