Vẽnegre 20:4 - KÃAB-PAALGÃ KOE-NOOGO

⁴ Mam yãa naam-gɛyã. La b kõo neb nins sẽn zĩnd gɛyã zutã noor tɩ b bʋ bʋʋdo. La mam yãa neb nins b sẽn fiuus b zut a Zezi kasetã ne Wẽnnaam goamã yĩngã sɩɩse, la neb nins sẽn dag n ka wõgemd rũngã wall a bõn-naandgã taoore, la b ka reeg bãndã b rĩyẽ wall b nusã zutã sɩɩse. Bãmb vʋʋgame n dɩ naam ne Kirist yʋʋm tusri.

SEBR SÕNGO

⁴ M yãenda neb sẽn wa n zaoond goeels zutu tɩ b kõ-b bʋʋda kaoobo. M yãenda neb sẽn le vʋʋge n na n dɩ naam ne Krista yʋʋm tusri: yaa b sẽn fiuus b rãmb zut a Zezi kaset yĩnga la Wẽnd Gomda yĩnga, yaa sẽn zãgs-b Rũnga waoogre, n zãgs a nin-naanda waoogre, n zãgs tɩ b kõn deeg a makrã b rĩrẽ bɩ b nugẽ.

WẼNNAAM SEBRE 2014

⁴ Mam yãnda naam gɛyã. La b kõo neb nins sẽn zĩnd gɛyã zutã noor tɩ b bʋ bʋʋdo. La mam yãnda neb nins b sẽn fiuus b zut a Zeezi kasetã ne Wẽnnaam goamã yĩngã sɩɩse, la neb nins sẽn dag n ka wõgemd rũngã wall a bõn-naandgã taoore, la b ka reeg bãndã b rĩyẽ wall b nusã zutã sɩɩse. Bãmb vʋʋgame n dɩ naam ne Kiris yʋʋm tusri.

Vẽnegre 20:4 Iomraidhean Croise

A Matiye Sõng 19:28

A Zezi leoka bãmb tɩ yaa: Sɩd-sɩda, mam yeta yãmb tɩ bũmb fãa manegr wakat sã n ta, Ninsaal Bi-riblã na n zaoonda b naamã geer zugu, la yãmb me sẽn tũ maamã, y na n zĩnda gɛy piig la a yiib zut n kao Israyɛl buud piig la a yiibã bʋʋdo.

A Matiye Sõng 24:10

Bõn-kãng na n waa ne neb wʋsg lʋɩɩse. B na n zãmba taaba, n kisg taaba.

A Mark Sõng 6:16

La Herood sẽn wʋm woto, yẽ yeelame: Yaa Zã ning mam sẽn da fiuug a zugã. Yaa yẽnda n vʋʋge.

A Mark Sõng 6:27

Tao-tao bala, rĩmã yeela dapoe-bil t'a kẽng n tɩ wa ne a Zãmbatiis zugã.

A Mark Sõng 9:11

Karen-biisã soka bãmb woto: Yaa bõe tɩ tõog karen-saam-dãmbã yetẽ tɩ yaa tɩlɛ t'a Eli reng n wa?

A Luk Sõng 1:17

Yẽ na n kẽna Wẽnnaam taoor ne sɩɩg ning la pãng ning a Eli sẽn da tarã, n kɩt tɩ ba-rãmbã paam zems-n-taar ne b kamba, n kɩt tɩ kɩɩsdbã paam yam n lebg nin-tɩrse. La a na n sõnga nebã tɩ b segl n sa Zu-soabã yĩnga.

A Luk Sõng 14:14

la fo na n paama sũ-noogo, b sẽn ka tar n na n kõ foom n lebsã yĩnga. Bala, nin-tɩrsã vʋʋgr wakate, fo na n paama keoore.

A Luk Sõng 22:30

tɩ yãmb tõe n zĩnd ne maam m soolmã pʋgẽ n dɩ la y yũ, la y zaoond gɛy zut n kao Israyɛl buud piig la a yiibã bʋʋdo.

A Zã Sõng 14:19

Bilf bal sã n paase, dũni kõn leb n yã maam ye. La yãmb yẽ na yã maam. Bala, mam vɩɩme, la yãmb me na n vɩɩme.

Rom Dãmba 11:15

Bala, b sẽn bas bãmb kɛɛngã sã n kɩtame tɩ dũni paam yel-manegr ne Wẽnnaam, b sẽn na n leb n deeg bãmbã na n yɩɩ a wãnã? A kõn yɩ vʋʋg n bas kũum sɩda?

Rom Dãmba 8:17

La tõnd sã n yaa bãmb kamba, tõnd yaa b rãmb nins sẽn na n soog bãmb paoong me. Tõnd na n sooga Wẽnnaam paoongã, la d yaa pʋɩt-n-taas ne Kirist, a sã n yaa tɩ tõnd lagma ne bãmb n namse, tɩ d tõe n naag bãmb n paam waoogr me.

2 Tɩmote 2:12

Tõnd sã n nang pãnga, tõnd na n dɩɩ naam ne bãmba. Tõnd sã n yeel tɩ d ka mi bãmba, bãmb me na yeel tɩ b ka mi tõnd ye.

Vẽnegre 1:2

Yaa yẽnda n yɩ kaset soaba, n togs nebã Wẽnnaam goama la a Zezi Kirist kasetã, n wilg bũmb nins fãa yẽ sẽn yã wã.

Vẽnegre 1:9

Maam a Zã sẽn ya yãmb ba-biiga la sẽn naag yãmb n paamd namsgo, la sẽn naag yãmb n tar pʋɩɩr ne Wẽnnaam soolem, la m naag n maood a Zezi tũudmã pʋgẽ wã, mam dag n bee Patmoos sẽn ya tẽng koom sẽn gũbgi, Wẽnnaam goamã la a Zezi kasetã yĩnga.

Vẽnegre 11:11

La rasem a tãab la pʋɩ-sʋkã zugẽ, vɩɩm sɩɩg sẽn yi Wẽnnaam nengẽ kẽe bãmb pʋsẽ la b yikame n yals b nao zutu. Rabeem kãseng yõka neb nins sẽn yãt bãmbã.

Vẽnegre 11:15

Malɛk a yopoe soabã peeba baorgo. La koe-kãsems zĩnda arzãn n yeel yaa: Dũniyã soolem lebga tõnd Zu-soabã ne bãmb Kiristã n so. Bãmb na n dɩɩ naam zamaan o zamaana!

Vẽnegre 11:3

Mam na n kõo m kaset dãmb a yiibã pĩnd-n-bãngr goam kũuni, tɩ b yeelg bot n togs bãngr goamã rasem tusr la kobs-yi la pis-yopoe.

Vẽnegre 11:7

Bãmb sã n wa kɩs b kasetã n sɛ, rũng ning sẽn yit bog-zulungẽ wã na n yika zabr ne bãmba, n tõog-ba, n kʋ-ba.

Vẽnegre 12:11

D ba-biisã tõoga rõatã ne Pe-bilã zɩɩm pãnga, la ne kasetã bãmb sẽn kɩtã pãnga, la bãmb ka nong b vɩɩmã, hal n zoe kũum ye.

Vẽnegre 14:11

Bãmb namsgã bug-zõos zẽkda zamaan o zamaane. La wĩndg ne yʋngo, neb nins sẽn wõgemded rũngã ne a bõn-naandgã taoorã, la ned ning sẽn deeg-a yẽ yʋʋrã bãndã ka tol n tar vʋʋsem ye.

Vẽnegre 15:2

La mam yãa bũmb sẽn ya wa ko-kãseng sẽn ya neng-gɛtga, n kalem ne bugum. La mam yãa neb nins sẽn tõog rũngã ne a bõn-naandgã la a yʋʋrã geel-bilã sẽn yɛs yĩngri, nen-gɛtgã sẽn wẽnd ko-kãsengã zugu. Bãmb da zãada Wẽnnaam pendse.

Vẽnegre 17:8

Rũng ning fo sẽn yã wã rag n beeme, la a ka leb n beẽ ye. A na n yii bog-zulungẽ wã n kẽng sãoong zĩigẽ. La dũni neb nins yʋy sẽn ka gʋls vɩɩm sebrã pʋgẽ hal dũni naaneg wẽndẽ wã sã n yã rũngã, a na n yɩɩ lingr ne bãmba, rũngã sẽn dag n be, n wa ka leb n beẽ la a na n leb n pukã yĩnga.

Vẽnegre 2:26

Ned ning sẽn na n tõoge, la ned ning sẽn na n tall-a mam tʋʋmã hal tɩ wakat ta, mam na n kõo yẽ noor t'a soog soolem dãmba.

Vẽnegre 20:6

Neb nins sẽn naag n paam dẽenem vʋʋgrã tara bark la sõmblem. Kũum a yiib soabã ka tar b tʋʋmd ye. Bãmb na n yɩɩ Wẽnnaam ne Kiristã maan-kʋʋdba, la b na n dɩɩ naam ne Kiristã yʋʋm tusri.

Vẽnegre 22:5

Yʋng kõn le zĩnd ye, la nebã kõn dat fɩtl vẽenem wall wĩntoog vẽenem ye, bala, Zu-soab a Wẽnnaam n na n yɩɩ bãmb vẽenem. La bãmb na n dɩɩ naam zamaan o zamaana.

Vẽnegre 3:21

Mam na n kɩtame tɩ ned ning sẽn tõogã zĩnd ne maam mam geerã zug wa mam sẽn tõoge, n zao ne m ba b geerã zugã.”

Vẽnegre 4:4

La gɛy pisi la a naas n dag n gilg ge-kãsengã, la kãsem-dãmb pisi la a naas n zao b zutu, n yer fu-peelse, la b n fõg sãnem maanf-rãmba.

Vẽnegre 6:9

Pe-bilã sẽn sok soagdg a nu soabã, mam yãa b sẽn dag n kʋ neb nins Wẽnnaam koɛɛgã poorẽ la b sẽn kɩs kasetã yĩngã sɩɩs sẽn be tẽn-kugrã tẽngre.

Vẽnegre 7:3

Da maan-y tẽngã wall ko-kãsengã wall tɩɩsã bũmbu, hal tɩ tõnd paam n ning d Wẽnnaamã tʋmtʋmdbã rĩyã bãnde.