Rom Dãmba 6:6 - KÃAB-PAALGÃ KOE-NOOGO

⁶ Tõnd miime tɩ d yalẽ kʋdgã naaga ne bãmb n ka da-pɩkã zugu, tɩ yel-wẽnã ratem kãng pãng na sa, tɩ tõnd kõn leb n yɩ yel-wẽnã yems yɛs ye.

SEBR SÕNGO

⁶ D bãng tɩ b naaga tõnd yĩn-kʋdrã n ka pik ne Krista, sẽn na n yɩlẽ n woog a wẽnema pãnga tɩ d da le yɩ yel-wẽnd yems ye.

WẼNNAAM SEBRE 2014

⁶ Tõnd miime tɩ d yalẽ kʋdgã naaga ne bãmb n ka da-pɩkã zugu, tɩ yel-wẽnã ratem‑kãng pãng na sa, tɩ tõnd kõn leb n yɩ yel-wẽnã yembs yɛs ye.

Rom Dãmba 6:6 Iomraidhean Croise

Rom Dãmba 6:12

Dẽ yĩnga, bɩ yel-wẽnã da leb n soog yãmb yĩn-kiidsã ye, la y da leb n sak a ratem wẽnsã ye.

Rom Dãmba 6:22

Moasã, yãmb sẽn paam yolsg n yi yel-wẽnã yembdẽ n lebg Wẽnnaam yemsã, yãmb bi-womdɩ yaa maneg n yɩ yɩlemde, la a baoosg yaa vɩɩm sẽn kõn sa.

Rom Dãmba 7:14

Sɩd me, tõnd miime tɩ tõogã yaa sɩɩg bũmbu. La mam yaa yĩnga, yel-wẽn sẽn so n maand a sẽn dat-ne.

Rom Dãmba 8:13

Yãmb sã n vɩɩmd wa yĩngã sẽn data, yãmb na ki. La yãmb sã n kɩt tɩ yĩngã tʋʋm ki ne Sɩɩgã pãnga, yãmb na vɩɩmde.

2 Korẽnt rãmba 5:14

Bala, Kirist nonglmã n so tõndo. Tõnd sẽn bãng vẽeneg n welg tɩ nin-yend n ki neb a fãa yĩnga, tɩ rẽ rat n yeel tɩ yaa neba fãa n ki wã.

Galat Rãmba 2:20

B kaa maam ne Kiristã, la ka maam n vɩ yɛs ye, yaa Kiristã n vɩ mam pʋgẽ. Mam sẽn vɩ m yĩngã pʋgẽ moasã wã, yaa tẽeb ne Wẽnnaam Bi-riblã, soab ning sẽn kõ a vɩɩm a toor mam yĩngã pʋgẽ la mam vɩ.

Galat Rãmba 5:24

Neb nins sẽn be Kirist Zezi pʋgẽ wã kaa b yĩngã ne a sẽn nonge, la a daabã fãa da-pɩk zugu.

Galat Rãmba 6:14

La ne maam, yaa vẽeneg tɩ ka a woto ye. Mam ka na n waoog m meng ne bũmb a to tɩ ka ne tõnd Zu-soab a Zezi Kirist da-pɩkã ye. Ne maam, da-pɩkã yĩnga dũni wã yaa wa kũum, la ne dũni wã, mam me yaa wa kũum.

Kolos Rãmba 3:5

Dẽ wã yĩnga, kɩt-y tɩ y dũni ka yalẽ wã ki. Yaa yoobo, tʋʋm-rẽgdo, wẽng maaneg ratem, datem wẽnse, la rat-wʋsgo, sẽn ya wa wẽn-naands pʋʋsgo.

A Titi 3:3

Bala, pĩnda tõnd me rag n yaa yalemba, la nin-kɩɩsdba, la neb sẽn bʋdge, la ratem wẽns buud toay-toay la sũ-no-yood n dag n so tõndo. Tõnd dag n vɩɩ pʋ-toog la sũ-kĩir pʋga, tõnd dag n kisa neb a taaba tɩ bãmb me kis tõndo.