Vẽnegre 2:25 - KÃAB-PAALGÃ KOE-NOOGO

²⁵ Bũmb ning sẽn be bala, yaa tɩ y tall bũmb nins yãmb sẽn tarã kãenkãe hal tɩ mam wa.

SEBR SÕNGO

²⁵ Yãmb wee gãd y sẽn deeg neerã n gũud m waoongo.

WẼNNAAM SEBRE 2014

²⁵ Bũmb ning sẽn be bala, yaa tɩ y tall bũmb nins yãmb sẽn tarã kãenkãe hal tɩ mam wa.

Vẽnegre 2:25 Iomraidhean Croise

A Zã Sõng 14:3

Dẽ, mam sã n kẽng n tɩ segl zĩig yãmb yĩnga, mam na n lebg n waa n peega yãmba, tɩ yãmb na be ne maam zĩig ning mam sẽn na n zĩndã.

Tʋʋma 11:28

La bãmb ned a yen yʋʋr sẽn boond t'a Agabus yikame n togs ne Sɩɩg-sõng pãng tɩ wakat n wat tɩ kom-kãseng na n zĩnd dũniyã tɛk fãa. La komã sɩd zĩnda a Sezaar Kolood sẽn wa n dɩt naam wakate.

Rom Dãmba 12:9

Kɩt-y tɩ zãmb da zĩnd nonglem pʋgẽ ye. Kisg-y wẽnga, la y nong sẽn ya sõama wã sõama.

1 Korẽnt rãmba 11:26

Bala, wakat ning fãa yãmb sẽn wãbd bur kãngã, la y yũud bõn-yũudl kãngã, yãmb wilgda Zu-soabã kũum hal tɩ b lebg n wa.

1 Korẽnt rãmba 4:5

Woto yĩnga, da kao-y bũmb baa fɩ bʋʋd tɩ wakatã nan ka ta ye, tɩ Zu-soabã waoong nan ka ta ye. Bãmb sã n wa, b na n puka bũmb ning sẽn solg lik pʋgẽ wã, la b na n kɩtame tɩ bũmb nins nebã sẽn dag n saag b sũyã pʋsẽ wã pugsi. Wakat kãnga, Wẽnnaam n na n pẽg ned kam fãa.

1Tesalonik Rãmba 5:21

Bʋ-y bũmb fãa yelle, tɩ sẽn ya sõama bɩ y reege,

Ebre rãmba 10:23

Bɩ d wilg d tẽebã n da sãmb ye, bala soab ning sẽn kãab-a tõndã pidsda b kãabgo.

Ebre rãmba 3:6

La a Zezi maanda sɩd ne wẽnd-doogã, bãmb sẽn ya Wẽnnaam Bi-riblã. Tõnd n ya bãmb roogã, sã n yaa tɩ tõnd kell n talla raoodo la saag-sõng ning tõnd sẽn yet tɩ d tarame wã kãenkãe hal tɩ ta wakat saabo.

Ebre rãmba 4:14

Tõnd sẽn tar maan-kʋʋr kãsem sẽn pɩʋʋg saasẽ, Wẽnnaam Bi-riblã yĩnga, bɩ d tall tẽeb ning tõnd sẽn tarã kãenkãe.

2 Pɩyɛɛr 3:10

Zu-soabã daar na n waa wa wagdre. Badaare, saasẽ na n looga ne bʋr-kãsenga. Bugma sẽn kok teed ninsã na n yẽnegame, la dũni wã ne bũmb nins sẽn be a pʋgẽ wã na n dɩɩ bugum.

Vẽnegre 1:7

Ade bãmb wata ne sawato. Ninsaal fãa na n yãa bãmba, hal baa ne neb nins sẽn dag n kõs bãmbã. La buuda fãa sẽn be dũni zugã na n wiisa bãmb yĩnga. N-ye! Ãmina!

Vẽnegre 22:20

Ned ning sẽn kɩt-a bõn-kãensã kasetã yetame yaa: N-ye, bilf bal sã n paase mam na n waame. Ãmina! Zu-soab a Zezi, wa-y-yã!

Vẽnegre 22:7

La a Zezi yeelame: Gese, bilf sã n paas bala mam na n waame. Bark bee ned ning sẽn sakd seb-kãngã bãngr goamã zugu.

Vẽnegre 3:11

Mam wata tao-tao. Gãd-y bũmb nins yãmb sẽn tarã kãenkãe, tɩ ned da reeg yãmb maanfã ye.

Vẽnegre 3:3

Dẽ wã, bɩ y tẽeg yãmb sẽn deeg koɛɛgã la y wʋm-a to-to wã, tall-y-yã-a la y kos sugri. Yãmb sã n ka gũusi, mam na n waa yãmb nengẽ wa wagdre, la yãmb ka na n bãng sẽn ya wakat ning la mam na n wa n ling yãmbã ye.