Rom Dãmba 7:24 - KÃAB-PAALGÃ KOE-NOOGO

²⁴ Mam yaa nĩmbãan-neda. Ãnna n na n yiis maam yĩn-kãngã sẽn ya kũumã nugẽ?

SEBR SÕNGO

²⁴ M yãbda m menga! Ãnd n na n fãag maam ne m yĩnga sẽn dat m kũuma?

WẼNNAAM SEBRE 2014

²⁴ Mam yaa nĩmbãan-neda. Ãnda n na n yiis maam yĩn-kãngã sẽn yaa kũumã nugẽ?

Rom Dãmba 7:24 Iomraidhean Croise

A Matiye Sõng 5:4

Bark bee sũ-sãoong rãmbã zutu, bala b na n paama belsgo.

A Matiye Sõng 5:6

Bark bee tɩrlem kom la a ko-yũud sẽn tar b rãmbã zutu, bala b na n tɩgame.

A Luk Sõng 4:18

Zu-soabã Sɩɩg bee mam zugu, tɩ bõe, b pʋdga b kaam mam zugu, tɩ m tõe n bels sũ-sãoong rãmba, tɩ m togs naong rãmbã koe-noogã. Bãmb tʋma maam tɩ m tʋg n moon yemsã yolsg koɛɛga, la m moon n togs zoensã, tɩ b na n leb n paama b nini, tɩ m kɩt tɩ neb nins b sẽn namsdã loog ne lohorem,

Rom Dãmba 6:6

Tõnd miime tɩ d yalẽ kʋdgã naaga ne bãmb n ka da-pɩkã zugu, tɩ yel-wẽnã ratem kãng pãng na sa, tɩ tõnd kõn leb n yɩ yel-wẽnã yems yɛs ye.

Rom Dãmba 8:13

Yãmb sã n vɩɩmd wa yĩngã sẽn data, yãmb na ki. La yãmb sã n kɩt tɩ yĩngã tʋʋm ki ne Sɩɩgã pãnga, yãmb na vɩɩmde.

Rom Dãmba 8:2

Sɩd me, Sɩɩg sẽn kõt vɩɩm a Zezi Kirist pʋgẽ wã tõog yolsa maam ne yel-wẽnã tõogo, la ne kũum tõog yembdo.

Rom Dãmba 8:23

Sẽn yɩɩda, tõnd mensã sẽn zoe n paam Sɩɩgã reng-n-lɛmbgã, tõnd me wẽeda sir d pʋsẽ, n gũud wakat ning Wẽnnaam sẽn na n deeg tõnd n maan b kambã, la d gũud tɩ b yols tõnd yĩngã n baase.

Rom Dãmba 8:26

Woto me, Sɩɩgã wat n sõngda tõnd d pãn-komsmã pʋgẽ, bala, tõnd ka mi d sẽn segd n kos bũmb nins d pʋʋsg pʋgẽ ye. La Sɩɩgã meng yõkda sɛɛg ne sir ned sẽn ka tõe n togs ye.

Kolos Rãmba 2:11

Bãmb pʋgẽ me, b kẽesa yãmb bãongo, la ka bãong sẽn kẽes ne ninsaalb nus ye, rat n togs tɩ yaa Kirist bãong sẽn kɩt tɩ yãmb bas y yĩngã ratma.

2 Tɩmote 4:18

Zu-soabã na n yolsa maam ne tʋʋm-wẽng fãa, la b na n fãaga maam n kẽes b soolmẽ. Bãmb n so ziir wakat sẽn ka sɛta. Ãmina!

A Titi 2:14

A Zezi Kirist kõo b meng tõnd yĩnga, tɩ fãag tõnd ne yel-wẽn fãa n kɩt tɩ tõnd lebg bãmb neb b sẽn yɩlge, la sẽn wɩngd ne tʋʋm-sõama maanego.

Ebre rãmba 2:15

la b yols b rãmb sẽn dag n be yembd pʋgẽ b vɩɩmã tɛka, b sẽn zoet kũumã yĩngã.

Vẽnegre 21:4

Wẽnnaam na n yẽesa nintãm fãa sẽn be b ninẽ wã. Kũum kõn le zĩnd ye, la sũ-sãoong wall yãbre, wall toog kõn leb n zĩnd ye, bala, dẽenem bũmba fãa loogame.