Vẽnegre 22:6 - KÃAB-PAALGÃ KOE-NOOGO

⁶ Malɛkã yeela maam yaa: Sãmbg ka be gom-kãens pʋgẽ ye, la b yaa sɩda. Zu-soabã sẽn ya no-rɛɛsdbã sɩɩs Wẽnnaamã tʋma b malɛk t'a wilg bãmb tʋmtʋmdbã bũmb nins sẽn tog n zĩnd bilf sã n paase.

SEBR SÕNGO

⁶ Malɛka yeela maam: «Gomd bãmba yaa sɩd menga; yaa Soaala-Wẽnd menga, yaa bãngdba sẽn deegd-b bãngrã a soab nengẽ wã, bãmb n tʋm tɩ b wa wilg b yemsã bũmb ning sẽn yao waoongo.

WẼNNAAM SEBRE 2014

⁶ Malɛɛkã yeela maam yaa: Sãmbg ka be gom-kãens pʋgẽ ye, la b yaa sɩda. Zu-soabã sẽn yaa no-rɛɛsdbã sɩɩs Wẽnnaamã tʋma b malɛɛk t'a wilg bãmb tʋmtʋmdbã bũmb nins sẽn tog n zĩnd bilf sã n paase.

Vẽnegre 22:6 Iomraidhean Croise

Vẽnegre 1:1

Woto yaa a Zezi Kirist vẽnegr Wẽnnaam sẽn kõ bãmb tɩ b wilg b nonglem yemsã bũmb nins sẽn tog n zĩnd wakat bilf sã n paase. La a Zezi Kirist tʋma b malɛk t'a wilg b tʋmtʋmd a Zã bõn-kãense.

Vẽnegre 21:5

Ned ning sẽn zao geerã yeelame yaa: Ade, mam maanda bũmba fãa paalse. La b yeel yaa: Gʋlse, bala, gom-kãensã yaa vẽenega la b yaa sɩda.

Vẽnegre 19:9

Malɛkã yeela maam yaa: Gʋlse: Bark bee neb nins b sẽn bool tɩ b wa Pe-bilã pʋg-peegr kibsã zutu! La a yeela maam yaa: Koe-kãngã yaa Wẽnnaam meng goama.

2 Pɩyɛɛr 1:21

Bala, pĩnd-n-bãngr gomd baa a ye zɩ n tol n yɩ ne ninsaal tʋlsem ye, la yaa Sɩɩg-sõng sẽn kõ bũmb ningã la ninsaalbã reegd n togsd Wẽnnaam yĩnga.

Tʋʋma 3:18

La Wẽnnaam maana a woto n pids bũmb ninga b sẽn da pĩnd n togs ne b no-rɛɛsdbã fãa noy tɩ bãmb Kiristã na n namsame wã.

A Luk Sõng 1:70

wa bãmb sẽn dag n gom ne b no-rɛɛs-sõamyã noey hal wakat sẽn kaoose,

Vẽnegre 18:20

Arzãna, maan sũ-noog ne bũmb ning sẽn paam-a wã. Yãmb me sẽn welg toor Wẽnnaam yĩnga, la tẽn-tʋmdba la Wẽnnaam no-rɛɛsdbã, maan-y sũ-noogo. Bala Wẽnnaam sẽn kao tẽngã bʋʋdã, b roka yãmb sũuri.

2 Pɩyɛɛr 3:2

tɩ yãmb tõog n tẽeg Wẽnnaam no-rɛɛs sõmyã sẽn dag n deng n togsã, la tõnd Zu-soab la d Fãagdã tõogã yãmb tẽn-tʋmdbã sẽn zãms yãmbã.

Ebre rãmba 12:9

Tõnd sẽn paam yĩng ba-rãmb tɩ b ra sɩbgd tõnd tɩ tõnd waoog-bã, tõnd ka tog n sak d sɩɩs ba wã n yɩɩda, tɩ d tõe n paam vɩɩm?

Rom Dãmba 1:2

koe-noog ning Wẽnnaam sẽn dag n tũnug b no-rɛɛsdbã n kãab bãmb gʋls-sõamyã pʋgẽ,

Vẽnegre 22:7

La a Zezi yeelame: Gese, bilf sã n paas bala mam na n waame. Bark bee ned ning sẽn sakd seb-kãngã bãngr goamã zugu.

1 Korẽnt rãmba 14:32

Wẽnnaam no-rɛɛsdbã sɩɩs sakd-b lame.

A Matiye Sõng 13:41

Ninsaal Bi-riblã na n tʋma bãmb malegsã tɩ b yãgs kug-lakdsã fãa ne neb nins sẽn maand wẽngã n yiis-b bãmb soolmẽ wã.

A Luk Sõng 16:16

Hal tɩ ta a Zã wakate, dag n yaa tõogã ne no-rɛɛsdbã wakate. La sẽn sɩng ne a Zã wakatã, b moonda Wẽnnaam soolem koe-noogã, la ned kam fãa nangda pãng n dat n kẽ be.

2Tesalonik Rãmba 1:7

la b kɩt tɩ yãmb sẽn namsdã, bɩ y lagem ne tõnd n paam vʋʋsg wakat ning Zu-soab a Zezi sẽn na n puk arzãn ne malegs sẽn tar pãnga.

1 Korẽnt rãmba 7:29

M ba-biisi, ad bũmb ning m sẽn yeta, mam yetame yaa: Weerã yaa koɛɛga. Sẽn sɩng ne moasã, bɩ neb nins sẽn tar pagbã yɩ wa neb sẽn ka tar pagba,

Tʋʋma 12:11

Dẽ, a Pɩyɛɛr yam vẽnegame t'a bãng bũmb ning sẽn maana. La a yeelame yaa: Moasã, mam bãnga sɩd-sɩd tɩ yaa Zu-soabã n tʋm malɛk t'a fãag maam Herood nugẽ la na bũmb ning fãa Zuif-rãmba sẽn da rat n maan maama.

Vẽnegre 4:1

Dẽ poore, mam gesame, la haya! Mam yãa kʋɩleng sẽn pak arzãn pʋga. La pipi koɛɛg ning sẽn wẽnd baorg mam sẽn da wʋm t'a gomd ne maamã yeela maam yaa: Rʋ yĩngr ka, la mam na n kɩtame tɩ fo yã bũmb nins sẽn ya tɩlɛ tɩ wa zĩndã.

Vẽnegre 21:9

Dẽ poore, malegs a yopoe wã sẽn da zãad laas a yopoe sẽn pid ne yaoolem tood a yopoe wã ned a yembr waa n goma ne maam n yeel yaa: Wa tɩ m na n wilg-f la pʋg-paalã, Pe-bilã pagã.

Vẽnegre 22:1

Malɛkã wilga maam vɩɩm koomã kʋɩlga, kʋɩlg sẽn pɩnd wa vɛɛre, la a yita Wẽnnaam ne Pe-bilã geerẽ wã.

Vẽnegre 22:16

Maam a Zezi n tʋm m malɛk t'a wa n kis yãmb bõn-kãens kaset wẽnd-dotã pʋse. Mam yaa a Daviid tɩ-tobeng la a yagenga, la yibeoog ãd-yãgdga.