Rom Dãmba 6:13 - KÃAB-PAALGÃ KOE-NOOGO

¹³ Da dɩk-y y yĩngã will n kɩs yel-wẽnã tɩ yɩ ka-tɩrlem tʋʋm teed ye. Kõ-y y mens Wẽnnaam, wa neb sẽn vʋʋg n yi kũum sʋk n vɩ, la y kõ Wẽnnaam y yĩngã wil tɩ yɩ tɩrlem tʋʋm teedo.

SEBR SÕNGO

¹³ Da sak-y tɩ y yĩnga wils lebg yel-wẽnd zab-teed ye. Dɩk-y y mens n kõ Wẽnd tɩ y yaa bõn-kɩɩms sẽn lebg nin-vɩɩse. Dɩk-y y yĩnga wils n kẽ Wẽnd tãpẽ n zab sõmblem zabre.

WẼNNAAM SEBRE 2014

¹³ Da rɩk-y y yĩngã will n kɩs yel-wẽnã tɩ yɩ ka-tɩrlem tʋʋm teed ye. Kõ-y y mens Wẽnnaam, wa neb sẽn vʋʋg n yi kũum sʋk n vɩ, la y kõ Wẽnnaam y yĩngã wil tɩ yɩ tɩrlem tʋʋm teedo.

Rom Dãmba 6:13 Iomraidhean Croise

A Luk Sõng 15:24

Bala, mam bi-ribl kãnga ra kiime la a leb n vʋʋgame. A rag n menemame, la d leb n yãnd-a lame.” La bãmb sɩngame n kɩdemdẽ.

A Luk Sõng 15:32

La a zemsame tɩ tõnd maan sũ-noog n kɩdem. Bala fo yao wã fo sẽn ne wã ra kiime, la a leb n vʋʋgame. A rag n menemame, la m leb n yãnd-a lame.”

A Zã Sõng 5:24

Mam yeta yãmb sɩd-sɩd tɩ ned ning fãa sẽn kelgd mam goama, la a tẽed sẽn tʋm-a maamã a tara vɩɩm sẽn kõn sa. B ka na n sɩbg-a ye. A yii kũumẽ n kẽ vɩɩmẽ.

Rom Dãmba 1:29

Ka-tɩrlem buud fãa, la pʋ-toogo, la yão-beedo, la wẽnga, la ratem-wẽnga, la nin-kʋʋbo, la zaba, la zãmbo, la sɩlem n pid bãmba.

Rom Dãmba 12:1

Woto yĩnga, m ba-biisi, mam sagenda yãmb ne Wẽnnaam nimbãan-zoeerã tɩ y kõ y yĩnsã tɩ yɩ maan-vɩɩs sẽn welg toore, la sẽn tat Wẽnnaam yam. Yãmb sã n maan a woto, na n yɩɩ kaoreng sẽn zemse.

Rom Dãmba 6:11

Woto yĩnga, ges-y y meng wa kũum ne yel-wẽna yelle, la a wa neb sẽn vɩ Wẽnnaam yĩnga, Kirist Zezi lagem-n-taarã pʋgẽ.

Rom Dãmba 6:16

Yãmb ka mi tɩ yãmb sã n kõ-y meng neda, n na n yɩ a yamb n sak-a, yãmb sɩd yaa ned ning yãmb sẽn sakdã yamba? Yãmb tõe n yɩɩ yel-wẽnã sẽn wat ne kũumã yemse, wall sakr sẽn taasd ned tɩrlem pʋgẽ wã yemse.

Rom Dãmba 6:19

Mam gomda ne ninsaalemdo, yãmb yĩngã pãn-komsmã yĩnga. Woto me, a wa yãmb sẽn dag n kõ y yĩngã wil tɩ yɩ rẽgd la tʋʋm wẽns yemse, tɩ b maan tʋʋm wẽnsã, bɩ y kõ yĩngã wil tɩ yɩ tɩrlem yemse, tɩ b tall-y n taas yɩlgr zĩigẽ.

Rom Dãmba 7:23

La mam yãta tõog a to mam yĩnga wilẽ, t'a maood ne mam yam-wekrã tõogã, n kɩtd tɩ mam ya yel-wẽnã sẽn be mam yĩngã wilẽ wã tõog yamba.

Rom Dãmba 7:5

Bala, wakat ning yĩngã sẽn dag n so tõndã, tõogã sẽn kɩt tɩ yel-wẽnã ratem yikã dag n tʋmda tõnd yĩngã wil pʋsẽ, n kɩtdẽ tɩ tõnd womd biis sẽn wat ne kũum.

1 Korẽnt rãmba 6:15

Yãmb zɩ tɩ yãmb yĩnga yaa Kirist will laa? Dẽ wã, mam na n dɩka Kirist wilã n kɩt tɩ lebg pʋg-yoodr willi?

1 Korẽnt rãmba 6:20

Bala, b lebs n daa yãmb toogo. Woto yĩnga, waoog-y Wẽnnaam ne y yĩngã [la ne Sɩɩgã sẽn ya Wẽnnaam dẽndã].

1 Korẽnt rãmba 6:9

Yãmb zɩ tɩ neb nins sẽn maand sẽn ka zemsã ka na n paam Wẽnnaam soolem wa b rogem-pʋɩɩr laa? Da belg-y y mens ye. Tʋʋm-dẽgd maandbã, wẽn-naands pʋʋsdbã, nin-yoaadbã,

2 Korẽnt rãmba 10:4

Bala, tõnd sẽn tar zab-teed nins n zabdẽ wã ka yĩng zab-teed ye. La zab-te-kãens tara pãng Wẽnnaam nifẽ n tõe n leeb pãens rãmbã n lubi.

2 Korẽnt rãmba 5:14

Bala, Kirist nonglmã n so tõndo. Tõnd sẽn bãng vẽeneg n welg tɩ nin-yend n ki neb a fãa yĩnga, tɩ rẽ rat n yeel tɩ yaa neba fãa n ki wã.

2 Korẽnt rãmba 5:15

A Zezi kii neba fãa yĩnga, tɩ sẽn vɩ-bã kõn leb n vɩ b mens yĩng ye, la b na n vɩɩ sẽn ki-a bãmb yĩng n vʋʋg n bas kũumã yĩnga.

2 Korẽnt rãmba 8:5

Bãmb deng n dɩka b mens n kõ Zu-soabã, la b sak tõnd ne Wẽnnaam daabo. Woto yɩɩda tõnd sẽn da tẽedã.

Efɛɛz Rãmba 2:5

baa tõnd sẽn dag n ya kũum d beegrã yĩngã, Wẽnnaam kõo tõnd vɩɩm Kirist pʋgẽ. Yaa Wẽnnaam barkã yĩng la yãmb paam fãagre.

Efɛɛz Rãmba 5:14

Yaa woto yĩng n kɩt tɩ b yeel yaa: Foo! Sẽn gõe-a wã, neke! Yik n yi kũumã sʋka, la Kirist na kõ foom vẽenem sẽn kõt vɩɩm.

Filip rãmba 1:20

Wa sẽn zems mam datem la m tẽeb pidsg gũudmã, bũmb ba a yembr yãnd ka na n yõk maam ye. Moasã ne wakat fãa, mam na n goma ne pɛl-kɛgenga. Woto, Kirist na n paama waoogr mam yĩngã pʋgẽ, sã n ya mam sẽn vɩ wall m sẽn ki.

Kolos Rãmba 2:13

Pĩnda, yãmb sẽn dag n ya bɛɛgdb y kongrã ne y sẽn ka kẽ bãong y yĩngã pʋgẽ wã yĩngã, Wẽnnaam kõo yãmb vɩɩm ne Kirist n kõ tõnd beegrã fãa sugri.

Kolos Rãmba 3:5

Dẽ wã yĩnga, kɩt-y tɩ y dũni ka yalẽ wã ki. Yaa yoobo, tʋʋm-rẽgdo, wẽng maaneg ratem, datem wẽnse, la rat-wʋsgo, sẽn ya wa wẽn-naands pʋʋsgo.

2Tesalonik Rãmba 2:12

tɩ neb nins sẽn ka tẽ-b sɩdã, la sẽn nong ka tɩrlmã bʋʋd na kao.

2 Tɩmote 2:15

Nang pãng n yals Wẽnnaam taoor wa ned sẽn bɩ, tʋmtʋmd sẽn kõn sulg a zug ne yãnd ye. Yɩ ned sẽn togsd sɩd koɛɛgã ne tɩrlem.

Zake 4:1

Maoorã ne zabã sẽn be yãmb sʋkã yita yɛ, sã n ka yãmb datem sẽn maood ne taab yãmb yĩngã wil pʋsẽ wã pʋgẽ?

1 Pɩyɛɛr 2:24

Kirist meng n deeg tõnd yel-wẽnã b yĩngã pʋgẽ da-pɩkã zugu, tɩ tõnd sẽn ya wa kũum yel-wẽnã wɛɛngẽ wã, tõnd na vɩɩmd n maan tɩrlem. Yaa bãmb poglgã yĩng la yãmb paamd maagre.

1 Pɩyɛɛr 4:2

tɩ wakat ning sẽn ket yẽ sẽn na n vɩɩmd a yĩngã pʋgã, yẽnda kõn leb n vɩ wa sẽn zems ninsaal datem ye, la a na n vɩɩmda wa sẽn zems Wẽnnaam datem.

1 Zã 1:9

Tõnd sã n vẽneg n togs Wẽnnaam d yel-wẽna, bãmb yaa sɩd soaba la tɩrga tɩ maan tõnd sugr d yel-wẽna yĩnga, la b pek tõnd n yiis d tʋʋm-wẽnsã fãa.