Rom Dãmba 8:15 - KÃAB-PAALGÃ KOE-NOOGO

¹⁵ Yãmb ka reeg yembd sɩɩg n na n ket n vɩ rabeem pʋgẽ ye. La yãmb reega Sɩɩg sẽn kɩtd tɩ yãmb lebg Wẽnnaam kamba, tɩ Sɩ-kãng maasem yĩnga, tõnd yetame tɩ Abba, sẽn dat n yeel tɩ “m ba.”

SEBR SÕNGO

¹⁵ Vʋʋsem ning y sẽn paama ka bũmb sẽn kɩt tɩ y lebg yem-daado n zĩ ne rabeem ye; y lebga Wẽnd zak kamba al n tõe n bool Wẽnd Aba, dat n yeelame tɩ Ba.

WẼNNAAM SEBRE 2014

¹⁵ Yãmb ka reeg yembd sɩɩg n na n ket n vɩ rabeem pʋgẽ ye. La yãmb reega Sɩɩg sẽn kɩtd tɩ yãmb lebg Wẽnnaam kamba, tɩ Sɩ-kãng maasem yĩnga, tõnd yetame tɩ Abba, sẽn dat n yeel tɩ «m ba.»

Rom Dãmba 8:15 Iomraidhean Croise

A Matiye Sõng 25:25

Dabeem yõka maam tɩ mam kẽng n tuk bok tẽng n solg y talã wã. Ad-y y talã! Deeg-y-yã.

A Mark Sõng 14:36

Bãmb yeelame: Abba, m ba, yãmb tõee bũmb fãa. Yiis-y bõn-yũudl kãngã mam taoore. Baoosgo, da maan-y mam daab ye, maan-y y raabo.

A Luk Sõng 11:2

A Zezi yeela bãmb yaa: Yãmb sã n pʋʋsdẽ, bɩ y yeele: Tõnd ba! Bɩ yãmb yʋʋrã yɩ ne waoogre, tɩ yãmb soolmã wa.

A Luk Sõng 22:42

n yeel yaa: M ba, yãmb sã n data, bɩ y zãag bõn-yũudl kãngã ne maam. Baoosgo, bɩ y ra maan mam sẽn datã ye, maan-y y raabo. [

A Luk Sõng 8:28

A sẽn yãa a Zezi, a kelmame n wõgemd bãmb taoor n zẽk a koɛɛg n yeele: Wẽnnaam sẽn be saasẽ saasẽ bi-ribl a Zezi, yãmb data maam ne bõe? Mam bõosd-y lame tɩ y ra nams maam ye.

A Luk Sõng 8:37

Geraza soolmã neba fãa kosa a Zezi tɩ b zãag n bas bãmba. Bala, rabeem kãseng n da yõk-ba. A Zezi kẽe koom-koglgã n lebg n lebe.

A Zã Sõng 16:8

La b sã n wa, b na n kɩtame tɩ dũni neb sak n deeg yel-wẽnã yelle, la tɩrlem yelle, la bʋʋd yelle.

A Zã Sõng 20:17

A Zezi yeel-a lame yaa: Ra sɩɩs-m ye. Mam nan ka rʋ m ba nengẽ ye. Kẽng m ba-biisã nengẽ n tɩ yeel-b tɩ mam dʋʋda m ba sẽn ya yãmb ba wã nengẽ, mam Wẽnnaam sẽn ya yãmb Wẽnnaamã nengẽ.

Tʋʋma 16:29

Dẽ, bi-bees roog gũudã kosame tɩ b wa ne bugum, la a wudga tao-tao n kẽ bi-beesã roogẽ, n lʋɩ a Poll ne a Sɩlaas taoor ne rigbu.

Tʋʋma 2:37

La nebã sẽn wʋm gom-kãnga, a sɩɩsa bãmb sũyã. La b soka a Pɩyɛɛr ne tẽn-tʋmdba a taabã yaa: D saam-biisi, tõnd tog n maana bõe?

Rom Dãmba 8:16

Wẽnnaam Sɩɩgã meng kɩta kaset ne tõnd sɩɩgã n yetẽ tɩ tõnd yaa Wẽnnaam kamba.

Rom Dãmba 8:23

Sẽn yɩɩda, tõnd mensã sẽn zoe n paam Sɩɩgã reng-n-lɛmbgã, tõnd me wẽeda sir d pʋsẽ, n gũud wakat ning Wẽnnaam sẽn na n deeg tõnd n maan b kambã, la d gũud tɩ b yols tõnd yĩngã n baase.

Rom Dãmba 8:26

Woto me, Sɩɩgã wat n sõngda tõnd d pãn-komsmã pʋgẽ, bala, tõnd ka mi d sẽn segd n kos bũmb nins d pʋʋsg pʋgẽ ye. La Sɩɩgã meng yõkda sɛɛg ne sir ned sẽn ka tõe n togs ye.

Rom Dãmba 9:4

Bãmb yaa Israyɛl rãmba, b rãmb Wẽnnaam sẽn deeg n maan b kamba tɩ b so ziiri, la kaoolã, la tõogã, la kaorengo, la kãabdo, la yaab-rãmba.

1 Korẽnt rãmba 2:12

Tõnd yaool n ka deeg dũni sɩɩg ye, la yaa Sɩɩg sẽn yit Wẽnnaam nengẽ, tɩ tõnd tõe n bãng bũmb nins Wẽnnaam sẽn kõ tõndo, b nimbãan-zoeerã yĩnga.

2 Korẽnt rãmba 11:4

Bala, ned a to sã n yɩ pipi n wa moon yãmb Zezi a to, tɩ ka Zezi ninga tõnd sẽn da moon yãmbã, wall yãmb sã n deeg sɩɩg a to sẽn ka Sɩɩg ninga yãmb sẽn dag n deegã, wall koe-noog a to tɩ ka yãmb sẽn da reeg pĩndã, yãmb sakda yẽ soab sõama.

Galat Rãmba 2:4

Baoosgo, baa ne neb nins sẽn belg tɩ b yaa tõnd ba-biisã sẽn kẽ tõnd sʋk n na n gũus tõnd n ges lohorem ning tõnd sẽn tar d lagem-n-taar a Zezi Kiristã pʋgẽ wã, n dat n kẽes tõnd yembdẽ wã.

Galat Rãmba 5:1

Kirist yolsa tõnd tɩ d na vɩ ne lohorem. Dẽ yĩngã, yals-y kãenkãe n da leb n kẽes y mens yembdẽ ye.

Efɛɛz Rãmba 1:5

bãmb da pĩnd n yãka yam tɩ tõnd na n yɩɩ bãmb kamba, a Zezi maasem yĩnga, a wa sẽn zems bãmb daabo, la sẽn noom bãmba.

2 Tɩmote 1:7

Bala, ka rabeem Sɩɩg la Wẽnnaam kõ tõnd ye, la yaa pãnga, la nonglem, la yam Sɩɩga.

Ebre rãmba 2:15

la b yols b rãmb sẽn dag n be yembd pʋgẽ b vɩɩmã tɛka, b sẽn zoet kũumã yĩngã.

Zake 2:19

F tẽedame tɩ Wẽnnaam a yen bal n be. Yaa sõama. Zĩn-dãmbã me tẽedame, la b rigda ne rabeem.

1 Zã 4:18

Rabeem ka be nonglem pʋgẽ ye, la nonglem sẽn zems zãng yiisda rabeem. Bala, rabeem wilgdame tɩ sɩbgr n be, la ned ning sẽn zoet rabeem, nonglmã ka zems zãng yẽ pʋgẽ ye.