Rom Dãmba 6:19 - KÃAB-PAALGÃ KOE-NOOGO

¹⁹ Mam gomda ne ninsaalemdo, yãmb yĩngã pãn-komsmã yĩnga. Woto me, a wa yãmb sẽn dag n kõ y yĩngã wil tɩ yɩ rẽgd la tʋʋm wẽns yemse, tɩ b maan tʋʋm wẽnsã, bɩ y kõ yĩngã wil tɩ yɩ tɩrlem yemse, tɩ b tall-y n taas yɩlgr zĩigẽ.

SEBR SÕNGO

¹⁹ Y yama sẽn pa waoog yĩnga m na n dɩka ninsaal makre. Wala y sẽn dɩk y yĩnga pĩnd n kẽes yel-wẽnd yembdẽ t'a yaal zãnga, woto-me bɩ y rɩk y meng rũnna n kõ neere n lebg sõma.

WẼNNAAM SEBRE 2014

¹⁹ Mam gomda ne ninsaalemdo, yãmb yĩngã pãn-komsmã yĩnga. Woto me, a wa yãmb sẽn dag n kõ y yĩngã wil tɩ yɩ rẽgd la tʋʋm-wẽns yembse, tɩ b maan tʋʋm wẽnsã, bɩ y kõ yĩngã wil tɩ yɩ tɩrlem yembse, tɩ b tall-y n taas yɩlgr zĩigẽ.

Rom Dãmba 6:19 Iomraidhean Croise

A Matiye Sõng 4:23

A Zezi saaga Galile soolmã fãa n zãms nebã karen-dot pʋse, n moon Wẽnnaam soolem koe-noogã, n maag bãad-rãmba la koms-rãmb buud fãa sẽn be neba sʋka.

Rom Dãmba 15:1

Tõnd dãmb sẽn tar pãngã, tõnd tog n tebenda neb nins sẽn ka pãngã b pãn-komsmã pʋgẽ, la d da bao sẽn noom tõnd ye.

Rom Dãmba 3:5

La tõnd ka-tɩrlmã sã n kɩtdẽ tɩ Wẽnnaam tɩrlmã pukdẽ, tõnd na n yeelame tɩ bõe? Wẽnnaam sã n sak tɩ b sũur yiki, b yaa ka-tɩrlem soab sɩda? Mam sẽn gomda yaa ninsaalemdo.

Rom Dãmba 6:13

Da dɩk-y y yĩngã will n kɩs yel-wẽnã tɩ yɩ ka-tɩrlem tʋʋm teed ye. Kõ-y y mens Wẽnnaam, wa neb sẽn vʋʋg n yi kũum sʋk n vɩ, la y kõ Wẽnnaam y yĩngã wil tɩ yɩ tɩrlem tʋʋm teedo.

Rom Dãmba 7:23

La mam yãta tõog a to mam yĩnga wilẽ, t'a maood ne mam yam-wekrã tõogã, n kɩtd tɩ mam ya yel-wẽnã sẽn be mam yĩngã wilẽ wã tõog yamba.

Rom Dãmba 8:26

Woto me, Sɩɩgã wat n sõngda tõnd d pãn-komsmã pʋgẽ, bala, tõnd ka mi d sẽn segd n kos bũmb nins d pʋʋsg pʋgẽ ye. La Sɩɩgã meng yõkda sɛɛg ne sir ned sẽn ka tõe n togs ye.

1 Korẽnt rãmba 5:6

Bũmb ning yãmb sẽn dɩkd n waoogd y mensã ka neer ye. Yãmb ka mi tɩ rã-bɩll bilf bal kɩtedame tɩ zom-nagd tõr wuk laa?

1 Korẽnt rãmba 6:11

Yãmb neb kẽer yaool n dag n yaa a woto. La yãmb paama pekre, b kɩtame tɩ yãmb lebg sõama, b kɩtame tɩ yãmb zemse, tõnd Zu-soab a Zezi Kirist yʋʋrã maasem yĩnga, la ne tõnd Wẽnnaamã Sɩɩg pãnga.

1 Korẽnt rãmba 9:8

Dẽ yĩnga, yaa mam sẽn ya ninsaalã yĩng la m gomd a woto? Tõogã meng ka gomd a woto sɩda?

Galat Rãmba 3:15

M ba-biisi, m dɩk ninsaalb mamsgo: Ned sã n gʋls sebr n wilg a sũur gomde, a sẽn dat tɩ yɩ to-to a kũum poore, baa ne sẽn ya ninsaal n gʋlsã, ned baa a yen ka kɩɩsd gomdã wall a paas-a bũmb ye.

Ebre rãmba 12:15

Bɩ yãmb ned kam mao n da wa n mong a meng Wẽnnaam barkã ye, tɩ yẽgen-tõaag baa a yen da wa tobe, n wa ne rãmbgo, n nams neb wʋsg ye.

Ebre rãmba 4:15

Bala, tõnd ka tar maan-kʋʋd kãsem sẽn ka tõe n wʋm tõnd pãn-komsmã võor ye. Bãmb paama makr ne bũmb fãa wa tõndo, la b ka maan yel-wẽnd ye.