Vẽnegre 19:12 - KÃAB-PAALGÃ KOE-NOOGO

¹² Bãmb ninã yaa wa bug-witim. Maanf-rãmb wʋsg n fõg bãmb zugã. Bãmb tara yʋʋr sẽn gʋls tɩ ned baa a yen ka mi, sã n ka bãmb mengã bala,

SEBR SÕNGO

¹² A nina zirda wa bugum. Naam pugli n lagem n fõg a zugã la b gʋlsa a yʋʋre, yẽnda a ye bal sẽn mi.

WẼNNAAM SEBRE 2014

¹² Bãmb ninã yaa wa bug-witim. Maanf-rãmb wʋsg n fõg bãmb zugã. Bãmb tara yʋʋr sẽn gʋls tɩ ned baa a yembr ka mi, sã n ka bãmb mengã bala,

Vẽnegre 19:12 Iomraidhean Croise

A Matiye Sõng 11:27

M ba ninga bũmb fãa mam nugẽ, la ned ba a yen ka mi Bi-riblã, sã n ka ba wã bala. La ned ba a yen ka mi ba wã, sã n ka Bi-riblã bala, la a sẽn dat n vẽneg bãmb ne ned ningã.

A Matiye Sõng 21:5

Yeel-y Sɩyõ nebã yaa: Ges-y-yã! Yãmb Rĩmã zaoo bõn-yãanga, bõn-bila, rũng b sẽn zombd biiga, n wat yãmb nengẽ ne sũ-bʋgsem wʋsgo.

A Matiye Sõng 28:18

A Zezi kolgame n gom ne bãmb a woto: Wẽnnaam kõo maam pãng fãa sẽn be arzãn la tẽng zugu.

A Luk Sõng 10:22

M ba kõo maam bũmba fãa, la ned baa a yen ka mi Bi-riblã sẽn yaa a soaba, a sã n ka a ba wã ye. La ned baa a yen ka mi ba wã sẽn yaa a soaba, sã n ka Bi-riblã bala, la ned ning Bi-riblã sẽn dat n vẽneg bãmb ne-a wã ye.

A Zã Sõng 17:11

Mam ka leb n be dũni kãngã pʋgẽ ye, la bãmb ket n bee a pʋgẽ, tɩ mam wat yãmb nengẽ. M ba sẽn ya sõmblem soaba, tall-y-b yãmb yʋʋrã yĩnga, yʋʋr ning yãmb sẽn kõ maamã, tɩ bãmb na lebg yembr wa tõnd sẽn ya yembrã.

A Zã Sõng 17:12

Mam sẽn dag n be ne bãmbã wakate, mam dag n gũuda neb nins yãmb sẽn kõ maamã ne yãmb yʋʋre. Mam kogl-b lame tɩ ned baa a yembr ka menem ye, sã n ka sẽn da tog n sãam-a wã, tɩ yãmb gʋls-sõamyã paam pidsgã.

Efɛɛz Rãmba 1:21

Wẽnnaam kɩtame tɩ Kirist yɩɩd rĩm-dãmba fãa la noyã fãa la pãensã fãa la naam fãa, la b yʋʋrã yɩɩda yʋyã fãa sẽn pʋtã, la ka dũnna zamaanã pʋg bal ye, la yaa ne zamaan ning sẽn watã me pʋgẽ.

Ebre rãmba 2:9

A Zezi, soab ning Wẽnnaam sẽn kɩt tɩ wakat bilf pʋgẽ b ka ta malegsã, tõnd geta bãmb ne yamleoogo, bãmb sẽn paam ziir la waoogre, kũum ning b sẽn nams n ki wã yĩnga. Woto, Wẽnnaam nimbãan-zoeerã yĩnga, a Zezi lemba kũum tõnd fãa sõngr yĩnga.

Vẽnegre 1:14

B zugã zoobd rag n yaa peels wa pe-kõbdo la wa lamdo. B ninã ra yaa wa bug-witim.

Vẽnegre 12:3

Bõn-bãnd a to puka arzãna: Ad yaa bõnin-kãseng sẽn ya miuugu, n tar zut a yopoe ne yɩɩl piiga, la maanf-rãmb n da fõg a zut a yopoe wã.

Vẽnegre 13:1

Dẽ poore, mam yãa rũng sẽn yi ko-kãsengẽ wã n tar yɩɩl piiga la zut a yopoe, la maanf-rãmb piig n dag n be a yɩɩla zutu, la Wẽnnaam tʋʋsg yʋy n dag n gʋls a zutẽ wã.

Vẽnegre 19:16

Bãmb tara yʋʋr sẽn gʋls b fuugã zug la b geerã zugu: rĩm-dãmb Rĩma, la zu-soben-dãmb Zu-soaba.

Vẽnegre 3:12

Mam na n kɩtame tɩ ned ning sẽn tõog-a wã lebg ra-luk mam Wẽnnaamã roog pʋga, la yẽ kõn le yi be ye. Mam na n gʋlsa mam Wẽnnaamã yʋʋre, la m Wẽnnaamã tẽng sẽn ya Zeruzalɛm paalg sẽn yit mam Wẽnnaamã nengẽ arzãn n sigdã yʋʋr yẽ zugu, la m gʋls mam yʋ-paalegã yẽ zugu.”

Vẽnegre 6:2

Mam gesame, la mam yãa wed-moaag sẽn ya pɛɛlga. Sẽn zao-a weefã ra zãada tãpo, la b kõo yẽ maanfo. La a kẽnga wa tõaagda, n na n tõoge.