Vẽnegre 19:9 - KÃAB-PAALGÃ KOE-NOOGO

⁹ Malɛkã yeela maam yaa: Gʋlse: Bark bee neb nins b sẽn bool tɩ b wa Pe-bilã pʋg-peegr kibsã zutu! La a yeela maam yaa: Koe-kãngã yaa Wẽnnaam meng goama.

SEBR SÕNGO

⁹ Koɛɛgã n yeel maam: «Gʋls woto: Sũ-noog rãmb la b sẽn bool b rãmba Pe-bila, Wẽnd Biiga, yikãadem. La a le paasame: Wẽnd gom-kãensa yaa sɩda.»

WẼNNAAM SEBRE 2014

⁹ Malɛɛkã yeela maam yaa: Gʋlse: Bark bee neb nins b sẽn bool tɩ b wa pe-bilã pʋg-peegr tigrã zutu! La a yeela maam yaa: Koe-kãngã yaa Wẽnnaam meng goamã.

Vẽnegre 19:9 Iomraidhean Croise

A Luk Sõng 22:16

Bala, mam yeta yãmb tɩ mam kõn leb n dɩ-a yɛsa, hal t'a pids Wẽnnaam soolem pʋgẽ.

1 Tɩmote 1:15

Gomd ning sẽn yet t'a Zezi Kirist waa dũni n na n fãag yel-wẽn maandbã yaa sɩda, la gomdã zemsa reegr zãnga, la mam yaa yel-wẽn-maandbã taoor soabã.

1 Tɩmote 4:9

Yaa gomd sãmbg sẽn ka be a pʋgẽ, la sẽn zems tɩ b reeg-a zãnga:

2 Tɩmote 2:11

Gom-kãngã yaa sɩda: Tõnd sã n ki ne bãmba, tõnd na n vɩɩmda ne bãmb me.

A Titi 3:8

Gom-kãnga yaa sɩda, la mam datame tɩ fo togs-a nebã tɩ neb nins sẽn tẽ Wẽnnaamã na wɩng ne tʋʋm sõama maanego. Yõwã n be neere la a tar yõod ne ninsaalba.

Vẽnegre 1:1

Woto yaa a Zezi Kirist vẽnegr Wẽnnaam sẽn kõ bãmb tɩ b wilg b nonglem yemsã bũmb nins sẽn tog n zĩnd wakat bilf sã n paase. La a Zezi Kirist tʋma b malɛk t'a wilg b tʋmtʋmd a Zã bõn-kãense.

Vẽnegre 1:19

Dẽ wã, gʋls bũmb nins fo sẽn yã, bũmb nins sẽn be moasã, la bũmb nins sẽn na n yaool n maanã.

Vẽnegre 10:4

Sa-kelems a yopoe wã sẽn gomã, mam dag n na n gʋlsame, la mam wʋma koɛɛg sẽn yi arzãn n yeel yaa: ning bũmb nins sa-kelems a yopoe wã sẽn togsã soagdga, la f ra gʋls-b ye.

Vẽnegre 14:13

Mam wʋma koɛɛg sẽn yi arzãn n yetẽ: Gʋlse: sẽn sɩng ne moasã, bark bee kũum nins sẽn kiid Zu-soaba tũudum pʋgẽ wã zutu. Sɩɩg-sõng yetame tɩ n-ye, tɩ b tõe n bas b tʋʋmã n vʋʋse, bala bãmb tʋʋmã pʋgd-b lame.

Vẽnegre 17:1

Dẽ poore, malegs a yopoe wã sẽn da zãad laas a yopoe wã, b ned a yembr waa n goma ne maam n yeele: Wa tɩ m na n wilga foom pʋg-yood kãsengã sẽn zĩ ko-kãsemsã zutã bʋʋdo.

Vẽnegre 17:17

Bala, Wẽnnaam ninga bãmb sũyã pʋs tɩ b maan Wẽnnaam daabo, la b naag taab yam a yembre, n dɩk b naamã n kõ rũngã hal tɩ Wẽnnaam goamã wa paam pidsgu.

Vẽnegre 2:1

Gʋls Efɛɛs wẽnd-doogã gũud n yeel-a yaa: Ad bũmb ning a soab sẽn zãad ãds a yopoe ne a rɩtgo, la a kẽnd sãnem fɩtl-dogends a yopoe wã sʋkã sẽn yeta:

Vẽnegre 2:12

Gʋls Pɛrgam wẽnd-doogã gũud n yeel-a yaa: Soab ning sẽn zãad-a zabr sʋʋg sẽn tar noey a yiib sẽn dɩtã yetame yaa:

Vẽnegre 2:18

Gʋls Tɩyatɩɩr wẽnd-doogã gũud n yeel-a yaa: Ad Wẽnnaam Bi-riblã, sẽn tar-a nin sẽn wẽnd bug-witim t'a nao wẽnd wa zũudã sẽn yeta:

Vẽnegre 2:8

Gʋls Ismirn wẽnd-doogã gũud n yeel-a yaa: Sẽn ya-a dẽenem la yaoolem soaba, sẽn dag n ki-a n leb n vʋʋgã yetame yaa:

Vẽnegre 21:5

Ned ning sẽn zao geerã yeelame yaa: Ade, mam maanda bũmba fãa paalse. La b yeel yaa: Gʋlse, bala, gom-kãensã yaa vẽenega la b yaa sɩda.

Vẽnegre 22:6

Malɛkã yeela maam yaa: Sãmbg ka be gom-kãens pʋgẽ ye, la b yaa sɩda. Zu-soabã sẽn ya no-rɛɛsdbã sɩɩs Wẽnnaamã tʋma b malɛk t'a wilg bãmb tʋmtʋmdbã bũmb nins sẽn tog n zĩnd bilf sã n paase.

Vẽnegre 3:1

Gʋls Sard wẽnd-doogã gũud n yeel-a yaa: Ad soab ning sẽn tar Wẽnnaam sɩɩs a yopoe la ãds a yopoe wã sẽn yeta: “Mam bãnga yãmb tʋʋmã. Yãmb yʋʋr yiime tɩ y vɩɩme la y yaool n yaa kũum.

Vẽnegre 3:14

Gʋls Laodise wẽnd-doogã gũud n yeel-a yaa: Ad bũmb ning sẽn ya-a Ãmina, la kaset soab sẽn ya tɩrga, la sɩd soaba, sẽn naan-a Wẽnnaam bõn-naandsã sẽn yeta:

Vẽnegre 3:20

Ade, mam yasa rig-noorẽ n kabsdẽ. Ned sã n wʋm mam koɛɛgã n pak kʋɩlengã, mam na n kẽe yẽ roogẽ n dɩ ne yẽnda la yẽ na n dɩɩ ne maam.

Vẽnegre 3:7

Gʋls Filadɛlfi wẽnd-doogã gũud n yeel-a yaa: Ad bũmb sõmblem soabã, sɩd soabã, sẽn tar-a a Daviid kʋɩlen-bilã, soab ning sẽn pakd tɩ ned ka tõe n pagã, soab ning sẽn pagd tɩ ned ka tõe n pakã sẽn yeta: