Vẽnegre 1:7 - KÃAB-PAALGÃ KOE-NOOGO

⁷ Ade bãmb wata ne sawato. Ninsaal fãa na n yãa bãmba, hal baa ne neb nins sẽn dag n kõs bãmbã. La buuda fãa sẽn be dũni zugã na n wiisa bãmb yĩnga. N-ye! Ãmina!

SEBR SÕNGO

⁷ Ad-b sẽn wat sawadg zugu tɩ ned kam fãa na n yãend-ba, ba neb niyns sẽn kõs-b ne kãndã; Adem biis fãa na n kaasa b poorẽ. N-ye! Sɩd ne sɩda!

WẼNNAAM SEBRE 2014

⁷ Ade bãmb wata ne sawato. Ninsaal fãa na n yãnda bãmba, hal baa ne neb nins sẽn dag n kõs bãmbã. La buudã fãa sẽn be dũni zugã na n wiisa bãmb yĩnga. N-yẽe! Ãmina!

Vẽnegre 1:7 Iomraidhean Croise

A Matiye Sõng 16:27

Bala, Ninsaal Bi-riblã na n waa ne b ba wã ziiri, ne malegse. La rẽ wẽnde, bãmb na n dola ned kam fãa wa sẽn zems a tʋʋmde.

A Matiye Sõng 16:28

Sɩd-sɩda, mam yeta yãmb tɩ sẽn be-b ka wã, neb kẽer n ka na n ki hal tɩ b yãnd Ninsaal Bi-riblã sẽn wat ne b naamã.

A Matiye Sõng 24:30

Wakat kãng masã, Ninsaal Bi-riblã bãnd na n puka saasẽ. Buud fãa sẽn be dũni na n wiisame, la b na n yãa Ninsaal Bi-riblã sẽn zao sawat n wat ne pãn-kãsenga la ne ziiri.

A Matiye Sõng 25:31

Ninsaal Bi-riblã sã n wa ne b ziirã, la ne b malegsã fãa, b na n zaoonda b ziir geerã.

A Matiye Sõng 26:64

A Zezi leok-a lame n yeele: Yaa yãmb sẽn yeelã. Sẽn paase, mam yeta yãmb tɩ sẽn sɩng ne moasã, yãmb na n yãa “Ninsaal Bi-riblã, tɩ b zĩ Sẽn-Tõe-a-fãa wã rɩtgo, la b zao yĩngr sawat n watẽ.”

A Mark Sõng 13:26

Dẽ poore, nebã na n yãa “Ninsaal Bi-riblã sẽn wat ne sawato,” ne pãn-kãsenga, la naam.

A Mark Sõng 14:62

A Zezi leokame n yeele: Mam sɩd yaa Kirist. La yãmb na n yãa “Ninsaal Bi-riblã sẽn zao sẽn-tõe-a-fãa wã soabã rɩtgo, la b sẽn wat ne sawato.”

A Luk Sõng 21:27

Dẽ, b na n yãa Ninsaal Bi-riblã sẽn zao sawadg n wat ne pãnga la ne ziiri.

A Zã Sõng 19:34

La sodaag a yembr kõsa bãmb lʋgr ne kãnde, la tao-tao bala, koom ne zɩɩm n yi be.

A Zã Sõng 19:37

Wẽnnaam gʋls-sõngã yeela zĩig a to yaa: Bãmb na n gesa ned ning bãmb sẽn kõsã.

1Tesalonik Rãmba 1:10

la y gũud tɩ bãmb bi-ribl a Zezi yi yĩngr n wa, soab ning Wẽnnaam sẽn kɩt tɩ b vʋʋg n yi kũum sʋka, la b yolsd tõnd ne Wẽnnaam sũ-puugr sẽn watã.

1Tesalonik Rãmba 4:17

Sẽn pʋgda, b na n lagma tõnd sẽn ket vɩ wã ne bãmb n zẽk sawat pʋse, tɩ d seg Zu-soabã yĩngri. La woto, tõnd na n bee ne Zu-soabã daar fãa.

Ebre rãmba 10:29

La yãmb ka tagsd tɩ ned sã n tab Wẽnnaam Bi-riblã ne a naowã, la a ges kaoolã zɩɩm ning sẽn kɩt tɩ yẽ lebg toor Wẽnnaam yĩngã wa bõn-zaalga, la a paoog Sɩɩg ning sẽn wat ne sugrã, a na n paama sɩbgr sẽn ya toog n yɩɩd sɩda?

Ebre rãmba 6:6

n yaool n lʋɩ wã, ned ka tõe tɩ b leb n kos sugr yɛs ye. Bãmb lebd n kaada Wẽnnaam Bi-riblã, n paoogd bãmb nebã taoore.

1 Zã 3:2

Mam zo-nongdse, tõnd yaa Wẽnnaam kamb moasã, la tõnd sẽn na n yɩ bũmb ningã nan ka puk nand ye. La tõnd miime tɩ Kirist sã n wa n puki, tõnd na n yɩɩ wa bãmba, tɩ bõe, tõnd na n yãa bãmb sẽn yaa a soabã.

A Zʋʋde 1:14

A Henok sẽn ya yãmb yaab a yopoe soab sẽn sɩng ne a Adama, togsa bãngr goam bãmb yĩng me n yeel yaa: Ad Zu-soaba waa ne b nin-sõamy kʋʋng-kʋʋngo,

Vẽnegre 22:20

Ned ning sẽn kɩt-a bõn-kãensã kasetã yetame yaa: N-ye, bilf bal sã n paase mam na n waame. Ãmina! Zu-soab a Zezi, wa-y-yã!

Vẽnegre 22:4

b na n yãa Wẽnnaam nenga, la Wẽnnaam yʋʋrã na n zĩnda bãmb dĩyẽ.