Rom Dãmba 7:5 - KÃAB-PAALGÃ KOE-NOOGO

⁵ Bala, wakat ning yĩngã sẽn dag n so tõndã, tõogã sẽn kɩt tɩ yel-wẽnã ratem yikã dag n tʋmda tõnd yĩngã wil pʋsẽ, n kɩtdẽ tɩ tõnd womd biis sẽn wat ne kũum.

SEBR SÕNGO

⁵ Sɩda, d sẽn da waa n ket n vɩ d pĩnd vɩɩma, noora sõnga d yĩnga wilsi la d zʋg wẽnga tɩ d wom biis sẽn tak kũum n kõ-do.

WẼNNAAM SEBRE 2014

⁵ Bala, wakat ning yĩngã ratmã sẽn dag n so tõndã, tõogã kɩtame tɩ yel-wẽnã ratem yik n dag n tʋmd tõnd yĩngã wil pʋsẽ, n kɩtdẽ tɩ tõnd womd biis sẽn wat ne kũum.

Rom Dãmba 7:5 Iomraidhean Croise

A Matiye Sõng 15:19

Bala, tags-wẽnse, nin-kʋʋre, yoobo, yoob tʋʋmde, wagdem, zĩrĩ la kãnegr yita sũur pʋgẽ.

A Zã Sõng 3:6

Bũmb ning yĩng sẽn dog yaa yĩnga, la bũmb ning Sɩɩg-sõng sẽn dog yaa sɩɩga.

Rom Dãmba 1:26

Dẽ n kɩt tɩ Wẽnnaam bas-b tɩ b maan yĩng ratem sẽn paoogd neda. Bala, bãmb pagbã basa gãag ning sẽn zems Wẽnnaam sẽn seglã n maand sẽn ka segd ye.

Rom Dãmba 3:20

Bala, ned baa a yen ka na n paam zemsg Wẽnnaam taoor tõogã sakr yĩng ye, bala, tõogã kɩtdame bal tɩ ned bãng yel-wẽnd sẽn ya a soaba.

Rom Dãmba 4:15

Bala, tõogã wata ne sũ-yikri, la zĩig ning tõog sẽn ka be, beegr me ka ye.

Rom Dãmba 5:20

La tõog yaool n waame tɩ kongr lebg kãsenga. La zĩig ning yel-wẽn sẽn paam pãnga, barkã paama paoosg n yɩɩda.

Rom Dãmba 6:13

Da dɩk-y y yĩngã will n kɩs yel-wẽnã tɩ yɩ ka-tɩrlem tʋʋm teed ye. Kõ-y y mens Wẽnnaam, wa neb sẽn vʋʋg n yi kũum sʋk n vɩ, la y kõ Wẽnnaam y yĩngã wil tɩ yɩ tɩrlem tʋʋm teedo.

Rom Dãmba 6:19

Mam gomda ne ninsaalemdo, yãmb yĩngã pãn-komsmã yĩnga. Woto me, a wa yãmb sẽn dag n kõ y yĩngã wil tɩ yɩ rẽgd la tʋʋm wẽns yemse, tɩ b maan tʋʋm wẽnsã, bɩ y kõ yĩngã wil tɩ yɩ tɩrlem yemse, tɩ b tall-y n taas yɩlgr zĩigẽ.

Rom Dãmba 6:21

Bi-bõe la yãmb dag n womd wakat kãnga? Yaa biis nins sẽn ningd yãmb yãnd moasã wã, bala, b baoosg yaa kũum.

Rom Dãmba 6:23

Bala, yel-wẽnã yaood yaa kũun, la kũun ning Wẽnnaam sẽn kõt zaalmã yaa vɩɩm sẽn kõn sa, tõnd Zu-soab a Zezi Kirist pʋgẽ.

Rom Dãmba 7:23

La mam yãta tõog a to mam yĩnga wilẽ, t'a maood ne mam yam-wekrã tõogã, n kɩtd tɩ mam ya yel-wẽnã sẽn be mam yĩngã wilẽ wã tõog yamba.

1 Korẽnt rãmba 15:56

Yaa yel-wẽnã la kũumã toolem, la yaa tõogã n kõt yel-wẽnã pãnga.

2 Korẽnt rãmba 10:3

Tõnd sɩd bee yĩng pʋga, la tõnd ka zabd wa yĩngã sẽn zabdã ye.

Galat Rãmba 3:10

Sɩd me, neb nins fãa sẽn teegd tõob tʋʋmã bee kãab-wẽng pʋgẽ, bala, b gʋlsame n yeele: Kãab-wẽng n be ned ning fãa sẽn ka sakd bũmb nins fãa sẽn gʋls seb-kãngã pʋgẽ, la a ka maand wa sẽn gʋlsã zugu.

Galat Rãmba 5:24

Neb nins sẽn be Kirist Zezi pʋgẽ wã kaa b yĩngã ne a sẽn nonge, la a daabã fãa da-pɩk zugu.

Efɛɛz Rãmba 2:11

Dẽ wã, tẽeg-y tɩ wakat sẽn looge, yãmb dag n yaa bu-zẽms yĩng wɛɛngẽ, tɩ neb nins sẽn yet tɩ b yaa zũnsi, tɩ yaool n ya bãong ninsaal nus sẽn kẽesã rãmb n dag n boond yãmb a bu-zẽmsã tɩ moose.

Efɛɛz Rãmba 2:3

Tõnd fãa me rag n bee bãmb sʋka, la tõnd dag n vɩɩ wa sẽn zems tõnd yĩngã datem wẽnsã. Tõnd dag n tʋmda wa tõnd yĩngã sẽn date, la sẽn zems tõnd tagsdo, la tõnd dag n yaa neb sẽn na n paam Wẽnnaam sɩbgr wa neb a taabã.

Kolos Rãmba 3:5

Dẽ wã yĩnga, kɩt-y tɩ y dũni ka yalẽ wã ki. Yaa yoobo, tʋʋm-rẽgdo, wẽng maaneg ratem, datem wẽnse, la rat-wʋsgo, sẽn ya wa wẽn-naands pʋʋsgo.

A Titi 3:3

Bala, pĩnda tõnd me rag n yaa yalemba, la nin-kɩɩsdba, la neb sẽn bʋdge, la ratem wẽns buud toay-toay la sũ-no-yood n dag n so tõndo. Tõnd dag n vɩɩ pʋ-toog la sũ-kĩir pʋga, tõnd dag n kisa neb a taaba tɩ bãmb me kis tõndo.

Zake 1:15

La yĩngã ratem sã n dɩk pʋga, a rogda yel-wẽnde. La yel-wẽndã sã n wa n bɩ, a wata ne kũum.

Zake 4:1

Maoorã ne zabã sẽn be yãmb sʋkã yita yɛ, sã n ka yãmb datem sẽn maood ne taab yãmb yĩngã wil pʋsẽ wã pʋgẽ?

1 Zã 3:4

Ned ninga fãa sẽn maand yel-wẽnde, a kɩɩsda tõogã me. Yel-wẽna yaa tõogã kɩɩsgo.