Rom Dãmba 6:22 - KÃAB-PAALGÃ KOE-NOOGO

²² Moasã, yãmb sẽn paam yolsg n yi yel-wẽnã yembdẽ n lebg Wẽnnaam yemsã, yãmb bi-womdɩ yaa maneg n yɩ yɩlemde, la a baoosg yaa vɩɩm sẽn kõn sa.

SEBR SÕNGO

²² Rũnna y sẽn paam n yi yel-wẽnd yembdẽ n kẽ Wẽnnaam, bãng-y tɩ y womda sõmblem biisi la rẽ n na n kẽes-y vɩɩm sẽn kõn sɛ pʋgẽ.

WẼNNAAM SEBRE 2014

²² Moasã, yãmb sẽn paam yolsg n yi yel-wẽnã yembdẽ n lebg Wẽnnaam yembsã, yãmb bi-womdɩ yaa maneg n yɩ yɩlemde, la a baoosg yaa vɩɩm sẽn kõn sa.

Rom Dãmba 6:22 Iomraidhean Croise

A Matiye Sõng 13:40

La wa b sẽn võod nadensã n yõogd bugmã, a na n yɩɩ a woto me dũni sɛɛb wakate.

A Matiye Sõng 13:43

Dẽ, nin-tɩrsã na n yãga wa wĩndgã bãmb ba soolem pʋgẽ. Bɩ ned ning sẽn tar tʋb wʋme.

A Matiye Sõng 19:29

La ned ning fãa sẽn na n bas a yiya, a ba-bi-raopa, a ba-bi-pogse, a ba, a ma, a paga, a kamba wall a pʋʋg mam yʋʋrã yĩnga, a na n deega wʋsgo, n yɩɩd bũmb nins a sẽn basã la a na n paama vɩɩm sẽn kõn sɛ wã tɩ yɩ a dogem pʋɩɩre.

A Matiye Sõng 25:46

La nin-kãens na n kẽe sɩbgr sẽn kõn sa pʋgẽ, la nin-tɩrsã na n kẽe vɩɩm sẽn kõn sa wã pʋgẽ.

A Zã Sõng 15:16

Ka yãmb n yãk maam ye, yaa maam n yãk yãmba, n ning m tʋʋmd yãmb zutu, tɩ yãmb na kẽng n wom biisi, la tɩ yãmb biisã na pa wakat fãa. Woto, bũmb ning fãa yãmb sẽn na kos m baaba ne mam yʋʋre, b na kõ yãmba.

A Zã Sõng 15:2

Will ning fãa sẽn tão mam zug n yaool n ka womd biisi, m baaba kʋrgd-a lame. La b na n yosa will ning fãa sẽn womd biisi, t'a tõe n wom n paase.

A Zã Sõng 4:36

Sẽn tigsd-a wã zoe n deegda a tʋʋm yaoodo, la a tigsda koodã wakat sẽn kõn sa yĩnga. Woto, sẽn bʋt-a wã ne sẽn tigsd-a wã naagda taab n kɩdme.

A Zã Sõng 8:32

yãmb sɩd yaa mam karen-biisi. Yãmb na bãng sɩdã, la sɩdã na kɩt tɩ yãmb lebg burkĩmba.

Rom Dãmba 6:14

Yel-wẽnã ka na n soog yãmb ye, bala, ka tõogã n leb n so yãmb ye, la yaa barkã.

Rom Dãmba 6:18

B sẽn yols yãmb n yiis yel-wẽnã yembdẽ wã, yãmb lebga tɩrlem yemse.

Rom Dãmba 6:21

Bi-bõe la yãmb dag n womd wakat kãnga? Yaa biis nins sẽn ningd yãmb yãnd moasã wã, bala, b baoosg yaa kũum.

Rom Dãmba 7:25

Bɩ d pʋʋs Wẽnnaam bark tõnd Zu-soab a Zezi Kirist maasem yĩnga. Woto, ne mam yam-wekre, mam yaa Wẽnnaam tõogã yamba, la sã n yaa ne mam yĩngã, mam yaa yel-wẽnã tõog yamba.

Rom Dãmba 7:4

Woto me m ba-biisi, yãmb yaa kũum, sã n yaa ne tõogã yelle, Kirist yĩngã maasem yĩnga, n na n lebg ned a to rẽnda, soab ning sẽn vʋʋg n yi kũum sʋka, tɩ tõnd na wom biis Wẽnnaam yĩngã.

Rom Dãmba 8:2

Sɩd me, Sɩɩg sẽn kõt vɩɩm a Zezi Kirist pʋgẽ wã tõog yolsa maam ne yel-wẽnã tõogo, la ne kũum tõog yembdo.

1 Korẽnt rãmba 7:22

Bala, yamb ning sẽn paam boolg Zu-soaba pʋgẽ, a lebga Zu-soaba burkĩna. Woto me, burkĩn ning b sẽn boolã yaa Kirist yamba.

2 Korẽnt rãmba 3:17

La b sẽn yet tɩ “Zu-soabã”, rat n yeelame tɩ Sɩɩga, la Zu-soabã Sɩɩg sẽn be zĩig ninga, lohorem bee be.

Galat Rãmba 1:10

Dẽ wã, mam dat n taa nebã yam bii, bɩ Wẽnnaam yam? Dẽ yĩnga, mam baoodame tɩ maan sẽn noom nebã laa? Mam sã n da ket n maandẽ sẽn noom nebã, mam da kõn ya Kirist tʋmtʋmd ye.

Galat Rãmba 5:13

M ba-biisi, b boola yãmb tɩ y vɩɩmd lohorem pʋgẽ. La bɩ y da rɩk lohorem kõng n na n vɩɩmd wa yĩngã sẽn datã ye. Vɩɩmd-y ne nonglem, la y tʋm n kõ taaba.

Galat Rãmba 5:22

La Sɩɩg-sõng bilã yaa nonglem, la sũ-noogo, la bãane, la sũ-mare, la sõmblem, la maan-neere, la maan-sɩda, la bʋgsem, la yõk-m-menga.

Efɛɛz Rãmba 5:9

Bala, vẽenem biis yaa sõmblem buud fãa, la tɩrlem la sɩda.

Filip rãmba 1:11

n pid ne tɩrlem biis sẽn yit a Zezi Kirist nengẽ, Wẽnnaam waoogre la b pẽgr yĩnga.

Filip rãmba 4:17

Ka tɩ mam baooda kũun ye, mam sẽn baood bũmb ninga yaa tɩ yãmb wom biis wʋsgo. Rẽnda n na n yɩ yãmb yõodo.

Kolos Rãmba 1:10

Kɩt-y tɩ y kẽnã waoogd Zu-soabã, tɩ y tõe n ta bãmb yam bũmb fãa pʋgẽ, la y wom biis ne tʋʋm sõama buud fãa, la y bɩ Wẽnnaam bãngr pʋgẽ.

Kolos Rãmba 4:12

A Epafras sẽn ya yãmb nedã pʋʋsd-y lame. Yẽ yaa Kirist Zezi tʋmtʋmda, n maood yãmb yĩng a pʋʋsg pʋgẽ n ka basdẽ ye, tɩ yãmb na bɩ n ta, la y bãng Wẽnnaam daabã sõama y sũurẽ, n yals kãenkãe.

A Titi 1:1

Maam a Poll sẽn ya Wẽnnaam tʋmtʋmda la a Zezi Kirist tẽn-tʋmd sẽn na paas Wẽnnaam nin-tũusdsã tẽebo la kɩt tɩ b bãng sɩd sẽn wat ne

Ebre rãmba 12:14

Bɩ y bao tɩ laafɩ zĩnd yãmb ne neba fãa sʋka, la y bao pʋ-peelem tɩ pʋ-peelem sã n kaẽ, ned ka tõe n yã Zu-soabã ye.

Zake 1:1

Wẽnnaam la Zu-soab a Zezi Kirist tẽn-tʋmd a zak n gʋlsd buud piig la a yiibã sẽn sãeegã, n pʋʋsd-ba.

1 Pɩyɛɛr 1:9

Bala, yãmb paama y sɩɩsã fãagr tɩ yɩ y tẽebã keoore.

1 Pɩyɛɛr 2:16

Kẽn-y wa burkĩmba, la y ra sak tɩ yãmb lohormã yɩ pʋ-toog lillidg ye. Bɩ y tʋm wa Wẽnnaam tʋmtʋmdba.

Vẽnegre 7:13

Dẽ, kãsem-dãmbã ned a yembr gomame n sok maam yaa: Neb nins sẽn yeelg fu-peelsã yaa ãnna rãmba, la b yita yɛ?