Vẽnegre 19:7 - KÃAB-PAALGÃ KOE-NOOGO

⁷ D maan sũ-noog n kɩdme, la d waoog bãmba, bala Pe-bilã pʋg-peegrã daar taame, la bãmb pʋg-paalã segla a meng n sɛ.

SEBR SÕNGO

⁷ Bɩ d lang sũ-noogo la d pẽg Wẽnnaam tɩ yaa Pe-bila, Wẽnd Biiga, kãadem la pʋg paala ninga a fan teedo;

WẼNNAAM SEBRE 2014

⁷ D maan sũ-noog n kɩdme, la d waoog bãmba. Bala pe-bilã pʋg-peegrã daar taame, la bãmb pʋg-paalã segla a meng n sɛ.

Vẽnegre 19:7 Iomraidhean Croise

A Matiye Sõng 1:20

Wakat ning a Zozɛf sẽn tagsd a woto, Zu-soabã malɛk puka a meng ne yẽnda zãmsd pʋgẽ n yeele: Zozɛf, a David yagenga, da zoe dabeem tɩ peeg f pag a Maari ye, bala pʋgã a sẽn tarã yita Sɩɩg-sõng nengẽ.

A Matiye Sõng 22:2

Arzãn soolem yaa wa rĩm sẽn maan pʋg-peegr kibs a bi-ribl yĩnga.

A Luk Sõng 12:36

la y yɩ wa neb sẽn gũud tɩ b zu-soab yi pʋg-peegr kibs n lebg n wa, t'a sã n ta bal n wẽ bɩ b pak t'a kẽ.

A Zã Sõng 3:29

Yaa pag sɩd n so-a. La pʋg-sɩdã zoa bee ne-a n kelgd-a, la a sã n wʋm pʋg-sɩdã koɛɛga, a sũur yaa noogo. Sũ-no-kãng la mam dẽndã, la a pida moasã.

2 Korẽnt rãmba 11:2

Bala, mam maanda sũ-kiir yãmb yĩnga, la yaa sũ-kiir sẽn yit Wẽnnaam nengẽ, tɩ bõe mam sẽn dɩk yãmb n kõ sɩd a yen tãa wã yĩnga. Tɩ mam tõe tall yãmb n kẽng Kirist nengẽ wa pʋg-sad sẽn ka sãam ye.

Efɛɛz Rãmba 5:23

Bala, rao yaa a pag zu-soaba, a wa Kirist sẽn ya bãmb tẽedbã Zu-soabã. Tẽedbã yaa Kirist yĩnga, tɩ Kirist ya tẽedbã fãagda.

Efɛɛz Rãmba 5:32

Yel-solemd kõngã yaa kãsenga. Mam sẽn yet a woto wã, yaa sẽn kẽed ne Kirist la b tẽedbã wɛɛngẽ.

Filip rãmba 3:3

Bala, tõnd sẽn waoogd Wẽnnaam ne Sɩɩg-sõng pãnga, n maand sũ-noog a Zezi Kirist pʋgẽ, n ka teegd yĩngã tʋʋmã, yaa tõnd la zũins sɩd-sɩda.

Vẽnegre 11:13

Wakat kãnga bala, tẽn-digimdg sẽn ya kãseng zĩndame, la tẽngã pʋɩɩr a yembr piig sʋk sirgame. Tẽn-digimdg kãng kʋʋ neb tus a yopoe, la rabeem yõka neb a taabã, la b kõo arzãn Wẽnnaamã waoogre.

Vẽnegre 19:9

Malɛkã yeela maam yaa: Gʋlse: Bark bee neb nins b sẽn bool tɩ b wa Pe-bilã pʋg-peegr kibsã zutu! La a yeela maam yaa: Koe-kãngã yaa Wẽnnaam meng goama.

Vẽnegre 21:2

La mam yãa tẽn-sõngã, Zeruzalɛm paalgã sẽn yi Wẽnnaam nengẽ n sigda, la a wẽnda wa pag sẽn nags a meng a sɩd yĩnga.

Vẽnegre 21:9

Dẽ poore, malegs a yopoe wã sẽn da zãad laas a yopoe sẽn pid ne yaoolem tood a yopoe wã ned a yembr waa n goma ne maam n yeel yaa: Wa tɩ m na n wilg-f la pʋg-paalã, Pe-bilã pagã.