Rom Dãmba 8:2 - KÃAB-PAALGÃ KOE-NOOGO

² Sɩd me, Sɩɩg sẽn kõt vɩɩm a Zezi Kirist pʋgẽ wã tõog yolsa maam ne yel-wẽnã tõogo, la ne kũum tõog yembdo.

SEBR SÕNGO

² A Vʋʋsem Sõng noora n kõt vɩɩm a Zezi maasmẽ, la yẽ n fãag foom ne noor ninga sẽn wata ne yel-wẽnd la kũum.

WẼNNAAM SEBRE 2014

² Sɩd me, Sɩɩg sẽn kõt vɩɩm a Zeezi Kiris pʋgẽ wã tõog yolsa maam ne yel-wẽnã tõogo, la ne kũum tõog yembdo.

Rom Dãmba 8:2 Iomraidhean Croise

A Zã Sõng 4:10

A Zezi leok-a lame n yeele: Fo sã n dag n miẽ bũmb nins Wẽnnaam sẽn kõtã, la f mi ned ning sẽn kot-a foom koomã n na n yũ wã, yaa foom n dag n na n kos-a, la a dag n na n kõo foom ko-bundga.

A Zã Sõng 4:14

La ko-yũud kõn leb n yõk ned ning fãa sẽn na n yũ koom ning mam sẽn na n kõ-a wã ye, la koom ning mam sẽn na n kõ-a wã na n lebga ko-bundg sẽn na n buli, hal tɩ ta vɩɩm sẽn kõn sa wã pʋgẽ.

A Zã Sõng 6:63

Yaa Sɩɩg-sõng n kõt vɩɩm. Yĩngã ka sõngd ne baa fɩ. Goam nins mam sẽn togs yãmbã wata ne Sɩɩg-sõng la vɩɩm.

A Zã Sõng 8:32

yãmb sɩd yaa mam karen-biisi. Yãmb na bãng sɩdã, la sɩdã na kɩt tɩ yãmb lebg burkĩmba.

A Zã Sõng 8:36

Dẽ, Bi-riblã sã n yols yãmba, yãmb na n yɩɩ burkĩmb meng-menga.

Rom Dãmba 16:3

Pʋʋs-y-yã a Piriska ne a Akilas sẽn ya mam tʋmd-n-taas a Zezi Kirist tũudmã pʋgẽ wã.

Rom Dãmba 3:27

Woto yĩngã, bõe pʋgẽ la ned tõe n waoog a menga? Bũmb ka be ye. Ne tõ-bʋgo? Ne tʋʋm tõogo? Ayo! La yaa ne tẽeb tõogo.

Rom Dãmba 5:21

Woto, a wa yel-wẽnã ne kũum sẽn soog zĩigã, barkã sooga zĩig me tɩrlmã yĩnga, tɩ d tõe n paam vɩɩm sẽn kõn sa, tõnd Zu-soab a Zezi Kirist maasem yĩnga.

Rom Dãmba 6:14

Yel-wẽnã ka na n soog yãmb ye, bala, ka tõogã n leb n so yãmb ye, la yaa barkã.

Rom Dãmba 6:18

B sẽn yols yãmb n yiis yel-wẽnã yembdẽ wã, yãmb lebga tɩrlem yemse.

Rom Dãmba 6:22

Moasã, yãmb sẽn paam yolsg n yi yel-wẽnã yembdẽ n lebg Wẽnnaam yemsã, yãmb bi-womdɩ yaa maneg n yɩ yɩlemde, la a baoosg yaa vɩɩm sẽn kõn sa.

Rom Dãmba 7:21

Mam sẽn dat n maan neerã, mam mikame tɩ tõ-kãngã n be ne maam: Wẽng n yegd maam.

Rom Dãmba 7:23

La mam yãta tõog a to mam yĩnga wilẽ, t'a maood ne mam yam-wekrã tõogã, n kɩtd tɩ mam ya yel-wẽnã sẽn be mam yĩngã wilẽ wã tõog yamba.

Rom Dãmba 7:4

Woto me m ba-biisi, yãmb yaa kũum, sã n yaa ne tõogã yelle, Kirist yĩngã maasem yĩnga, n na n lebg ned a to rẽnda, soab ning sẽn vʋʋg n yi kũum sʋka, tɩ tõnd na wom biis Wẽnnaam yĩngã.

Rom Dãmba 8:1

Woto yĩnga, sɩbgr ka be neb nins sẽn be Zezi Kirist pʋgẽ [n kẽnd wa sẽn zems Wẽnnaam Sɩɩgã raabã la ka yĩng ratmã] zut ye.

1 Korẽnt rãmba 15:45

Rẽnda n kɩt tɩ b gʋls n yeel tɩ: Pipi dao a Adam lebga nin-vɩɩga. La yaoolem Adamã lebga sɩɩg sẽn kõt vɩɩm.

2 Korẽnt rãmba 3:17

La b sẽn yet tɩ “Zu-soabã”, rat n yeelame tɩ Sɩɩga, la Zu-soabã Sɩɩg sẽn be zĩig ninga, lohorem bee be.

2 Korẽnt rãmba 3:6

Wẽnnaam kɩtame tɩ d tõe n yɩ bãmb tʋmtʋmdba kãab-paalgã maasem yĩnga. Ka ne tõog sẽn gʋlsã ye, la yaa ne Sɩɩg-sõngo. Bala, tõog sẽn gʋlsã kʋʋdame, la Sɩɩg-sõng kõta vɩɩm.

Galat Rãmba 2:19

Sɩd me, sã n yaa ne tõogã wɛɛngẽ, mam yaa kũum tõogã maasem yĩnga, tɩ m tõe n vɩɩmd Wẽnnaam yĩnga.

Galat Rãmba 5:1

Kirist yolsa tõnd tɩ d na vɩ ne lohorem. Dẽ yĩngã, yals-y kãenkãe n da leb n kẽes y mens yembdẽ ye.

Galat Rãmba 6:2

Tʋk-y taab zɩɩbo. Woto, Yãmb na n maana Kirist tõogã sẽn datã.

Zake 1:25

La ned ning sẽn get tõog sẽn zems zãngã, sẽn ya lohorem tõogã, la a maoodẽ, n ka kelgd bal la a yĩmdẽ wã, la a maood n sakdẽ wã, soab kõng na paam Wẽnnaam bark a sẽn maandã pʋgẽ.

Vẽnegre 11:11

La rasem a tãab la pʋɩ-sʋkã zugẽ, vɩɩm sɩɩg sẽn yi Wẽnnaam nengẽ kẽe bãmb pʋsẽ la b yikame n yals b nao zutu. Rabeem kãseng yõka neb nins sẽn yãt bãmbã.

Vẽnegre 22:1

Malɛkã wilga maam vɩɩm koomã kʋɩlga, kʋɩlg sẽn pɩnd wa vɛɛre, la a yita Wẽnnaam ne Pe-bilã geerẽ wã.