Rom Dãmba 5:17 - KÃAB-PAALGÃ KOE-NOOGO

¹⁷ Kũum sã n bee ned a yen tãa kongrã yĩnga, neb nins sẽn dag deeg Wẽnnaam bark-kãsengã la tɩrlem kũunã kõn vɩɩmd n dɩ naam a Zezi Kirist b yen tãa maasem yĩng n yɩɩd sɩda?

SEBR SÕNGO

¹⁷ Nin-yend yel-wẽnd waa ne kũum dũni pʋgẽ la kũum lebga naaba, nin-kãng manesem yĩnga, bãng-y tɩ sẽn paam-b nin-yend kũuni, tõnd Soaal a Zezi Krista manegrã, bãmb dãmb n na n yãmb moogo.

WẼNNAAM SEBRE 2014

¹⁷ Kũum sã n bee ned a yembr tãa kongrã yĩnga, neb nins sẽn dag deeg Wẽnnaam bark-kãsengã la tɩrlem kũunã kõn vɩɩmd n dɩ naam a Zeezi Kiris b yembr tãa maasem yĩng n yɩɩd sɩda?

Rom Dãmba 5:17 Iomraidhean Croise

A Matiye Sõng 25:34

Dẽ, Rĩmã na n yeela neb nins sẽn be bãmb dɩtgã yaa: Yãmb dãmb sẽn tar m ba wã barkã, wa-y-yã! Reeg-y soolmã sẽn dag n segl yãmb yĩng hal dũni naaneg wakatã tɩ yɩ y rogem pʋɩɩre.

A Zã Sõng 10:10

Wagdr sã n wa n watẽ, yaa tɩ zu, n kʋ, la a sãame. La mam waame tɩ piisã na paam vɩɩm, la tɩ b na paam-a sõama.

Rom Dãmba 5:12

Yaa woto yĩnga, a wa yel-wẽna sẽn wa dũni ned a yembr maasem yĩngã, tɩ yel-wẽnã wa ne kũum, tɩ nebã fãa kiidẽ, b fãa sẽn maan yel-wẽnã yĩngã.

Rom Dãmba 5:15

Kũun ning sẽn kõt zaalmã yell ka wẽnd kongrã yell ye. Bala, neb wʋsg sã n kii ned a yembr beegr yĩnga, sẽn yɩɩda, Wẽnnaam kiiga b barkã, la kũun sẽn yit ned a yen bark pʋgẽ, a Zezi Kirist, neb wʋsg zut wʋsgo.

Rom Dãmba 5:20

La tõog yaool n waame tɩ kongr lebg kãsenga. La zĩig ning yel-wẽn sẽn paam pãnga, barkã paama paoosg n yɩɩda.

Rom Dãmba 6:14

Yel-wẽnã ka na n soog yãmb ye, bala, ka tõogã n leb n so yãmb ye, la yaa barkã.

Rom Dãmba 6:23

Bala, yel-wẽnã yaood yaa kũun, la kũun ning Wẽnnaam sẽn kõt zaalmã yaa vɩɩm sẽn kõn sa, tõnd Zu-soab a Zezi Kirist pʋgẽ.

Rom Dãmba 8:39

wall pãense, wall yĩngr neba, wall tẽngr neba, wall bõn-naandg a to baa a yen kõn n welg tõnd ne Wẽnnaam nonglem sẽn be tõnd Zu-soab a Kirist Zezi pʋgẽ wã ye.

1 Korẽnt rãmba 15:49

A wa tõnd sẽn tall tẽng nedã wẽnegã, tõnd na n talla arzãn nedã me wẽnego.

1 Korẽnt rãmba 4:8

Yãmb zoee n tɩgame, yãmb zoee n yaa arzegs rãmba, yãmb sɩngame n dɩt naam tɩ tõnd kaẽ ye. Wẽnd na kɩt tɩ y sɩd rɩ naam, tɩ tõnd me tõe n naag yãmb n dɩ naamã.

Filip rãmba 3:9

la m zĩnd bãmb pʋgẽ. Ka ne mam meng tɩrlem, mam sẽn sak tõog n paamã ye, la yaa ne tɩrlem ning ned sẽn paamda, a sẽn tẽed Kiristã yĩnga, tɩrlem sẽn yit Wẽnnaam nengẽ, la sẽn paamd ne tẽebo.

1 Tɩmote 1:14

La mam paama tõnd Zu-soabã barkã, n paas tẽeb la nonglem sẽn be a Zezi Kirist pʋgẽ.

2 Tɩmote 2:12

Tõnd sã n nang pãnga, tõnd na n dɩɩ naam ne bãmba. Tõnd sã n yeel tɩ d ka mi bãmba, bãmb me na yeel tɩ b ka mi tõnd ye.

Zake 2:5

M ba-bi-nongdse, kelg-y-yã! Dẽ yĩnga, Wẽnnaam ka tũus neb nins dũni sẽn get wa naong rãmbã n kɩt tɩ b yɩ arzegs rãmba la b na n soog soolem ning bãmb sẽn kãab neb nins sẽn nong-b bãmbã yĩng sɩda?

1 Pɩyɛɛr 2:9

La yãmb yẽ, yãmb yaa buud b sẽn tũusi, la naam maan-kʋʋdba, la buud sẽn welg toor Wẽnnaam yĩnga, neb Wẽnnaam sẽn da tɩ y moon n wilg sẽn bool-a yãmb n yiis likã pʋgẽ, n kẽes-y vẽenem sẽn be ziirã pʋgã tʋʋm sõama wã.

Vẽnegre 1:6

n yiis d yel-wẽna, n maan tõnd tɩ d lebg soolem maan-kʋʋdb bãmb ba a Wẽnnaam yĩngã, bãmb n tog ne ziiri la pãng zamaan o zamaane! Ãmina!

Vẽnegre 20:4

Mam yãa naam-gɛyã. La b kõo neb nins sẽn zĩnd gɛyã zutã noor tɩ b bʋ bʋʋdo. La mam yãa neb nins b sẽn fiuus b zut a Zezi kasetã ne Wẽnnaam goamã yĩngã sɩɩse, la neb nins sẽn dag n ka wõgemd rũngã wall a bõn-naandgã taoore, la b ka reeg bãndã b rĩyẽ wall b nusã zutã sɩɩse. Bãmb vʋʋgame n dɩ naam ne Kirist yʋʋm tusri.

Vẽnegre 20:6

Neb nins sẽn naag n paam dẽenem vʋʋgrã tara bark la sõmblem. Kũum a yiib soabã ka tar b tʋʋmd ye. Bãmb na n yɩɩ Wẽnnaam ne Kiristã maan-kʋʋdba, la b na n dɩɩ naam ne Kiristã yʋʋm tusri.

Vẽnegre 22:5

Yʋng kõn le zĩnd ye, la nebã kõn dat fɩtl vẽenem wall wĩntoog vẽenem ye, bala, Zu-soab a Wẽnnaam n na n yɩɩ bãmb vẽenem. La bãmb na n dɩɩ naam zamaan o zamaana.

Vẽnegre 3:21

Mam na n kɩtame tɩ ned ning sẽn tõogã zĩnd ne maam mam geerã zug wa mam sẽn tõoge, n zao ne m ba b geerã zugã.”