Rom Dãmba 8:30 - KÃAB-PAALGÃ KOE-NOOGO

³⁰ La neb nins bãmb sẽn pĩnd n tʋlsã, b bool-b lame: La bãmb sẽn bool-b rãmbã, b kɩtame me tɩ b zemse. La neb nins bãmb sẽn kɩt tɩ b zemsã, b waoog-b lame me.

SEBR SÕNGO

³⁰ B sẽn pʋlem b rãmb neera la b bool yã. B sẽn bool b rãmba yell la b maneg yã, b sẽn maneg b rãmb yell la b pids ne ziiri.

WẼNNAAM SEBRE 2014

³⁰ La neb nins bãmb sẽn pĩnd n tʋlsã, b bool-b lame: La bãmb sẽn bool-b rãmbã, b kɩtame me tɩ b zemse. La neb nins bãmb sẽn kɩt tɩ b zemsã, b waoog-b lame me.

Rom Dãmba 8:30 Iomraidhean Croise

A Zã Sõng 17:22

La mam kõo bãmb ziir ning yãmb sẽn kõ maamã, tɩ bãmb na lebg yembr wa tõnd sẽn ya yembrã,

A Zã Sõng 17:24

M ba, mam datame tɩ neb nins yãmb sẽn kõ maamã me na zĩnd ne maam zĩig ning mam sẽn be, tɩ b na get mam ziirã, ziir ning yãmb sẽn kõ maam, yãmb sẽn nong maam hal sẽn deng dũni yẽbgrã yĩnga.

A Zã Sõng 5:24

Mam yeta yãmb sɩd-sɩd tɩ ned ning fãa sẽn kelgd mam goama, la a tẽed sẽn tʋm-a maamã a tara vɩɩm sẽn kõn sa. B ka na n sɩbg-a ye. A yii kũumẽ n kẽ vɩɩmẽ.

Rom Dãmba 1:6

A Zezi Kirist sẽn bool yãmbã, yãmb me yaa soolem kãens rãmba.

Rom Dãmba 11:29

Bala, bũmb nins Wẽnnaam sẽn kõ zaalmã, ne boolg ning Wẽnnaam sẽn boolã ka tõe n viig ye.

Rom Dãmba 8:1

Woto yĩnga, sɩbgr ka be neb nins sẽn be Zezi Kirist pʋgẽ [n kẽnd wa sẽn zems Wẽnnaam Sɩɩgã raabã la ka yĩng ratmã] zut ye.

Rom Dãmba 8:21

B be faoolmã pʋgẽ ne tẽeb pidsg gũudum kãngã: Bõn-naands kãens na n paama yolsg ne yembdo, la sãoongã, n paam pʋɩɩr ne Wẽnnaam kambã lohorem sẽn be ziirã.

Rom Dãmba 8:28

La tõnd miime tɩ bũmb fãa tʋmda ne taab neb nins sẽn nong Wẽnnaamã, b rãmb sẽn paam boolg wa sẽn zems Wẽnnaam yam-yãkrã sõngr yĩnga.

1 Korẽnt rãmba 1:2

n na n tʋm Wẽnnaam tẽedbã sẽn be Korẽntã. Bãmb yaa neb sẽn welg toor Kirist maasem yĩnga, tɩ b tõe n yɩ pʋ-peelem dãmba. Sebrã yaa neb nins fãa sẽn pʋʋsd ne tõnd Zu-soab a Zezi Kirist yʋʋre, baa b sẽn be zĩig ninga yĩnga. A Zezi Kirist yaa bãmb Zu-soaba, la tõnd me Zu-soaba.

1 Korẽnt rãmba 1:9

Wẽnnaam, sẽn bool-a yãmb tɩ y paam lagem-n-taar ne bãmb Bi-ribl a Zezi Kirist sẽn ya tõnd fãagdã, bãmb yaa maan-sɩd soaba.

1 Korẽnt rãmba 2:7

Tõnd moonda Wẽnnaam yam sẽn ya yel-solemde la sẽn solge, tɩ Wẽnnaam pĩnd n segl hal sẽn deng zamaan sɩngre, tõnd waoogr yĩnga.

1 Korẽnt rãmba 6:11

Yãmb neb kẽer yaool n dag n yaa a woto. La yãmb paama pekre, b kɩtame tɩ yãmb lebg sõama, b kɩtame tɩ yãmb zemse, tõnd Zu-soab a Zezi Kirist yʋʋrã maasem yĩnga, la ne tõnd Wẽnnaamã Sɩɩg pãnga.

2 Korẽnt rãmba 4:17

Bala, tõnd sẽn na n paam namsg bilf wakat bilf pʋgẽ wã Kɩtdame tɩ tõnd na n paam ziir kãseng sẽn kõn sa n yɩɩda.

Galat Rãmba 1:15

La sẽn dag n welg-a maam toor tɩ m nan ket n be m ma pʋgẽ, la b maan nimbãan-zoeer n bool maamã

Galat Rãmba 1:6

Yãmb sẽn wẽnemd tao-tao n bas soab ning sẽn bool-a yãmb Kirist maasem yĩng n na n tũ koe-noog a to wã linga maam.

Galat Rãmba 5:8

Tags-kãng ka yi sẽn boond-a yãmbã nengẽ ye.

Efɛɛz Rãmba 1:11

Kirist maasem yĩnga, Wẽnnaam yãka tõnd n bĩng toore. Bãmb sẽn maand bũmb fãa wa b yamã sẽn yãke la wa b sẽn datã, bãmb pĩnd n tʋlsa tõndo,

Efɛɛz Rãmba 1:5

bãmb da pĩnd n yãka yam tɩ tõnd na n yɩɩ bãmb kamba, a Zezi maasem yĩnga, a wa sẽn zems bãmb daabo, la sẽn noom bãmba.

Efɛɛz Rãmba 2:6

Wẽnnaam naaga tõnd ne Kiristã n vʋʋge, n kɩt tɩ tõnd naag ne bãmb n zĩnd arzãn pʋga, Kirist maasem yĩnga,

Efɛɛz Rãmba 3:11

Bõn-kãng zemsa ne Wẽnnaam yam-yãkr sẽn kõn sa, b sẽn pids-a tõnd Zu-soab a Zezi Kirist maasem yĩngã.

Efɛɛz Rãmba 4:4

Yĩng a yembr bal n be, la Sɩɩg-sõng a yembr bal n be, wa b sẽn bool yãmb tɩ y paam tẽeb pidsg gũudum a yembr y boolgã yĩngã.

Kolos Rãmba 3:4

Kiristã sẽn ya yãmb vɩɩmã sã n wa n puki, dẽ, yãmb me na n naaga bãmb b ziirã pʋgẽ n puki.

1Tesalonik Rãmba 2:12

Tõnd sagla yãmba, n bels yãmba, la d bõos yãmb tɩ y kẽn wa sẽn zemsd Wẽnnaam daabo, bãmb sẽn bool yãmb tɩ y paam pʋɩɩr ne bãmb soolem la b ziirã yĩnga.

2 Tɩmote 2:11

Gom-kãngã yaa sɩda: Tõnd sã n ki ne bãmba, tõnd na n vɩɩmda ne bãmb me.

Ebre rãmba 9:15

Rẽnda n kɩt tɩ Kiristã ya kaool paalgã sɛ-yõakda, tɩ ne kũum ning sẽn ki tɩ beegr nins sẽn beeg pipi kaoolã pʋgẽ wã na paam sugrã, neb nins b sẽn boolã paama kãabg tɩ b na n paama pʋɩɩr sẽn paad wakat sẽn kõn sa.

1 Pɩyɛɛr 2:9

La yãmb yẽ, yãmb yaa buud b sẽn tũusi, la naam maan-kʋʋdba, la buud sẽn welg toor Wẽnnaam yĩnga, neb Wẽnnaam sẽn da tɩ y moon n wilg sẽn bool-a yãmb n yiis likã pʋgẽ, n kẽes-y vẽenem sẽn be ziirã pʋgã tʋʋm sõama wã.

1 Pɩyɛɛr 3:9

Da lebs-y ned wẽnga, a sẽn maan yãmb wẽng yĩng ye, la y ra tʋʋs n lebs b sẽn tʋʋs yãmb yĩng ye. Da maan-y-yã a woto ye. Bɩ y lebs barka, bala, yaa bõn-kãng yĩng la b bool yãmb tɩ y na paam bark tɩ yɩ y pʋɩɩre.

1 Pɩyɛɛr 5:10

Yãmb sã n nams wakat bilf pʋgẽ, Wẽnnaam sẽn so bark fãa wã, sẽn bool-a yãmb tɩ y wa paam pʋɩɩr ne ziir ning sẽn kõn sa a Zezi kirist maasem yĩngã, bãmb menga na n zãmsa yãmba, n paas yãmb pãnga, n kɩt tɩ yãmb kɩ yẽga, la b kɩt tɩ yãmb yɩ neb sẽn ka vigsd ye.

2 Pɩyɛɛr 1:10

M ba-biisi, yaa woto yĩnga, modg-y n yals-y kãenkãe Wẽnnaam sẽn bool yãmbã pʋgẽ, la b sẽn yãk yãmbã pʋgẽ, yãmb sã n maan woto, yãmb kõn tol n bʋdg n bas y tẽebã ye.

Vẽnegre 17:14

Bãmb na n zaba ne Pe-bilã. La Pe-bilã na n tõog-b lame, tɩ bõe bãmb yaa zu-soben-dãmb Zu-soaba la rĩm-dãmba Dĩma. La neb nins b sẽn boolã, neb nins b sẽn tũusã ne neb nins sẽn maand sɩda, n be ne Pe-bilã na n tõog-b lame me.

Vẽnegre 19:9

Malɛkã yeela maam yaa: Gʋlse: Bark bee neb nins b sẽn bool tɩ b wa Pe-bilã pʋg-peegr kibsã zutu! La a yeela maam yaa: Koe-kãngã yaa Wẽnnaam meng goama.