Rom Dãmba 8:25 - KÃAB-PAALGÃ KOE-NOOGO

²⁵ La tõnd sã n tẽed tɩ d na n paama bũmb nins tõnd sẽn ka ne, tõnd maood n gũud-a lame.

SEBR SÕNGO

²⁵ Saagr yaa fo sẽn ka ne bũmb ninga tɩ f kʋmb f yam n tar a gẽegre.

WẼNNAAM SEBRE 2014

²⁵ La tõnd sã n tẽed tɩ d na n paama bũmb nins tõnd sẽn ka ne, tõnd maood n gũud-a lame.

Rom Dãmba 8:25 Iomraidhean Croise

A Luk Sõng 21:19

Yãmb sã n yals kãenkãe, y na n fãaga y mense.

A Luk Sõng 8:15

Zĩ-sõngã, yaa neb nins sẽn wʋmd koɛɛgã ne sũur sẽn ya sõama la tɩrga, n talld-a, n yalsd kãenkãe, n womd biisã.

Rom Dãmba 12:12

Maan-y tẽeb n kɩdme. Paam-y sũ-mar toog pʋgẽ. Wɩng-y ne pʋʋsgo.

Rom Dãmba 2:7

neb nins sẽn modgd tɩ maan neere, n baood ziiri, la waoogre, la b baood vɩɩm sẽn kõn sa wã na n paam-a lame,

Rom Dãmba 8:23

Sẽn yɩɩda, tõnd mensã sẽn zoe n paam Sɩɩgã reng-n-lɛmbgã, tõnd me wẽeda sir d pʋsẽ, n gũud wakat ning Wẽnnaam sẽn na n deeg tõnd n maan b kambã, la d gũud tɩ b yols tõnd yĩngã n baase.

Kolos Rãmba 1:11

Tõnd kota Wẽnnaam, tɩ yãmb na paam pãng n paase, bãmb pãn-kãsengã maasem yĩnga, tɩ yãmb tõe n yɩ neb sẽn kẽngd taoor sɩd-sɩda, la sẽn tar sũ-mare.

1Tesalonik Rãmba 1:3

Tõnd tẽegda yãmb tẽebã tʋʋmde, la yãmb nonglmã tʋʋmde, la y tẽeb ne tõnd Zu-soab a Zezi Kiristã pidsg gũudũm sẽn ka vigsdã yelle, tõnd ba a Wẽnnaam taoor n ka basdẽ ye.

2Tesalonik Rãmba 3:5

Bɩ Wẽnnaam tɛ yãmb sũyã n tees Zu-soabã nonglmã la Kirist sũ-marã.

Ebre rãmba 10:36

Yãmb sɩd tog n nanga pãnga, tɩ yãmb sẽn maan Wẽnnaam daabã, y na reeg bũmb ning b sẽn kãab yãmbã.

Ebre rãmba 6:12

tɩ y da wa yɩ kʋɩɩmb ye, la bɩ y maan togs-n-taar ne neb nins sẽn maand tẽeb la sũ-mare, n deegd pʋɩɩr ning Wẽnnaam sẽn kãabã.

Ebre rãmba 6:15

Yɩɩ woto t'a Abraham gũ ne sũ-mare, hal n wa paam bũmb ning Wẽnnaam sẽn kãab-a wã.

Vẽnegre 1:9

Maam a Zã sẽn ya yãmb ba-biiga la sẽn naag yãmb n paamd namsgo, la sẽn naag yãmb n tar pʋɩɩr ne Wẽnnaam soolem, la m naag n maood a Zezi tũudmã pʋgẽ wã, mam dag n bee Patmoos sẽn ya tẽng koom sẽn gũbgi, Wẽnnaam goamã la a Zezi kasetã yĩnga.

Vẽnegre 13:10

Ned sã n tog n kẽ yembdo, a na n kẽ yembdo. Ned sã n kʋ ne zabr sʋʋga, yaa tɩlɛ tɩ b kʋ-a ne zabr sʋʋga. Wẽnnaam nin-tũusdsã modgr la b tẽebã la woto.

Vẽnegre 14:12

Woto yĩnga, nin-sõamy wã tog n nanga pãnga, n sakd Wẽnnaam tõodã la b tall tẽeb ne a Zezi.