Vẽnegre 19:10 - KÃAB-PAALGÃ KOE-NOOGO

¹⁰ La mam wõgemda yẽ taoor n na n waoog-a, la a yeela maam yaa: Da saag n maan a woto ye! Mam yaa fo tʋmd-n-taaga la fo ba-biis nins sẽn tar a Zezi kasetã tʋmd-n-taaga. Waoog Wẽnnaam! Wẽnnaam no-rɛɛsdbã goam yita a Zezi kasetã pʋga.

SEBR SÕNGO

¹⁰ M wõgemdame n me na n waoog sẽn gomda soabã la a yeela maam: «Ayo, vẽ! Ad mam me yaa Wẽnd yamb wa foo la m wẽnda fo saam-biisa fãa sẽn tar-b a Zezi kaseto. Yaa Wẽnnaam la fo tog n waooge.» Tõog tɩ Krista kaseta pid bala n tog n be bãngd yamẽ.

WẼNNAAM SEBRE 2014

¹⁰ La mam wõgemda yẽnda taoor n na n waoog-a, la a yeela maam yaa: Da saag n maan a woto ye! Mam yaa fo tʋmd-n-taaga, la fo ba-biis nins sẽn tar a Zeezi kasetã tʋmd-n-taaga. Waoog Wẽnnaam! Wẽnnaam no-rɛɛsdbã goam yita a Zeezi kasetã pʋga.

Vẽnegre 19:10 Iomraidhean Croise

A Matiye Sõng 4:10

A Zezi yeela yẽnda: Kẽng n looge, Sʋtãana! Bala a gʋlsame tɩ f waoog Zu-soabã fo Wẽnnaamã la f sak bãmb b yen bal tãa.

A Mark Sõng 5:22

La karen-doog kãsem a yembr n wa be t'a yʋʋr boondẽ t'a Zayirus. Yẽ sẽn yã a Zezi, a wõgemda bãmb taoore,

A Mark Sõng 7:25

Bala, zĩn-dẽgd n dag n tar pag a yembr bi-pugla, la pagã wʋma a Zezi kibare, n wa n wõgemd bãmb taoore.

A Luk Sõng 1:19

La malɛkã leoka yẽnda yaa: Mam yaa a Gabriyɛl, n be Wẽnnaam taoore. B tʋma maam tɩ m wa n gom ne foom la m togs-f koe-no-kãnga.

A Luk Sõng 24:44

Dẽ poore, a Zezi yeel-b lame yaa: Bũmb ninga mam sẽn da togs yãmb mam sẽn dag n ket n be ne yãmba la woto: Ra yaa tɩlɛ tɩ bũmb nins fãa sẽn gʋls a Moyiis tõoga pʋgẽ la Wẽnnaam no-rɛɛsdbã sɛb pʋsã la yɩɩn-sõamyã pʋgẽ n gomd mam yellã paam pidsgu.

A Zã Sõng 5:39

Yãmb lɩkd n geta Wẽnnaam gʋls-sõamyã pʋse, yãmb sẽn tẽed tɩ yãmb na n paama vɩɩm sẽn kõn sɛ, b maasem yĩngã. Yaa gʋls-sõamy kãens n kɩt mam kaseto.

Tʋʋma 10:43

Wẽnnaam no-rɛɛsdbã fãa goma Zezi yell n yeel tɩ ned ning fãa sẽn tẽeda bãmb na n paama a yel-wẽn sugr kũun ne bãmb yʋʋre.

Tʋʋma 13:27

Tɩ bõe, Zeruzalɛm neba ne b nanamsa ka bãng a Zezi sẽn ya ned ning ye. La b ka wʋm Wẽnnaam no-rɛɛsdba goama b sẽn karemd vʋʋsg daar fãa wã võor ye. La b kaoo a Zezi bʋʋd n pids Wẽnnaam no-rɛɛsdba gom-kãense.

2 Korẽnt rãmba 8:7

A wa yãmb sẽn modgd ne bũmb fãa wã: Sã n ya tẽebo, goama, bãngre, la yãmb sẽn wɩngd ne bũmb fãa, la y tar nonglem tõnd yĩngã, bɩ y modg ne nonglem tʋʋm kãng maaneg me.

Efɛɛz Rãmba 5:15

Dẽ wã, gũus-y neer ne yãmb kẽnde, n da kẽn wa yalemb ye. Kẽn-y wa yam dãmba.

Efɛɛz Rãmba 5:33

Sẽn keta, bɩ yãmb ned kam fãa nong a pag wa a menga, la bɩ pag fãa waoog a sɩda.

Filip rãmba 3:3

Bala, tõnd sẽn waoogd Wẽnnaam ne Sɩɩg-sõng pãnga, n maand sũ-noog a Zezi Kirist pʋgẽ, n ka teegd yĩngã tʋʋmã, yaa tõnd la zũins sɩd-sɩda.

1Tesalonik Rãmba 5:15

Gũus-y y mense, tɩ ned da lebs a to wẽng wẽng yĩng ye. Mao-y tɩ maan neere, sã n yaa yãmb ne taaba, wall ne nebã fãa.

Ebre rãmba 1:14

Dẽ yĩnga, malegsã fãa ka sɩɩs sẽn tʋmd Wẽnnaam yĩnga, tɩ Wẽnnaam mi n tʋm-b tɩ b tɩ maan tʋʋmd n sõng neb nins sẽn n tog n deeg fãagrã tɩ yɩ b pʋɩɩrã laa?

Ebre rãmba 12:25

Maan-y gũusgu! Ra tõdg-y n ka kelg ned ning sẽn gomd-a ne yãmbã ye. Bala, neb nins sẽn tõdg n ka kelg a soab sẽn dag n keoogd bãmb tẽng zug ka wã sã n ka põse, tõnd n ka na n põs n yɩɩda, tõnd sã n tõdg n ka kelg ned ning sẽn be arzãn n keoogd tõndã.

1 Zã 5:10

Ned ning sẽn tẽed Wẽnnaam Bi-riblã tara kaset kãngã a meng pʋgẽ. Ned ning sẽn ka tẽed Wẽnnaam, a maanda bãmb tɩ b yɩ wa zĩrĩ yagda yẽ sẽn ka tẽed kaset ninga Wẽnnaam sẽn kɩs b Bi-riblã wɛɛngẽ wã yĩnga.

1 Zã 5:21

Mam kom-bõonego, lak-y y mens ne wẽn-naandsã.

Vẽnegre 1:1

Woto yaa a Zezi Kirist vẽnegr Wẽnnaam sẽn kõ bãmb tɩ b wilg b nonglem yemsã bũmb nins sẽn tog n zĩnd wakat bilf sã n paase. La a Zezi Kirist tʋma b malɛk t'a wilg b tʋmtʋmd a Zã bõn-kãense.

Vẽnegre 1:9

Maam a Zã sẽn ya yãmb ba-biiga la sẽn naag yãmb n paamd namsgo, la sẽn naag yãmb n tar pʋɩɩr ne Wẽnnaam soolem, la m naag n maood a Zezi tũudmã pʋgẽ wã, mam dag n bee Patmoos sẽn ya tẽng koom sẽn gũbgi, Wẽnnaam goamã la a Zezi kasetã yĩnga.

Vẽnegre 12:11

D ba-biisã tõoga rõatã ne Pe-bilã zɩɩm pãnga, la ne kasetã bãmb sẽn kɩtã pãnga, la bãmb ka nong b vɩɩmã, hal n zoe kũum ye.

Vẽnegre 12:17

Bõninnã sũur puuga ne pagã, la a kẽngame n tɩ yik zabr ne pagã yagensã sẽn kellã, neb nins sẽn sakd Wẽnnaam tõodã la sẽn tall-b a Zezi kasetã.

Vẽnegre 14:7

Yẽ, zẽka a koɛɛg n yetẽ yaa: Zoe-y Wẽnnaam dabeem la y waoog bãmba. Bala wakat taame tɩ bãmb na n kao bʋʋdo. Wõgemd-y soab ning sẽn naan-a yĩngr la tẽngã, ko-kãseng ne ko-bundsã taoore.

Vẽnegre 15:4

Zu-soaba, ãnna n ka na n zoe yãmba, la a ka na n waoog yãmb yʋʋrã? Bala, yãmb y yen tãa n welg toore. La soolem dãmba fãa na n waa n wõgemda yãmb taoore, yãmb tɩrlmã sẽn pukã yĩnga.

Vẽnegre 19:9

Malɛkã yeela maam yaa: Gʋlse: Bark bee neb nins b sẽn bool tɩ b wa Pe-bilã pʋg-peegr kibsã zutu! La a yeela maam yaa: Koe-kãngã yaa Wẽnnaam meng goama.

Vẽnegre 4:10

kãsem-dãmbã pisi la a naasã na n wõgemda sẽn zao-a geerã zugu la b sẽn vɩ zamaan o zamaana taoore, n waoogd-ba, la b na n lobda b maanf-rãmba geerã taoor la b yetẽ: