Rom Dãmba 9:11 - KÃAB-PAALGÃ KOE-NOOGO

¹¹ Bala, kamba da nan ka rog ye, la b da nan ka maan neer bɩ wẽng ye. Baoosgo, Wẽnnaam daabã kell n yalsame wa sẽn zems bãmb sẽn yãke, la yãkrã ka tũud ne tʋʋmã ye, a tũuda ne sẽn bool-a wã.

SEBR SÕNGO

¹¹ La a sẽn waa n nan ka rog a kinkirsã, tɩ kinkirsã me nan ka mi wẽng la neere,

WẼNNAAM SEBRE 2014

¹¹ Bala, kambã da nan ka rog ye, la b ra nan ka maan neer bɩ wẽng ye. Baoosgo, Wẽnnaam daabã kell n yalsa wa sẽn zems bãmb sẽn yãkã, la yãkrã ka tũud ne tʋʋmã ye, a tũuda ne sẽn bool-a wã.

Rom Dãmba 9:11 Iomraidhean Croise

Rom Dãmba 4:17

Mam kɩtame tɩ fo lebg buud wʋsg ba. Bãmb yaa tõnd fãa ba, Wẽnnaam ning b sẽn tẽ wã taoore. Yaa Wẽnnaam ning sẽn kõt kũum vɩɩm, la b kɩtd tɩ bũmb nins sẽn ka be wã zĩndi.

Efɛɛz Rãmba 2:3

Tõnd fãa me rag n bee bãmb sʋka, la tõnd dag n vɩɩ wa sẽn zems tõnd yĩngã datem wẽnsã. Tõnd dag n tʋmda wa tõnd yĩngã sẽn date, la sẽn zems tõnd tagsdo, la tõnd dag n yaa neb sẽn na n paam Wẽnnaam sɩbgr wa neb a taabã.

Efɛɛz Rãmba 2:9

Ka ne tʋʋm ye, tɩ ned baa a yen da wa pẽg a meng ye.

Efɛɛz Rãmba 3:11

Bõn-kãng zemsa ne Wẽnnaam yam-yãkr sẽn kõn sa, b sẽn pids-a tõnd Zu-soab a Zezi Kirist maasem yĩngã.

1Tesalonik Rãmba 1:4

D ba-biis Wẽnnaam sẽn nonge, tõnd miime tɩ Wẽnnaam tʋlsa yãmba.

1Tesalonik Rãmba 2:12

Tõnd sagla yãmba, n bels yãmba, la d bõos yãmb tɩ y kẽn wa sẽn zemsd Wẽnnaam daabo, bãmb sẽn bool yãmb tɩ y paam pʋɩɩr ne bãmb soolem la b ziirã yĩnga.

2 Tɩmote 1:9

Yaa bãmb n fãag tõndo, la b bool tõnd bool-sõngo. La ka tõnd tʋʋm yĩng ye, yaa bãmb mengã tʋlsem la bark ning b sẽn maan tõnd a Zezi Kirist pʋgẽ hal sẽn deng wakat sẽn ka sɩngrã wakatã yĩnga.

A Titi 3:5

bãmb fãaga tõndo, la ka tõnd sẽn tʋm tʋʋm-tɩrs yĩng ye, la yaa bãmb mengã nimbãan-zoeer yĩng la b fãag tõndo, bãmb soo tõnd ne soob sẽn palemda, tɩ Sɩɩg-sõng tũnug rẽnda n kõ tõnd rogem paalga la vɩ-paalga.

1 Pɩyɛɛr 5:10

Yãmb sã n nams wakat bilf pʋgẽ, Wẽnnaam sẽn so bark fãa wã, sẽn bool-a yãmb tɩ y wa paam pʋɩɩr ne ziir ning sẽn kõn sa a Zezi kirist maasem yĩngã, bãmb menga na n zãmsa yãmba, n paas yãmb pãnga, n kɩt tɩ yãmb kɩ yẽga, la b kɩt tɩ yãmb yɩ neb sẽn ka vigsd ye.

2 Pɩyɛɛr 1:10

M ba-biisi, yaa woto yĩnga, modg-y n yals-y kãenkãe Wẽnnaam sẽn bool yãmbã pʋgẽ, la b sẽn yãk yãmbã pʋgẽ, yãmb sã n maan woto, yãmb kõn tol n bʋdg n bas y tẽebã ye.

Vẽnegre 17:14

Bãmb na n zaba ne Pe-bilã. La Pe-bilã na n tõog-b lame, tɩ bõe bãmb yaa zu-soben-dãmb Zu-soaba la rĩm-dãmba Dĩma. La neb nins b sẽn boolã, neb nins b sẽn tũusã ne neb nins sẽn maand sɩda, n be ne Pe-bilã na n tõog-b lame me.