Vẽnegre 11:6 - KÃAB-PAALGÃ KOE-NOOGO

⁶ Bãmb tara pãn-tõog n tõe n pag yĩngr tɩ saag ka ni dasem nins bãmb sẽn pĩnd n togsã tɛk ye, la b tara pãn-tõog n tõe n tek ko-rãmbã tɩ lebg zɩɩm, la b kɩt tɩ tood buud fãa paam nebã tẽng zugu, wakat ninga fãa b sẽn date.

SEBR SÕNGO

⁶ B sã n yi n na n tʋm b tʋʋmna, b kõ-b la sore tɩ b pag saaga tɩ koom da tosg ye; b tara pãng me n tõe tɩ koom lebg zɩɩm la b tõe n bẽnega tẽnga tõrẽ ne yel-beed tusri, b sẽn dat wakat ning fãa.

WẼNNAAM SEBRE 2014

⁶ Bãmb tara pãn-tõog tɩ pag yĩngri, tɩ saag ka ni dasem nins bãmb sẽn togsd pĩnd‑bãngr goamã wakate, la b tar pãn-tõog n tõe n tek koomã tɩ lebg zɩɩm, la b kɩt tɩ tood buud fãa paam nebã tẽng zugu, wakat ning fãa b sẽn date.

Vẽnegre 11:6 Iomraidhean Croise

A Luk Sõng 4:25

Mam yeta yãmb sɩd t'a Eli wakate, yĩngr sẽn pag tɩ saag ka ni yʋʋm a tãab la kiis a yoobe, tɩ kom kãseng kẽ tẽngã fãa wã, pʋgkõap wʋsg n da be Israyɛl.

Vẽnegre 11:3

Mam na n kõo m kaset dãmb a yiibã pĩnd-n-bãngr goam kũuni, tɩ b yeelg bot n togs bãngr goamã rasem tusr la kobs-yi la pis-yopoe.

Vẽnegre 16:3

Malɛk a yiib-n-soaba kiiga sẽn be yẽ laagẽ wã ko-kãsengã pʋgẽ, la a lebga zɩɩm wa kũum zɩɩm. La bõn-vɩɩs nins fãa sẽn dag n be ko-kãsengã pʋgã kiime.

Vẽnegre 16:4

Malɛk a tãab-n-soabã kiiga sẽn be yẽ laagẽ wã kʋɩlsã ne ko-bundsã pʋse, la b lebga zɩɩm.

Vẽnegre 8:8

Malɛk a yiib-n-soabã peeba baorgo. La b loba bũmb sẽn wẽnd wa tãn-kãseng sẽn dɩt bugum ko-kãsengã pʋga. La ko-kãsengã pʋɩɩr a yembr tãab sʋk lebga zɩɩm.