Rom Dãmba 8:29 - KÃAB-PAALGÃ KOE-NOOGO

²⁹ Bala, neb nins Wẽnnaam sẽn pĩnd b bãngã, b pĩnd n yãka yam tɩ b na n wẽnega bãmb Bi-riblã, tɩ bãmb Bi-riblã na yɩ bi-rẽeng ba-biis wʋsg sʋka.

SEBR SÕNGO

²⁹ B sẽn welg b rãmb toor al pĩnd-pĩnda, b tʋlgame tɩ b rɩk b Biiga wẽnego la Biiga na n lebga kãsem sẽn tar yaop ka tɛka.

WẼNNAAM SEBRE 2014

²⁹ Bala, neb nins Wẽnnaam sẽn pĩnd n bãngã, b pĩnd n yãka yam tɩ b na n wẽnega bãmb Bi-riblã, tɩ bãmb Bi-riblã na yɩ bi-rẽeng ba-biis wʋsg sʋka.

Rom Dãmba 8:29 Iomraidhean Croise

A Matiye Sõng 12:50

Sɩda, ned ning fãa sẽn maand-a mam Ba sẽn be arzãnã raabo, yẽ soab la mam ma-bi-raoogo, mam ma-bi-poaka la m ma.

A Matiye Sõng 25:40

Dẽ, Rĩma na n leoka a woto: Sɩd-sɩda, mam yeta yãmb tɩ wakat ning fãa yãmb sẽn maan bõn-kãens kom-kãensã sẽn ya bõoneg n yɩɩda, la b ya mam ba-biisã, yaa maam la yãmb maan-yã.

A Matiye Sõng 28:10

Dẽ, a Zezi yeel-b lame yaa: Da maan-y rabeem ye. Kẽng n tɩ yeel-y m ba-biisã tɩ b kẽng Galile. Yaa be la b na n yã maam.

A Matiye Sõng 7:23

La mam na n yeel-b lame: “Mam zɩ n bãng yãmb lɛ-lɛ. Tʋʋm-wẽns maandbã, yi-y mam taoore.”

A Zã Sõng 17:16

Bãmb ka dũni neb ye, wa mam me sẽn ka dũni nedã.

A Zã Sõng 17:19

Mam welga m meng toor bãmb yĩnga, tɩ bãmb me na welg toor sɩdã pʋgẽ.

A Zã Sõng 17:26

Mam kɩtame tɩ b bãng yãmb yʋʋrã, la mam na n kɩtame tɩ b bãng-a, tɩ nonglem ning yãmb sẽn nong maamã na zĩnd bãmb pʋse, la tɩ mam na zĩnd bãmb pʋse.

A Zã Sõng 20:17

A Zezi yeel-a lame yaa: Ra sɩɩs-m ye. Mam nan ka rʋ m ba nengẽ ye. Kẽng m ba-biisã nengẽ n tɩ yeel-b tɩ mam dʋʋda m ba sẽn ya yãmb ba wã nengẽ, mam Wẽnnaam sẽn ya yãmb Wẽnnaamã nengẽ.

Rom Dãmba 11:2

Wẽnnaam ka zãgs b nebã bãmb sẽn pĩnd n bãngã ye. Yãmb ka mi bũmb ning Wẽnnaam gʋls-sõamyã sẽn yeta, zĩig ning a Eli sẽn yẽgem ne Wẽnnaam Israyɛl nebã poorẽ wã?

Rom Dãmba 13:14

Yeelg-y Zu-soab a Zezi Kirist wa fuugu, la y ra bʋ yĩngã yelle n dat n pids a sẽn datã ye.

Rom Dãmba 9:23

La bãmb sã n dag n datame n kɩt tɩ lagd sẽn zems ne nimbãan-zoeere, la bãmb sẽn pĩnd n yãk tɩ b paam ziirã bãng bãmb ziirã sẽn zems to-to?

1 Korẽnt rãmba 15:49

A wa tõnd sẽn tall tẽng nedã wẽnegã, tõnd na n talla arzãn nedã me wẽnego.

1 Korẽnt rãmba 2:7

Tõnd moonda Wẽnnaam yam sẽn ya yel-solemde la sẽn solge, tɩ Wẽnnaam pĩnd n segl hal sẽn deng zamaan sɩngre, tõnd waoogr yĩnga.

1 Korẽnt rãmba 8:3

La ned sã n nong Wẽnnaam, Wẽnnaam mi-a lame.

2 Korẽnt rãmba 3:18

Tõnd fãa nems pilgame tɩ nebã ne Zu-soabã ziir kãng beene wa neng-gɛtgẽ, la Zu-soabã, sẽn ya-a Sɩɩgã, tedga tõnd tɩ d wẽneg bãmba, n paamd ziir n paasdẽ.

Efɛɛz Rãmba 1:11

Kirist maasem yĩnga, Wẽnnaam yãka tõnd n bĩng toore. Bãmb sẽn maand bũmb fãa wa b yamã sẽn yãke la wa b sẽn datã, bãmb pĩnd n tʋlsa tõndo,

Efɛɛz Rãmba 4:24

la y yeelg nin-paalgã wa fuugu, nin-paalg ning Wẽnnaam sẽn naan wa b sẽn data, tɩrlem la sõmblem sɩd sẽn wat-ne wã pʋgẽ.

Filip rãmba 3:21

Bãmb na n teka tõnd yĩn-põaagdgã t'a lebg wa bãmb waoogr yĩngã, ne pãng ning bãmb sẽn tar tɩ sek tɩ tõog bũmb fãa tɩ b sak bãmbã.

Kolos Rãmba 3:10

la y yelg yalẽ paalga. Wẽnnaam palemda yalẽ-paalgã bãmb sẽn naanã, n kɩtdẽ t'a wẽnegd bãmb a Wẽnnaam n paasdẽ, tɩ tõnd tõe n bãng bãmb zãnga.

2 Tɩmote 1:9

Yaa bãmb n fãag tõndo, la b bool tõnd bool-sõngo. La ka tõnd tʋʋm yĩng ye, yaa bãmb mengã tʋlsem la bark ning b sẽn maan tõnd a Zezi Kirist pʋgẽ hal sẽn deng wakat sẽn ka sɩngrã wakatã yĩnga.

2 Tɩmote 2:19

Baoosgo, yẽbg-kãenkãe ning Wẽnnaam sẽn yẽbgã yasame, la gomd ning sẽn pʋgdã ning-a-la bãnde: Zu-soabã mii neb nins sẽn ya bãmb dẽndã, la ned ning fãa sẽn pʋt Zu-soabã yʋʋr tog n basa ka-tɩrlem.

1 Pɩyɛɛr 1:2

Yãmb yaa tõnd ba a Wẽnnaam neb b sẽn tũusi, wa sẽn zems bãmb sẽn pĩnd n bãngã, tɩ Sɩɩg-sõng welg-y toor tɩ y zĩnd pʋ-peelem n yɩ sakdb n paam t'a Zezi zɩɩmã pek yãmba. Bɩ y paam bark la laafɩ wʋsgo.

1 Pɩyɛɛr 1:20

tar bãnde, Wẽnnaam dag n pĩnd n yãka Kirist sẽn deng dũni naanego, la b waa yãmb yĩnga, yaoolem zamaana pʋgẽ.

1 Zã 3:2

Mam zo-nongdse, tõnd yaa Wẽnnaam kamb moasã, la tõnd sẽn na n yɩ bũmb ningã nan ka puk nand ye. La tõnd miime tɩ Kirist sã n wa n puki, tõnd na n yɩɩ wa bãmba, tɩ bõe, tõnd na n yãa bãmb sẽn yaa a soabã.

Vẽnegre 13:8

La neba fãa sẽn be tẽng zugu, tɩ b yʋy ka gʋls vɩɩm sebr sẽn ya Pe-bil ning b sẽn kʋ hal dũni naaneg wakatã sebrã pʋgẽ wã wõgemda rũngã taoore.