Vẽnegre 2:18 - KÃAB-PAALGÃ KOE-NOOGO

¹⁸ Gʋls Tɩyatɩɩr wẽnd-doogã gũud n yeel-a yaa: Ad Wẽnnaam Bi-riblã, sẽn tar-a nin sẽn wẽnd bug-witim t'a nao wẽnd wa zũudã sẽn yeta:

SEBR SÕNGO

¹⁸ Gʋls Tiyatir Tigengu Malɛka woto: ‹Ad nin sẽn zird wa bugma, t'a naoã pɩnd wa zũud sẽn dʋʋg soaba goama, ad Wẽnd Biiga goama:

WẼNNAAM SEBRE 2014

¹⁸ Gʋls Tɩyatɩɩr wẽnd doogã gũud n yeel-a yaa: Ad Wẽnnaam Bi-riblã, sẽn tar-a nin sẽn wẽnd bug-witim t'a nao wẽnd wa zũudã sẽn yeta:

Vẽnegre 2:18 Iomraidhean Croise

A Matiye Sõng 17:5

La yẽ sẽn ket n gomda, sawadg sẽn pɩnd wa n gũbga bãmba. La ade, koɛɛg yii sawadgẽ wã n yeele: Ada yaa mam Bi-ribl-nongr sẽn ta mam yam zãnga. Kelg-y-yã-a.

A Matiye Sõng 27:54

Sodaas koabg naabã ne neb nins sẽn dag be ne yẽnda n gũud a Zezi wã sẽn yã tẽn-digimdgã ne bũmb ning sẽn maanã, rabeem kãseng yõka bãmb tɩ b yeele: Hakɩɩka, dao-kãngã yaa Wẽnnaam Bi-ribla.

A Matiye Sõng 3:17

La koɛɛg zĩnda saasẽ n yeele: Ada yaa mam Bi-ribl-nongr sẽn ta mam yam zãnga.

A Luk Sõng 1:35

La malɛkã leok-a lame yaa: Sɩɩg-sõng na n waa fo zugu, la Wẽn-kẽemdã pãngã na n luda foom ne b maasem. Yaa woto yĩng la b na n bool bi-sõng ning fo sẽn na n dogã tɩ Wẽnnaam Bi-ribla.

A Zã Sõng 1:14

B kɩtame tɩ gomdã rɩk yĩng n zĩnd tõnd sʋka. Tõnd gesa bãmb ziiri, Bi-ribl sẽn ka to ziir a sẽn deeg a ba wã nengẽ, la b pida ne bark la sɩda.

A Zã Sõng 1:49

Dẽ, a Natanayɛl yeelame yaa: Karen-saamba, yãmb la Wẽnnaam Bi-riblã! Yãmb la Israyɛll Rĩmã!

A Zã Sõng 10:36

yãmb yeta ned ning d ba wã sẽn welg toor la b tʋm-a wã t'a tʋʋsda Wẽnnaam, mam sẽn yeel tɩ m yaa Wẽnnaam bi-riblã yĩnga.

A Zã Sõng 3:16

Bala, Wẽnnaam nonga dũni wã hal wʋsgo, n kõ b Bi-ribl yen tãa wã, tɩ ned ning fãa sẽn na tẽ n bãmb kõn sãam ye, la a na paam vɩɩm sẽn kõn sa.

A Zã Sõng 3:18

B ka na n kao ned ning sẽn tẽedã bʋʋd n sɩbg-a ye. La ned ning sẽn ka tẽedã, a sɩbgr zoe n beeme, a sẽn ka tẽ Wẽnnaam Bi-ribl yen tãa wã yʋʋrã yĩnga.

A Zã Sõng 5:25

Mam yeta yãmb sɩd-sɩd tɩ wakat watame — la yaa moasã bala — tɩ sẽn ki-bã na n wʋm Wẽnnaam Bi-riblã koɛɛga. La neb nins sẽn wʋm-bã na n vɩɩmdame.

Tʋʋma 16:14

Pag a yembr n dag n be be n zoet Wẽnnaam, t'a yʋʋr ya a Lidi. A yita Tiyatɩɩr, la a koosda peen-miid sẽn be neer wʋsgo. Pʋg-kãng ra kelgdame, la Zu-soabã sɩɩsa a sũurã t'a sak n deeg bũmb nins a Poll sẽn da togsdã.

Tʋʋma 8:36

La bãmb sẽn ket n kẽnda, b waa n taa koom zĩigẽ. La ligd-gũudã yeelame yaa: Ad koom, bõe n gɩdg maam ne koom lisgu? [

Rom Dãmba 1:4

la ne sɩɩgã yelle, b welga toore, la Wẽnnaam wilga ne pãng n yeel t'a Zezi yaa Bãmb Bi-ribla, bãmb sẽn vʋʋg-b n yiis kũum sʋkã yĩngã.

Rom Dãmba 8:32

Bãmb sẽn ka bas b meng Bi-riblã tɩ b põse, n dɩk-b n kõ tɩ b kʋ tõnd fãa yĩngã, na n yɩɩ wãn tɩ b ka lagem bũmbã fãa ne bãmb n kõ tõndo, nimbãan-zoeer yĩngã?

Vẽnegre 1:11

A da yetame yaa: Gʋls bũmb nins fo sẽn ne wã sebr zug n tʋm wẽnd-dot yopoe wã sẽn be Efɛɛse, la Ismirn la Pɛrgam la Tɩyatɩɩr la Sard la Filadɛlfi ne Laodise.

Vẽnegre 2:1

Gʋls Efɛɛs wẽnd-doogã gũud n yeel-a yaa: Ad bũmb ning a soab sẽn zãad ãds a yopoe ne a rɩtgo, la a kẽnd sãnem fɩtl-dogends a yopoe wã sʋkã sẽn yeta:

Vẽnegre 2:24

“La yãmb Tɩyatɩɩr neb a taaba fãa sẽn ka sakd zãms-kãngã, la sẽn ka bãng a Sʋtãan yel-solgdsã wa b sẽn mi n yetã, mam yeta yãmb tɩ m ka na n zɩlg yãmb zɩɩb a to ye.