Rom Dãmba 8:27 - KÃAB-PAALGÃ KOE-NOOGO

²⁷ La soab ning sẽn feesd sũyã mii bũmb ning Sɩɩgã sẽn data. Bãmb yõkda Wẽnnaam sɛɛg nin-sõamyã yĩng wa sẽn zemsd Wẽnnaam daabo.

SEBR SÕNGO

²⁷ Bũmb-kõ-solg-m Wẽndã mi a Vʋʋsem Sõng sẽn dat d yĩnga la bãmb me sẽn yõkd sɛɛg Wẽnd kom-nongdsa yĩnga, zemsa ne Wẽnd meng raabo.

WẼNNAAM SEBRE 2014

²⁷ La soab ning sẽn feesd sũyã mii bũmb ning Sɩɩgã sẽn data. Bãmb yõkda Wẽnnaam sɛɛg nin-sõamyã yĩng wa sẽn zemsd Wẽnnaam daabo.

Rom Dãmba 8:27 Iomraidhean Croise

A Matiye Sõng 6:8

Da yɩ-y wa bãmb ye, bala sẽn deng yãmb sẽn na n kose, yãmb ba wã mii bũmb nins yãmb sẽn tog n paame.

A Luk Sõng 16:15

A Zezi yeel-b lame yaa: yãmb yaa neb sẽn wilgd nebã tɩ y yaa tɩrse. La Wẽnnaam mii yãmb sũyã. Bala, bũmb ning neba sẽn pẽgd wʋsgã yaa bõn-wẽng Wẽnnaam nifẽ.

A Zã Sõng 14:13

la bũmb nins fãa yãmb sẽn na kos ne mam yʋʋre, mam na n maan-b lame, tɩ m ba wã paam ziir b biigã pʋgẽ.

A Zã Sõng 21:17

B yeela yẽnda naoor a tãab soab yaa: A Zonaas biig a Sɩmo, dẽ yĩnga fo nonga maam? A Pɩyɛɛr sũur sãamame, a Zezi sẽn sok yẽnda naoor a tãab moasã tɩ rẽnda yĩnga yẽ nonga bãmbã yĩnga. La a leoka bãmb n yeele: Zu-soaba, yãmb mii bũmb fãa. Yãmb miime tɩ mam nonga yãmba. A Zezi yeel-a lame yaa: Ges m piisã yelle.

Tʋʋma 1:24

Dẽ, bãmb fãa pʋʋsa a woto: Zu-soaba, yãmb sẽn mi neba fãa sũyã, wilg-y ned ning yãmb sẽn yãk bãmb b yiibã sʋka,

Tʋʋma 15:8

La Wẽnnaam sẽn mi ninsaalbã fãa sũyã, b kõ-b la Sɩɩg-sõng wa b sẽn dag n kõ tõndã, tɩ yɩ kaset tɩ b sak n deeg-b lame.

Rom Dãmba 8:34

Ãnna n na n kao b bʋʋd n sɩbg-ba? Kirist Zezi la sẽn ki-a wã. La sẽn yɩɩda, bãmb vʋʋgame, b bee Wẽnnaam nug-rɩtgo, b yõkda sɛɛg tõnd yĩnga.

Rom Dãmba 8:6

Yĩngã ratem sakr wata ne kũum, la Sɩɩgã ratem sakr wata ne vɩɩm la bãane.

Efɛɛz Rãmba 2:18

Bala, Kirist maasem yĩnga, tõnd ned kam fãa tara noor tɩ wa d ba wã nengẽ, Sɩɩg-sõng a yembr pʋgẽ.

1Tesalonik Rãmba 2:4

La a wa Wẽnnaam sẽn poes tõnd n na n kõ tõnd koe-noogã mooneg tʋʋmdã, tõnd ka gomd n na n noog ninsaalb sũy ye, la yaa tɩ noog Wẽnnaam sẽn feesd sũyã sũuri.

Ebre rãmba 4:13

Bõn-naandl baa a yen ka be Wẽnnaam sẽn ka ne ye. Bũmb fãa yaa vẽenes la bɛɛl ne soab ning tõnd sẽn na n yals a taoor n togs d yɛlã.

Zake 5:16

Woto yĩngã, vẽneg-y n togs-y taab y yel-wẽna, la y pʋʋs taab yĩnga, tɩ y tõe n paam maagre. Nin-tɩrg pʋʋsgo, a sẽn pʋʋs ne a sũur fãa tara tõogr wʋsgo.

Vẽnegre 2:23

Mam na n kɩtame tɩ kũum kʋ a kambã, la wẽnd-dotã fãa na n bãngame tɩ mam yaa soab ning sẽn feesd tagsd la sũyã, la mam na n yaoo yãmb ned kam fãa wa sẽn zems a tʋʋmã”.