Vẽnegre 2:9 - KÃAB-PAALGÃ KOE-NOOGO

⁹ “Mam bãnga yãmb namsgã ne y naongã, la yãmb yaool n yaa arzegs rãmba, la mam bãnga kãnegr ning neb nins sẽn yet tɩ b yaa Zuif-rãmb n yaool n ka Zuif-rãmba, la b ya Sʋtãanã karen-doogã rãmb sẽn kãnegd yãmbã.

SEBR SÕNGO

⁹ Mam mii fo namsga fãa la fo naongã — mik fo yaool n gãe ne laogo — la neb niyns sẽn boond b mens tɩ Zʋɩf rãmbã — Sʋtãan sɛk roog rãmbã — ad-m mii b sẽn wɩt-f ne wɩds niynsi.

WẼNNAAM SEBRE 2014

⁹ «Mam bãnga yãmb yel-pakrã ne y naongã, la yãmb yaool n yaa arzegs rãmba, la mam bãnga kãnegr ning neb nins sẽn yet tɩ b yaa Zʋɩf-rãmb n yaool n ka Zʋɩf-rãmba, la b ya Sʋtãanã karen-doogã rãmb sẽn kãnegd yãmbã.

Vẽnegre 2:9 Iomraidhean Croise

A Matiye Sõng 4:10

A Zezi yeela yẽnda: Kẽng n looge, Sʋtãana! Bala a gʋlsame tɩ f waoog Zu-soabã fo Wẽnnaamã la f sak bãmb b yen bal tãa.

A Luk Sõng 12:21

Yaa a woto ne ned ning fãa sẽn tigsd paoong a meng yĩnga, n yaool n ka tar Wẽnnaam arzegsã.

A Luk Sõng 22:65

La bãmb tʋʋ a Zezi ne tʋɩy a taab wʋsgo.

A Luk Sõng 4:18

Zu-soabã Sɩɩg bee mam zugu, tɩ bõe, b pʋdga b kaam mam zugu, tɩ m tõe n bels sũ-sãoong rãmba, tɩ m togs naong rãmbã koe-noogã. Bãmb tʋma maam tɩ m tʋg n moon yemsã yolsg koɛɛga, la m moon n togs zoensã, tɩ b na n leb n paama b nini, tɩ m kɩt tɩ neb nins b sẽn namsdã loog ne lohorem,

A Luk Sõng 6:20

Dẽ, a Zezi zẽka b neng n ges b karen-biisã n yeel yaa: bark bee yãmb sẽn ya naong rãmba zutu, bala, Wẽnnaam soolem yaa yãmb dẽnda.

A Zã Sõng 16:33

Mam goma ne yãmb a woto tɩ yãmb tõe n paam sũur laafɩ mam pʋgẽ. Yãmb na n paama namsg dũni pʋgẽ. La bɩ y keng y sũyã, tɩ mam tõoga dũni wã.

Tʋʋma 14:22

Bãmb belsa tẽedba sũyã n paas-b raood n sagl-b tɩ b yals tẽeba pʋg kãenkãe n yeel-b yaa: Yaa tɩlɛ tɩ tõnd paam namsg wʋsg n yaool n tõog n kẽ Wẽnnaam soolme wã.

Tʋʋma 26:11

Wakat kẽere, mam kɩtedame tɩ b sɩbg-b karen-dot pʋse, n da rat n modg-b tɩ b kɩɩs b tẽebã. Mam sũurã pʋʋga wʋsg ne bãmb hal tɩ m kẽng tẽn-zẽms pʋs n tɩ nams-ba.

Rom Dãmba 12:12

Maan-y tẽeb n kɩdme. Paam-y sũ-mar toog pʋgẽ. Wɩng-y ne pʋʋsgo.

Rom Dãmba 2:17

Fo boonda f meng tɩ Zuif, n teegd tõogã, n waoogd f menga, f sẽn ya wẽn-tũudã yĩngã.

Rom Dãmba 5:3

La sẽn yɩɩd rẽnda, tõnd maanda sũ-noog baa namsg pugẽ, tõnd sẽn mi tɩ namsgã wata ne sũ-mare,

Rom Dãmba 8:35

Ãnna n na n welg tõnd ne Kirist nonglmã? Toogo, bɩ sũ-sãoong kasenga, bɩ namsgo, bɩ kom, bɩ naongo, bɩ sãoongo, bɩ zabr sʋʋga?

Rom Dãmba 9:6

A ka tɩ Wẽnnaam goama lebga zaalem ye. Bala, ka b rãmb fãa sẽn ya a Israyɛl yagensã n ya Israyɛl ye.

2 Korẽnt rãmba 6:10

B geta tõnd wa sũ-saoong rãmba la tõnd tara sũ-noog daar fãa. B geta tõnd wa naong rãmba, la tõnd kɩtdame tɩ neb wʋsg lebgd arzegs rãmba. B geta tõnd wa neb sẽn ka tar baa fʋɩ, la tõnd yaool n tara bũmb fãa.

2 Korẽnt rãmba 8:2

Baa ne bãmb sẽn paam makr ne tood wʋsgã, bãmb sũ-noogã yɩɩ kãsenga, tɩ baa ne b naongã sẽn ya wʋsgã, b kõo wʋsg ne sũyã fãa.

2 Korẽnt rãmba 8:9

Bala, yãmb mii tõnd Zu-soab a Zezi Kirist barkã. Tɩ baa bãmb sẽn ya arzɛk soabã, b maana b meng naong soab yãmb yĩnga, tɩ ne bãmb naongã, yãmb na paam arzegse.

1Tesalonik Rãmba 3:4

Wakat ning tõnd sẽn dag n be ne yãmbã, tõnd pĩnd n yeela yãmb tɩ d na n paama namsgo. La yãmb miime tɩ yaa rẽ n wa wã.

1 Tɩmote 1:13

tɩ mam yaool n dag n ya ned sẽn paoogd Wẽnnaam, la sẽn namsd tẽedbã, la ned sẽn maand a taab pãnga. La b zoee mam nimbãanega, bala, dag n yaa zɩɩlem la ka-tẽeb pʋgẽ la mam dag n maand rẽnda.

1 Tɩmote 6:18

Bɩ b maan neere, la bɩ b yɩ neb sẽn maand tʋʋm-sõamy wʋsgo, la b yɩ neb sẽn kõte, la sẽn nong n pʋɩ b sẽn tarã ne neb a taaba.

Vẽnegre 1:9

Maam a Zã sẽn ya yãmb ba-biiga la sẽn naag yãmb n paamd namsgo, la sẽn naag yãmb n tar pʋɩɩr ne Wẽnnaam soolem, la m naag n maood a Zezi tũudmã pʋgẽ wã, mam dag n bee Patmoos sẽn ya tẽng koom sẽn gũbgi, Wẽnnaam goamã la a Zezi kasetã yĩnga.

Vẽnegre 2:13

“Mam mii yãmb sẽn be zĩig ningã: zĩ-kãng yaa a Sʋtãan geere. Yãmb talla mam yʋʋrã, la yãmb ka bas y tẽeb ne maam baa wakat ning b sẽn kʋ mam kaset tɩrg soab a Ãntipaas yãmb sʋka, zĩig ning a Sʋtãan sẽn be wã.

Vẽnegre 2:2

“Mam mii tʋʋm nins y sẽn maanã, la y sẽn tʋmd to-to, la m mii y modgrã. Mam miime tɩ yãmb ka tõe n sak tɩ nin-wẽns zĩnd ne-y ye. Yãmb maka neb nins sẽn yet tɩ b yaa tẽn-tʋmdb n yaool n ka tẽn-tʋmdbã n gese, la yãmb mikame tɩ b yaa zĩrĩ yagdba.

Vẽnegre 2:24

“La yãmb Tɩyatɩɩr neb a taaba fãa sẽn ka sakd zãms-kãngã, la sẽn ka bãng a Sʋtãan yel-solgdsã wa b sẽn mi n yetã, mam yeta yãmb tɩ m ka na n zɩlg yãmb zɩɩb a to ye.

Vẽnegre 3:9

Ade, mam na n ninga neb nins sẽn ya a Sʋtãan tũudbã yãmb nugẽ. Bãmb boonda b mens tɩ Zuif-rãmba tɩ yaool n ka sɩd ye, bala b yagda zĩrĩ. Gese, mam na n kɩtame tɩ b wa n wõgemd yãmb taoore, la b bãng tɩ mam nonga yãmba.

Vẽnegre 7:14

Mam leoka yẽ yaa: M zu-soaba, yãmb n mi. La a yeela maam yaa: Yaa neb nins sẽn yi to-kãsengã pʋgẽ wã. Bãmb pegsa b fut Pe-bilã zɩɩmẽ tɩ b lebg peelse.