Vẽnegre 13:12 - KÃAB-PAALGÃ KOE-NOOGO

¹² Yẽ da tʋmda ne pipi rũngã pãn-tõogã fãa a nifẽ, la a kɩtame tɩ tẽngã ne nebã sẽn be a zugã wõgemded pipi rũngã sẽn da paam sãmpog-kʋʋdg tɩ maagã taoore.

SEBR SÕNGO

¹² A reega a tʋʋmna pipi Rũnga nengẽ, la a saa n vigla a naama zaoor zĩig zãnga n kɩt tɩ dũnia tõre ne a neba ka tɛkã waoog pipi Rũngã, rũng ning zug a ye sẽn pogle n wẽneg n sãoogã.

WẼNNAAM SEBRE 2014

¹² Yẽnda rag n tʋmda ne pipi rũngã pãn-tõogã fãa a nifẽ, la a kɩtame tɩ tẽngã ne nebã sẽn be a zugã wõgemded pipi rũngã sẽn dag n paam sãmpog-kʋʋdg tɩ maagã taoore.

Vẽnegre 13:12 Iomraidhean Croise

2Tesalonik Rãmba 2:4

bɛ sẽn zẽkd a meng n yɩɩgd bũmb ning fãa b sẽn boond tɩ Wẽnnaam, la bũmb nins fãa neb sẽn pʋʋsda, hal n pʋs n kẽng n tɩ zĩnd Wẽnnaam doogẽ wã, n kɩt tɩ b bool-a tɩ wẽnnaam.

Vẽnegre 13:2

Rũngã mam sẽn yã wã ra wẽndã wa ãbga, t'a naowã wẽnd wa wʋrs naowã, t'a noorã wẽnd wa gɩgemd noore. Bõninnã kõo rũngã a pãngã la a geerã la a pãn-tõogã.

Vẽnegre 13:8

La neba fãa sẽn be tẽng zugu, tɩ b yʋy ka gʋls vɩɩm sebr sẽn ya Pe-bil ning b sẽn kʋ hal dũni naaneg wakatã sebrã pʋgẽ wã wõgemda rũngã taoore.

Vẽnegre 14:11

Bãmb namsgã bug-zõos zẽkda zamaan o zamaane. La wĩndg ne yʋngo, neb nins sẽn wõgemded rũngã ne a bõn-naandgã taoorã, la ned ning sẽn deeg-a yẽ yʋʋrã bãndã ka tol n tar vʋʋsem ye.

Vẽnegre 14:9

Malɛk a to sẽn ya tãab-n-soab pʋgla bãmb ne koe-kãseng n yeele: Ned sã n wõgemd rũngã ne a bõn-naandgã taoore, la a sã n deeg bãndã a dĩirẽ wall a nug zugu,

Vẽnegre 16:2

Pipi soabã kẽngame n tɩ kiig sẽn be yẽ laagẽ wã dũniyã zugu. La nod-kɛgeng sẽn ya toaag yõka neb nins sẽn dag n tar rũngã gʋlsem bãnde la b wõgemded bõn-naandgã taoorã.

Vẽnegre 17:8

Rũng ning fo sẽn yã wã rag n beeme, la a ka leb n beẽ ye. A na n yii bog-zulungẽ wã n kẽng sãoong zĩigẽ. La dũni neb nins yʋy sẽn ka gʋls vɩɩm sebrã pʋgẽ hal dũni naaneg wẽndẽ wã sã n yã rũngã, a na n yɩɩ lingr ne bãmba, rũngã sẽn dag n be, n wa ka leb n beẽ la a na n leb n pukã yĩnga.

Vẽnegre 19:20

La b yõga rũngã ne zãmb no-rɛɛs ning sẽn dag n maan bõn-yɛɛsds rũngã taoor n belg neb nins sẽn deeg rũngã bãndã la b wõgemded yẽ bõn-naandgã taoorã. B loba bãmb b yiiba fãa vɩɩs bugum mogr sẽn dɩt kidbr pʋgẽ.

Vẽnegre 20:4

Mam yãa naam-gɛyã. La b kõo neb nins sẽn zĩnd gɛyã zutã noor tɩ b bʋ bʋʋdo. La mam yãa neb nins b sẽn fiuus b zut a Zezi kasetã ne Wẽnnaam goamã yĩngã sɩɩse, la neb nins sẽn dag n ka wõgemd rũngã wall a bõn-naandgã taoore, la b ka reeg bãndã b rĩyẽ wall b nusã zutã sɩɩse. Bãmb vʋʋgame n dɩ naam ne Kirist yʋʋm tusri.