Rom Dãmba 7:7 - KÃAB-PAALGÃ KOE-NOOGO

⁷ Dẽ, tõnd na n yeelame tɩ bõe? Tõogã yaa yel-wẽnd la? Yaa vẽeneg tɩ ayo. La mam ka bãng yel-wẽn sẽn ya bũmb ninga, sã n ka tõogã maasem yĩng ye. Tõogã sã n dag n ka yeelẽ tɩ: Da maan sũ-kiir ye, mam dag n kõn bãng sũ-kiir sẽn yaa a soab ye.

SEBR SÕNGO

⁷ Noor yaa wẽnga? M kõn yeel dẽ lɛlɛ, la sã n ya sɩda, yaa noor n kɩt tɩ d bãng yel-wẽnde. M tʋlla woto kõn waẽ m sũurẽ, noor sã n dag n ka yeelẽ lɛ-lɛ: da tʋlg ye!

WẼNNAAM SEBRE 2014

⁷ Dẽ, tõnd na n yeelame tɩ bõe? Tõogã yaa yel-wẽnd la? Yaa vẽeneg tɩ ayo. La mam ka bãng yel-wẽn sẽn ya bũmb ninga, sã n ka tõogã maasem yĩng ye. Tõogã sã n dag n ka yeelẽ tɩ: «Da maan sũ-kiir ye», mam dag n kõn bãng sũ-kiir sẽn yaa a soab ye.

Rom Dãmba 7:7 Iomraidhean Croise

A Matiye Sõng 5:28

La mam yeta yãmb tɩ ned ning fãa sẽn get pag ne ratem wẽng zoe n maana yoob ne-a a sũurẽ.

A Luk Sõng 12:15

Dẽ, a Zezi yeela nebã yaa: Gũus-y y mens ne rat wʋsgã. Bala, hal baa naar pʋgẽ, ninsaal vɩɩmã ka tũud ne bũmb nins a sẽn tarã ye.

A Luk Sõng 20:16

A na n waame, n sãam koaadb-kãense, la a rɩk pʋʋgã n peng koaadb a taaba. La nebã sẽn wʋm bõn-kãnga, b yeelame tɩ: Bɩ ra yɩ a woto ye.

Tʋʋma 20:33

Mam ka maan sũ-kiir ne ned ligdi, wall a sãnem, wall a fut ye.

Rom Dãmba 13:9

Sɩd me, d tõee n gila tõod nins sẽn yet tɩ: Da yo ye, da kʋ ye, da zu ye, [da kɩs kaset zĩri ye,] da ges f to bũmb n dat ye, la tõod a taabã yeelame tɩ: Nong f to wa f menga.

Rom Dãmba 3:20

Bala, ned baa a yen ka na n paam zemsg Wẽnnaam taoor tõogã sakr yĩng ye, bala, tõogã kɩtdame bal tɩ ned bãng yel-wẽnd sẽn ya a soaba.

Rom Dãmba 3:5

La tõnd ka-tɩrlmã sã n kɩtdẽ tɩ Wẽnnaam tɩrlmã pukdẽ, tõnd na n yeelame tɩ bõe? Wẽnnaam sã n sak tɩ b sũur yiki, b yaa ka-tɩrlem soab sɩda? Mam sẽn gomda yaa ninsaalemdo.

Rom Dãmba 4:1

Dẽ yĩnga, tõnd na n goma d yĩng yaab a Abraham yell n yeel tɩ bõe? Bõe la b paam-yã?

Rom Dãmba 4:15

Bala, tõogã wata ne sũ-yikri, la zĩig ning tõog sẽn ka be, beegr me ka ye.

Rom Dãmba 5:20

La tõog yaool n waame tɩ kongr lebg kãsenga. La zĩig ning yel-wẽn sẽn paam pãnga, barkã paama paoosg n yɩɩda.

Rom Dãmba 6:15

La yaa bõe? Dẽ yĩnga, tõnd na n maanda yel-wẽnã, tõog sẽn ka so tõndo, la yaa barkã yĩnga? Yaa vẽeneg tɩ ayo.

Rom Dãmba 7:11

Bala, yel-wẽnã sẽn paam weerã, a talla tõogã n belg maam n tõoge, la a talla tõogã n kɩt tɩ mam ki.

Rom Dãmba 7:13

Dẽ yĩngã, bũmb ning sẽn ya sõama wã lebga kũum mam yĩnga? Yaa vẽeneg tɩ ayo. La sẽn na yɩlg tɩ yel-wẽn puk a meng n wilg t'a yaa yel-wẽnã, a talla bõn-sõng n wa ne mam kũum, tɩ tõogã maasem yĩnga nebã na yã tɩ yaa yel-wẽn kãseng tɩ looge.

Rom Dãmba 7:5

Bala, wakat ning yĩngã sẽn dag n so tõndã, tõogã sẽn kɩt tɩ yel-wẽnã ratem yikã dag n tʋmda tõnd yĩngã wil pʋsẽ, n kɩtdẽ tɩ tõnd womd biis sẽn wat ne kũum.

Rom Dãmba 7:8

La yel-wẽnã paama tõogã sẽn yeelã n na n kɩt tɩ sũ-kiir buud fãa kẽ maam, bala, tõog sã n kaẽ, yel-wẽn yaa bõn-kɩɩnga.

1 Korẽnt rãmba 15:56

Yaa yel-wẽnã la kũumã toolem, la yaa tõogã n kõt yel-wẽnã pãnga.

Efɛɛz Rãmba 5:3

Dẽ wã, a wa nin-sõamy sẽn tog n yɩ to-to wã, da saag-y tɩ b pʋd yoobo, la rẽgd buud baa a yembre, la rat-wʋsg yell yãmb sʋk ye.

Kolos Rãmba 3:5

Dẽ wã yĩnga, kɩt-y tɩ y dũni ka yalẽ wã ki. Yaa yoobo, tʋʋm-rẽgdo, wẽng maaneg ratem, datem wẽnse, la rat-wʋsgo, sẽn ya wa wẽn-naands pʋʋsgo.

1Tesalonik Rãmba 4:5

la a ra bas tɩ ratem wẽng soog a sũurã wa nin-zaalsã sẽn ka mi Wẽnnaamã sẽn maandã ye.

Ebre rãmba 7:19

— bala tõogã ka tõog tɩ baa fɩ zems ye —, la b waa ne saag-sõng sẽn ya sõama n yɩɩd pĩnd soabã. Saag-sõng kãng maasem yĩnga tõnd kolgda Wẽnnaam.