Rom Dãmba 8:24 - KÃAB-PAALGÃ KOE-NOOGO

²⁴ Bala, tõnd paama fãagre, la yaa ne tẽebo. La bũmb ning fo sẽn gũud ne tẽebã sã n ya bũmb f sẽn ne, ka leb n ya tẽeb yell ye. Fo sã n ne bũmbu, f tõe n leb n tẽe a paoong yɛsa?

SEBR SÕNGO

²⁴ Tõnd fãagra yaa bũmb d sẽn tõe n saag. La fo sã n ne f sẽn saagda soaba, dẽ ka le ya saagr ye. Fo na n yɩɩ wãn n ne bũmb la f le yet tɩ f saagda a yãeebo?

WẼNNAAM SEBRE 2014

²⁴ Bala, tõnd paama fãagre, la yaa ne tẽebo. La bũmb ning fo sẽn gũud ne tẽebã sã n yaa bũmb f sẽn ne, ka leb n ya tẽeb yell ye. Fo sã n ne bũmbu, f tõe n leb n tẽe a paoong yɛsa?

Rom Dãmba 8:24 Iomraidhean Croise

Rom Dãmba 12:12

Maan-y tẽeb n kɩdme. Paam-y sũ-mar toog pʋgẽ. Wɩng-y ne pʋʋsgo.

Rom Dãmba 15:13

Bɩ Wẽnnaam, saag-sõng sẽn yit a soab nengẽ wã pid yãmb ne sũ-noog fãa la bãan fãa tẽeb pʋgẽ, tɩ saag-sõng na pid yãmba, Sɩɩg-sõng pãng yĩnga.

Rom Dãmba 15:4

Mik bũmb nins b sẽn pĩnd n gʋlsã gʋlsa tõnd zãmsg yĩnga, tɩ tõnd tõe n paam saag-sõngo, sũ-mare la belsg ning Wẽnnaam gʋls-sõamyã sẽn kõtã yĩnga.

Rom Dãmba 4:18

A Abraham maana tẽeb ne bũmb ned sẽn ka tõe n tẽ, b tẽeme n lebg soolem wʋsg ba wa Wẽnnaam sẽn dag n yeelã: Fo yagensã na n yɩɩ a woto.

Rom Dãmba 5:2

Yaa bãmb maasem yĩng la tõnd paam n kẽ barkã pʋgẽ ne tẽebo, la tõnd yasa kãenkãe bark kãng pʋgẽ, la tõnd maanda sũ-noogo, d sẽn gũud Wẽnnaam ziirã ne tẽebã yĩngã.

Rom Dãmba 8:20

Bala, bõn-naandsã kẽe faoolem pʋgẽ. Ka ne b meng yamleoog ye, la yaa ned ning sẽn kẽes-a bãmb be wã yĩnga.

1 Korẽnt rãmba 13:13

Moasã, ad bũmb a tãab nins sẽn paadã: yaa tẽebo, la saag-sõngo, la nonglem. La sẽn ya kãseng bãmb sʋk n yɩɩdã, yaa nonglem.

2 Korẽnt rãmba 4:18

Sẽn paase, tõnd sẽn getã, ka bũmb nins nin sẽn ne wã ye, tõnd geta bũmb nins nin sẽn ka tõe n yã wã. Bala, bũmb nins nin sẽn ne wã loogdame, la bũmb nins nin sẽn ka ne wã paada wakat sẽn kõn sa.

2 Korẽnt rãmba 5:7

Bala, tõnd kẽnda ne tẽebo, la d ka yã n yaool n tẽed ye.

Galat Rãmba 5:5

Ne tõndo, yaa tẽeb pʋgẽ la tõnd gũud tɩ Wẽnnaam kɩt tɩ tõnd lebg nin-tɩrse, Sɩɩg-sõng pãngã yĩnga.

Kolos Rãmba 1:23

Yãmb sã n sɩd pa tẽebã pʋgẽ, la y kɩ yẽg n yals kãenkãe tɩ bũmb da wa n zãag yãmb ne koe-noogã tẽeb pidsg gũudũm ning yãmb sẽn wʋma, sẽn ya koe-noog ning b sẽn moon ninsaalbã fãa sẽn be dũniyã zugã, koe-noog ning maam a Poll sẽn lebg a tʋmtʋmdã.

Kolos Rãmba 1:27

Wẽnnaam n tʋlg n kɩt tɩ b nebã bãng yel-solem-kãnga arzɛkã sẽn tar ziir bu-zẽmsa sʋkã, dat n togs tɩ Kirist sẽn be yãmb pʋsẽ wã, b na n pidsa tẽeb gũudũm ning sẽn ya ziirã.

Kolos Rãmba 1:5

tẽeb pidsg gũudũm ning b sẽn bĩng yãmb yĩng arzãn pʋgẽ wã yĩnga. Sɩd koɛɛgã sẽn ya koe-noogã sẽn pĩnd n kɩt tɩ yãmb bãngã.

1Tesalonik Rãmba 5:8

La tõnd sẽn ya wĩndg nebã, bɩ d yɩ yõk-m-mens rãmba: Tɩ d bob tẽeb la nonglem wa gãntika, la d fõgen fãagrã tẽeb pidsg gũudmã wa kut-pugla.

2Tesalonik Rãmba 2:16

Bɩ tõnd Zu-soab a Zezi Kirist mengã, la tõnd ba a Wẽnnaam sẽn nong tõndo, n bels tõnd ne belsg sẽn kõn sa, bãmb nimbãan-zoeerã yĩnga, la b kõ tõnd saag-sõngã

A Titi 3:7

tɩ ne bãmb barkã b sã n kɩt tɩ tõnd lebg tɩrse, bɩ tõnd lebg pʋɩt-n-taas ne vɩɩm sẽn kõn sa wã tõnd sẽn gũudã.

Ebre rãmba 11:1

La tẽeb yaa pɛl-kɛgeng ned sẽn tar ne bũmb nins a sẽn tẽed t'a na paame, la bũmb nins ned sẽn ka ne wã wilgri.

1 Pɩyɛɛr 1:21

Kirist maasem yĩnga, yãmb tẽeda Wẽnnaam ning sẽn vʋʋg-a Kirist n bas kũum la b kõ-b waoogrã. Sẽn na yɩl tɩ yãmb tẽebã ne y teegrã zĩnd ne Wẽnnaam.

1 Pɩyɛɛr 1:3

Pẽgr Wẽnnaam ning sẽn ya tõnd Zu-soab a Zezi Kirist ba. Bãmb nimbãan-zoeerã sẽn ya kãsengã yĩnga, b kõo tõnd dogem paalg a Zezi Kirist sẽn vʋʋg n bas kũuma maasem yĩnga, tɩ tõnd tar tẽeb pidsg gũudum

1 Zã 3:3

Ned ninga fãa sẽn tẽed Kiristã yel-kãngã pidsg yĩnga, a yɩlgda a meng n lebg yɩlemd wa a Zezi Kirist sẽn ya yɩlemdã.