Rom Dãmba 8:34 - KÃAB-PAALGÃ KOE-NOOGO

³⁴ Ãnna n na n kao b bʋʋd n sɩbg-ba? Kirist Zezi la sẽn ki-a wã. La sẽn yɩɩda, bãmb vʋʋgame, b bee Wẽnnaam nug-rɩtgo, b yõkda sɛɛg tõnd yĩnga.

SEBR SÕNGO

³⁴ Woto wã tõe n le yɩ-la a Zezi Krista sẽn ki tõnd yĩnga, n vʋʋge la b zĩ b Ba rɩtg n pʋʋsd d yĩnga tõe n le yɩɩ bãmb n na n kẽes tõnd bʋʋd bɩ?

WẼNNAAM SEBRE 2014

³⁴ Ãnda n na n kao b bʋʋd n sɩbg-ba? A Zeezi Kiris la sẽn ki-a wã. La sẽn yɩɩda, bãmb vʋʋgame, b bee Wẽnnaam nug-rɩtgo, b yõkda sɛɛg tõnd yĩnga.

Rom Dãmba 8:34 Iomraidhean Croise

A Matiye Sõng 20:28

Yaa woto yĩng la Ninsaal Bi-riblã wayã. Ka tɩ nebã na sõng bãmb ye, la yaa tɩ sõng nebã, la tɩ kõ b vɩɩm, n yao n fãag neb wʋsgo.

A Mark Sõng 16:19

Zu-soab a Zezi sẽn gom woto n sɛ, dẽ Wẽnnaam zẽka bãmb n kẽng arzãna, la bãmb zĩnda Wẽnnaam nug rɩtgo.

A Zã Sõng 14:19

Bilf bal sã n paase, dũni kõn leb n yã maam ye. La yãmb yẽ na yã maam. Bala, mam vɩɩme, la yãmb me na n vɩɩme.

A Zã Sõng 16:23

Da-kãng daare, yãmb kõn leb n sok maam bũmb baa a yembr yell ye. Sɩd-sɩdã, mam yeta yãmb tɩ bũmb ning yãmb sẽn na n kos m baaba, b na n kõo yãmb mam yʋʋrã yĩnga.

Tʋʋma 2:24

La Wẽnnaam vʋʋga bãmb n fãag-b kũum pãng nugẽ. Tɩ bõe, kũumã pãng ra ka tõe n tall bãmb ye.

Rom Dãmba 14:13

Woto yĩnga, bɩ d da leb n kao taab bʋʋd ye. Ayo! Tʋm-y ne y tagsgã n da wa n ning kug-lakdg wall bũmb sẽn tõe n lub neda, y ba-biig taoor ye.

Rom Dãmba 14:9

Bala, Kirist kiime n lebg n vʋʋge, tɩ b tõe n yɩ sẽn ki-bã ne sẽn vɩ-bã Zu-soaba.

Rom Dãmba 4:25

soab ning b sẽn kʋ tõnd beegr yĩnga, la sẽn vʋʋg tɩ tõnd tõe n paam tɩrlmã yĩnga.

Rom Dãmba 8:1

Woto yĩnga, sɩbgr ka be neb nins sẽn be Zezi Kirist pʋgẽ [n kẽnd wa sẽn zems Wẽnnaam Sɩɩgã raabã la ka yĩng ratmã] zut ye.

Rom Dãmba 8:27

La soab ning sẽn feesd sũyã mii bũmb ning Sɩɩgã sẽn data. Bãmb yõkda Wẽnnaam sɛɛg nin-sõamyã yĩng wa sẽn zemsd Wẽnnaam daabo.

Kolos Rãmba 3:1

Dẽ, sã n yaa tɩ yãmb naaga ne Kiristã, n vʋʋge, bɩ y bao bũmb nins sẽn be arzãna, zĩig ning Kirist sẽn zao Wẽnnaam dɩtgã.

Ebre rãmba 1:3

Bi-ribl kãng sẽn ya a ba wã ziir yãgbo, la a ba wã yalẽ pukrã n zãad bũmba fãa ne a gomd sẽn tar pãngã. Bãmb sẽn yɩlg nebã n yiis b yel-wẽnã n sa, b zĩnda naab a Wẽnd dɩtgo, hal saasẽ.

Ebre rãmba 7:25

Dẽ me n kɩt tɩ bãmb tõe n fãag neb nins sẽn tũnugd bãmb n kolgd Wẽnnaamã hal sõama, bala bãmb vɩɩ wakat fãa n yõkd sɛɛg b yĩnga.

Ebre rãmba 9:24

Bala, Kirist ka kẽ manegr doog ning neb nus sẽn ti n mams a meng-mengã ye, la yaa arzãna, n na n yals Wẽnnaam taoor moasã tõnd yĩnga.

1 Pɩyɛɛr 3:18

Sɩd me, Kirist me kii vugr bal yel-wẽna yiisg yĩnga. Bãmb sẽn ya nin-tɩrgã, b kii ka-tɩrlem dãmbã yĩnga, sẽn na yɩl n tall yãmb n ta Wẽnnaam nengẽ. B kʋʋ bãmb yĩngã, la Sɩɩg-sõng leb n kõo bãmb vɩɩm.

1 Pɩyɛɛr 3:22

A Zezi Kirist zẽk n bee arzãna, n be Wẽnnaam dɩtgo, la malɛk-rãmbã ne pãn-soaadbã, la pãens rãmbã sakda bãmba.

Vẽnegre 1:18

Mam yaa dẽenem la yaoolem soaba, soab ning sẽn vɩ. Mam dag n kiime, la ad-ma, mam vɩɩme, zamaan o zamaane. Mam tara kũum ne kɩɩm-kulg kʋɩlen-biisi.