Vẽnegre 17:8 - KÃAB-PAALGÃ KOE-NOOGO

⁸ Rũng ning fo sẽn yã wã rag n beeme, la a ka leb n beẽ ye. A na n yii bog-zulungẽ wã n kẽng sãoong zĩigẽ. La dũni neb nins yʋy sẽn ka gʋls vɩɩm sebrã pʋgẽ hal dũni naaneg wẽndẽ wã sã n yã rũngã, a na n yɩɩ lingr ne bãmba, rũngã sẽn dag n be, n wa ka leb n beẽ la a na n leb n pukã yĩnga.

SEBR SÕNGO

⁸ Rũn kãng ra beeme la marsã a ka ye; a na n yii bul-zulungẽ wã la na n yɩ-la a bõne; neb niyns faa sẽn ka paam tɩ b gʋls b yʋy al dũni sɩngrẽ, vɩɩm sebra pʋgẽ, bãmb fãa pɛlens na n yɩka Rũngã poorẽ, a sẽn da beẽ, n wa kaẽ, n na n le wa pukã.

WẼNNAAM SEBRE 2014

⁸ Rũng ning fo sẽn yã wã rag n beeme, la a ka leb n beẽ ye. A na n yii bog-zulungẽ wã n kẽng sãoong zĩigẽ. La dũni neb nins yʋy sẽn ka gʋls vɩɩm sebrã pʋgẽ hal dũni naaneg wẽndẽ wã sã n yãnd rũngã, a na n yɩɩ lingr ne bãmba, rũngã sẽn dag n be, n wa ka leb n beẽ la a na n leb n pukã yĩnga.

Vẽnegre 17:8 Iomraidhean Croise

A Matiye Sõng 25:34

Dẽ, Rĩmã na n yeela neb nins sẽn be bãmb dɩtgã yaa: Yãmb dãmb sẽn tar m ba wã barkã, wa-y-yã! Reeg-y soolmã sẽn dag n segl yãmb yĩng hal dũni naaneg wakatã tɩ yɩ y rogem pʋɩɩre.

A Luk Sõng 10:20

Baoosgo, da maan-y sũ-noogo, zĩn-dãmbã sẽn sakd yãmbã yĩng ye. Maan-y sũ-noogo, yãmb yʋɩyã sẽn gʋls arzãn pʋgẽ wã yĩnga.

A Luk Sõng 8:31

La zĩn-dãmbã bõosa a Zezi tɩ b ra rig-b tɩ b kẽng zĩ-zulungẽ wã ye.

A Zã Sõng 17:24

M ba, mam datame tɩ neb nins yãmb sẽn kõ maamã me na zĩnd ne maam zĩig ning mam sẽn be, tɩ b na get mam ziirã, ziir ning yãmb sẽn kõ maam, yãmb sẽn nong maam hal sẽn deng dũni yẽbgrã yĩnga.

Tʋʋma 15:18

Ade, yaa Zu-soabã sẽn wilg bõn-kãens hal yʋʋm zãrã n yeel a woto.”

Efɛɛz Rãmba 1:4

Wẽnnaam yãka tõnd Kirist maasem yĩng sẽn deng dũni naanego, tɩ tõnd yɩ neb sẽn ya yell bãmb taoor ye. Wẽnnaam nonglmã pʋga,

A Titi 1:2

Wẽn-tũudum, n paam tẽeb pidsg gũudem ne vɩɩm sẽn kõn sa wã, Wẽnnaam sẽn ya sɩd soabã sẽn dag n kãab hal tɩ dũni nan ka naana.

1 Pɩyɛɛr 1:20

tar bãnde, Wẽnnaam dag n pĩnd n yãka Kirist sẽn deng dũni naanego, la b waa yãmb yĩnga, yaoolem zamaana pʋgẽ.

Vẽnegre 11:7

Bãmb sã n wa kɩs b kasetã n sɛ, rũng ning sẽn yit bog-zulungẽ wã na n yika zabr ne bãmba, n tõog-ba, n kʋ-ba.

Vẽnegre 17:11

Rũng ning sẽn dag n be, n ka leb n be wã meng yaa rĩm a nii soaba. Yẽ me yaa rĩm-dãmb a yopoe wã ned a yembre. La a rabda sãoong zĩigẽ.

Vẽnegre 17:2

Yaa ne yẽnda la dũniyã rĩm-dãmbã maan yoobo, la dũni nebã ra yũu yẽ yoobã divẽ tɩ b nens yilim.

Vẽnegre 20:10

B loba bɛlgdã, soab ning sẽn dag n belgd nebã bugum mogr sẽn dɩt kidbr pʋga, zĩig ning rũngã ne belgr no-rɛɛsã sẽn be wã. Bãmb na n namsa wĩndg ne yʋngo, zamaan o zamaane.

Vẽnegre 20:12

La mam yãa neb nins sẽn ki wã, nin-kãsemse, nin-talse tɩ b yas geerã taoore. La b lagsa sɛba, la b laka sebr a to sẽn ya vɩɩm sebre. B bʋʋ sẽn ki-bã bʋʋdo, n zems ne bũmb nins sẽn gʋls sɛbã pʋsã, n zems ned fãa tʋʋmd sẽ yɩ a soaba.

Vẽnegre 20:15

B loba ned ning fãa b sẽn ka yã a yʋʋr tɩ gʋls vɩɩm sebrã pʋgẽ wã bugum mogrã pʋga.

Vẽnegre 3:10

Yãmb sẽn tall mam koɛɛg ning sẽn kɩt tɩ yãmb nangd pãng mam pʋgẽ wã yĩnga, mam me na n kogla yãmb wakat ning makrã sẽn na wa dũniyã tɛk fãa n mak nebã sẽn be a zugã.

Vẽnegre 3:5

Ned ning sẽn na n tõogã na n yeelga fu-peels a woto. Mam ka na n yẽes yẽ yʋʋrã vɩɩm sebrã pʋgẽ ye, la mam na n boola yẽ yʋʋrã m ba la malegsã taoore.”