Vẽnegre 13:10 - KÃAB-PAALGÃ KOE-NOOGO

¹⁰ Ned sã n tog n kẽ yembdo, a na n kẽ yembdo. Ned sã n kʋ ne zabr sʋʋga, yaa tɩlɛ tɩ b kʋ-a ne zabr sʋʋga. Wẽnnaam nin-tũusdsã modgr la b tẽebã la woto.

SEBR SÕNGO

¹⁰ B balg bãnga sẽn toga ne bãnga! B kʋ ne sʋʋga sẽn toga n kʋ ne sʋʋga! Woto wã, nin-sõma wã maanda sũ-keelem la b zĩ ne saagre.

WẼNNAAM SEBRE 2014

¹⁰ Ned sã n tog n kẽ yembdo, a na n kẽe yembdo. Ned sã n kʋ ne zabr sʋʋga, yaa tɩlɛ tɩ b kʋ-a ne zabr sʋʋga. Wẽnnaam nin-tũusdsã modgr la b tẽebã la woto.

Vẽnegre 13:10 Iomraidhean Croise

A Matiye Sõng 26:52

La a Zezi yeel-a lame: Lebs f sʋʋgã n sui a wʋʋgẽ. Bala neb nins fãa sẽn na n zab ne zabr sʋʋse, zabr sʋʋs n na n sãam-ba.

A Matiye Sõng 7:2

Tɩ bõe, yãmb sẽn bʋʋd nebã bʋʋd to-to wã, b na n bʋʋ yãmb bʋʋd a woto me. Yaa ne makdg ning yãmb sẽn tar n makdẽ wã la b na n mak n lebs yãmba.

A Luk Sõng 21:19

Yãmb sã n yals kãenkãe, y na n fãaga y mense.

Kolos Rãmba 1:11

Tõnd kota Wẽnnaam, tɩ yãmb na paam pãng n paase, bãmb pãn-kãsengã maasem yĩnga, tɩ yãmb tõe n yɩ neb sẽn kẽngd taoor sɩd-sɩda, la sẽn tar sũ-mare.

Ebre rãmba 6:12

tɩ y da wa yɩ kʋɩɩmb ye, la bɩ y maan togs-n-taar ne neb nins sẽn maand tẽeb la sũ-mare, n deegd pʋɩɩr ning Wẽnnaam sẽn kãabã.

Vẽnegre 1:9

Maam a Zã sẽn ya yãmb ba-biiga la sẽn naag yãmb n paamd namsgo, la sẽn naag yãmb n tar pʋɩɩr ne Wẽnnaam soolem, la m naag n maood a Zezi tũudmã pʋgẽ wã, mam dag n bee Patmoos sẽn ya tẽng koom sẽn gũbgi, Wẽnnaam goamã la a Zezi kasetã yĩnga.

Vẽnegre 11:18

Soolem toay-toayã rãmb ra yika b sũyã, la yãmb sũ-puugrã waame, la wakat taame tɩ y na n kao neb nins sẽn ki wã bʋʋdo, la y keo y no-rɛɛsdbã sẽn ya yãmb tʋmtʋmdbã ne y nin-tũusidsã la neb nins sẽn zoet yãmb yʋʋrã, nin-talse la nin-kãsemse, la y sãam neb nins sẽn sãamd tẽngã.

Vẽnegre 14:12

Woto yĩnga, nin-sõamy wã tog n nanga pãnga, n sakd Wẽnnaam tõodã la b tall tẽeb ne a Zezi.

Vẽnegre 16:6

Bala, bãmb daaga neb nins sẽn welg toorã la yãmb no-rɛɛsdbã zɩɩm, la yãmb kõ-b-la zɩɩm tɩ b yũ. Rẽ segda ne bãmba.

Vẽnegre 17:11

Rũng ning sẽn dag n be, n ka leb n be wã meng yaa rĩm a nii soaba. Yẽ me yaa rĩm-dãmb a yopoe wã ned a yembre. La a rabda sãoong zĩigẽ.

Vẽnegre 17:8

Rũng ning fo sẽn yã wã rag n beeme, la a ka leb n beẽ ye. A na n yii bog-zulungẽ wã n kẽng sãoong zĩigẽ. La dũni neb nins yʋy sẽn ka gʋls vɩɩm sebrã pʋgẽ hal dũni naaneg wẽndẽ wã sã n yã rũngã, a na n yɩɩ lingr ne bãmba, rũngã sẽn dag n be, n wa ka leb n beẽ la a na n leb n pukã yĩnga.

Vẽnegre 2:19

“Mam bãnga yãmb tʋʋma la y nonglemã, la y tẽebã, la y tʋʋm sõamy wã, la y sũ-marã ne y yaoolem tʋʋmã sẽn ya wʋsg n yɩɩd y pipi tʋʋmã.

Vẽnegre 2:2

“Mam mii tʋʋm nins y sẽn maanã, la y sẽn tʋmd to-to, la m mii y modgrã. Mam miime tɩ yãmb ka tõe n sak tɩ nin-wẽns zĩnd ne-y ye. Yãmb maka neb nins sẽn yet tɩ b yaa tẽn-tʋmdb n yaool n ka tẽn-tʋmdbã n gese, la yãmb mikame tɩ b yaa zĩrĩ yagdba.

Vẽnegre 3:10

Yãmb sẽn tall mam koɛɛg ning sẽn kɩt tɩ yãmb nangd pãng mam pʋgẽ wã yĩnga, mam me na n kogla yãmb wakat ning makrã sẽn na wa dũniyã tɛk fãa n mak nebã sẽn be a zugã.

Vẽnegre 3:3

Dẽ wã, bɩ y tẽeg yãmb sẽn deeg koɛɛgã la y wʋm-a to-to wã, tall-y-yã-a la y kos sugri. Yãmb sã n ka gũusi, mam na n waa yãmb nengẽ wa wagdre, la yãmb ka na n bãng sẽn ya wakat ning la mam na n wa n ling yãmbã ye.