Rom Dãmba 8:9 - KÃAB-PAALGÃ KOE-NOOGO

⁹ Ne yãmba, yĩngã ratem ka leb n so yãmb yɛs ye, yaa Sɩɩgã n so yãmba, sã n yaa tɩ Wẽnnaam Sɩɩgã bee yãmb pʋse. Ned sã n ka tar Kirist Sɩɩgã, a ka bãmb dẽnd ye.

SEBR SÕNGO

⁹ Yãmb ka le ya neb sẽn tũud b yĩnga yamleoog ye, y pʋgda a Vʋʋsem Sõngo sẽn date, tɩ Wẽnd meng kõ yãmb a Vʋʋsem Sõngo. Sẽn ka tar-a Krista Vʋʋsma, Krista ka so yẽ soab ye.

WẼNNAAM SEBRE 2014

⁹ Ne yãmba, yĩngã ratem ka leb n so yãmb yɛs ye, yaa Sɩɩgã n so yãmba, sã n yaa tɩ Wẽnnaam Sɩɩgã bee yãmb pʋse. Ned sã n ka tar Kiris Sɩɩgã, a ka bãmb dẽnd ye.

Rom Dãmba 8:9 Iomraidhean Croise

A Luk Sõng 11:13

Sã n yaa tɩ yãmb sẽn ya nin-wẽnsã miime tɩ kõ y kambã bõn-sõamyã, yãmb ba sẽn be arzãnã n mi n yɩɩda, n na n kõ neb nins sẽn kot bãmbã Sɩɩg-sõngo.

A Zã Sõng 14:17

Sõangd kãng yaa sɩd Sɩɩg dũni sẽn ka tõe n deege, a sẽn ka ne bãmba la a ka mi-bã yĩnga. La yãmba, yãmb mii bãmba, bala, b bee ne yãmba, la b na n zĩnda yãmb pʋsẽ.

A Zã Sõng 14:23

A Zezi leoka yẽ yaa: Ned sã n nong maam, a na n saka mam gomde, la m baaba na n nonga a soaba. Tõnd na n waa yẽ nengẽ, n zĩnd yẽ pʋgẽ.

A Zã Sõng 3:34

Soab ning Wẽnnaam sẽn tʋmã togsda Wẽnnaam goama, bala, Wẽnnaam kõta a soab bãmb Sɩɩgã tɩ seke.

A Zã Sõng 3:6

Bũmb ning yĩng sẽn dog yaa yĩnga, la bũmb ning Sɩɩg-sõng sẽn dog yaa sɩɩga.

Tʋʋma 16:7

Bãmb sẽn kolg Miizi soolem, b makame n na n kẽng Bitini soolem, la a Zezi Sɩɩgã ka sak tɩ b kẽng ye.

Rom Dãmba 7:5

Bala, wakat ning yĩngã sẽn dag n so tõndã, tõogã sẽn kɩt tɩ yel-wẽnã ratem yikã dag n tʋmda tõnd yĩngã wil pʋsẽ, n kɩtdẽ tɩ tõnd womd biis sẽn wat ne kũum.

Rom Dãmba 8:1

Woto yĩnga, sɩbgr ka be neb nins sẽn be Zezi Kirist pʋgẽ [n kẽnd wa sẽn zems Wẽnnaam Sɩɩgã raabã la ka yĩng ratmã] zut ye.

Rom Dãmba 8:11

La soab ning sẽn vʋʋg a Zezi tɩ b yi kũum sʋkã Sɩɩg sã n be yãmb pʋgẽ, soab kãnga, sẽn vʋʋg-a Kirist Zezi tɩ b yi kũum sʋkã na n kõo yãmb yĩn-kiidsã me vɩɩm, bãmb Sɩɩgã sẽn be yãmb pʋgẽ wã maasem yĩnga.

Rom Dãmba 8:2

Sɩd me, Sɩɩg sẽn kõt vɩɩm a Zezi Kirist pʋgẽ wã tõog yolsa maam ne yel-wẽnã tõogo, la ne kũum tõog yembdo.

1 Korẽnt rãmba 15:23

La ned fãa na n talla a zĩiga: Kirist n na n yɩ dẽenem soaba, a Zezi waoongã raare. Neb nins bãmb sẽn so wã na yaool n pʋgle.

1 Korẽnt rãmba 3:16

Yãmb zɩ tɩ yãmb yaa Wẽnnaam roogo, la tɩ Wẽnnaam sɩɩgã bee yãmb pʋgẽ laa?

1 Korẽnt rãmba 6:17

La ned ning sẽn loe ne Zu-soabã lebgda sɩɩg a yembr ne bãmba.

1 Korẽnt rãmba 6:19

Yãmb zɩ tɩ yãmb yĩnga yaa Sɩɩg-sõng roogo, Sɩɩg-sõng yãmb sẽn deeg Wẽnnaam nengẽ, la tɩ yãmb ka leb n so y meng laa?

2 Korẽnt rãmba 10:7

Yãmb geta bũmb nins yãmb ninã sẽn ne wã! Ned sã n tẽed t'a yaa Kirist rẽnda, bɩ a meng bãng bõn-kãngã me: Yẽ sã n ya Kirist rẽnda, tõnd me yaa Kirist rẽnda.

2 Korẽnt rãmba 6:16

Bõe lagem-n-taar n be Wẽnnaam doogã ne wẽn-naands sʋka? Bala, tõnd yaa Wẽnnaam sẽn vɩ roogo, wa Wẽnnaam sẽn yeel tɩ: Mam na n zĩnda ne bãmba, la m kẽn bãmb sʋka. Mam na n yɩɩ bãmb Wẽnnaam, la bãmb na n yɩɩ mam neba.

Galat Rãmba 4:6

La yãmb sẽn ya Wẽnnaam kambã yĩnga, Wẽnnaam tʋma b bi-riblã Sɩɩg yãmb sũyã pʋse, la Sɩɩgã yetame tɩ “abba” sẽn dat n togs tɩ “m ba!”

Galat Rãmba 5:24

Neb nins sẽn be Kirist Zezi pʋgẽ wã kaa b yĩngã ne a sẽn nonge, la a daabã fãa da-pɩk zugu.

Efɛɛz Rãmba 1:13

Kirist maasem yĩnga, yãmb me sẽn wʋm sɩd koɛɛgã, yãmb fãagrã koe-noogã, yãmb tẽe bãmba, la b ning-y la bãnd sẽn ya Sɩɩg-sõng b sẽn dag n kãabã.

Efɛɛz Rãmba 2:22

Yãmb sẽn be Kirist pʋgẽ wã, yãmb me naaga meebã pʋgẽ n lebg Wẽnnaam Sɩɩgã roogo.

Efɛɛz Rãmba 3:17

tɩ ne tẽebo, Kirist na zĩnd yãmb sũyã pʋse, la m kotẽ tɩ yãmb na kɩ yẽg n yals kãenkãe nonglem pʋgẽ,

Filip rãmba 1:19

Tɩ bõe, yãmb pʋʋsgã la a Zezi Sɩɩgã sõngrã yĩnga, mam miime tɩ bõn-kãng na n wẽneg n waa ne mam yolsgo.

2 Tɩmote 1:14

Bũmb ning sẽn be fo pʋgẽ wã, tall-a, Sɩɩg-sõng sẽn vɩ tõnd pʋgẽ wã maasem yĩnga.

1 Pɩyɛɛr 1:11

Wẽnnaam no-rɛɛsdbã maoome, n bao n na n bãng Kirist Sɩɩgã sẽn be bãmb pʋsẽ wã sẽn pĩnd n gomd Kirist namsgã, ne b waoongã sẽn na n pʋglã sẽn n na n yɩ wakat ninga, la sẽn na n tũ ne bũmb ninga.

1 Zã 3:24

Ned ning sẽn sakd bãmb tõodã bee Wẽnnaam pʋgẽ, tɩ Wẽnnaam be yẽ pʋgẽ. Woto, tõnd miime tɩ bãmb bee tõnd pʋgẽ, Sɩɩg-sõng bãmb sẽn kõ tõndã maasem yĩnga.

1 Zã 4:13

Ad bũmb ning sẽn kɩted tɩ tõnd bãng tɩ d bee Wẽnnaam pʋgẽ, la tɩ bãmb bee tõnd pʋgẽ: Yaa tɩ bãmb kõo tõnd b Sɩɩgã.

1 Zã 4:4

Ne yãmba, mam kom-bõonego, yãmb yaa Wẽnnaam kamba, la y tõoga belgr no-rɛɛsdbã, bala, soab ning sẽn be yãmb pʋgẽ wã yɩɩda sẽn be-a dũniyã pʋgẽ wã.

Vẽnegre 13:8

La neba fãa sẽn be tẽng zugu, tɩ b yʋy ka gʋls vɩɩm sebr sẽn ya Pe-bil ning b sẽn kʋ hal dũni naaneg wakatã sebrã pʋgẽ wã wõgemda rũngã taoore.

Vẽnegre 20:15

B loba ned ning fãa b sẽn ka yã a yʋʋr tɩ gʋls vɩɩm sebrã pʋgẽ wã bugum mogrã pʋga.