Rom Dãmba 5:15 - KÃAB-PAALGÃ KOE-NOOGO

¹⁵ Kũun ning sẽn kõt zaalmã yell ka wẽnd kongrã yell ye. Bala, neb wʋsg sã n kii ned a yembr beegr yĩnga, sẽn yɩɩda, Wẽnnaam kiiga b barkã, la kũun sẽn yit ned a yen bark pʋgẽ, a Zezi Kirist, neb wʋsg zut wʋsgo.

SEBR SÕNGO

¹⁵ Kũun sẽn kõt to-to, la beegr sẽn beegd to-to ka a ye ye. Nin-yend beegr waa ne neb ka tɛk kũum, bãng-y tɩ Wẽnd kũuna b sẽn ning Krista b yembra nugẽ, kũun kãnga b sudg-a la zembala, ne yamleoogo, neb ka tɛk zutu.

WẼNNAAM SEBRE 2014

¹⁵ Kũun ning sẽn kõt zaalmã yell ka wẽnd kongrã yell ye. Bala, neb wʋsg sã n kii ned a yembr beegr yĩnga, sẽn yɩɩda, Wẽnnaam kiiga b barkã, la kũun sẽn yit ned a yembr bark pʋgẽ, a Zeezi Kirisi, neb wʋsg zut wʋsgo.

Rom Dãmba 5:15 Iomraidhean Croise

A Matiye Sõng 20:28

Yaa woto yĩng la Ninsaal Bi-riblã wayã. Ka tɩ nebã na sõng bãmb ye, la yaa tɩ sõng nebã, la tɩ kõ b vɩɩm, n yao n fãag neb wʋsgo.

A Matiye Sõng 26:28

bala, yõwã yaa mam zɩɩm, kãab-paalgã zɩɩm sẽn daag neb wʋsg yĩnga, yel-wẽna sugr yĩnga.

A Zã Sõng 3:16

Bala, Wẽnnaam nonga dũni wã hal wʋsgo, n kõ b Bi-ribl yen tãa wã, tɩ ned ning fãa sẽn na tẽ n bãmb kõn sãam ye, la a na paam vɩɩm sẽn kõn sa.

A Zã Sõng 4:10

A Zezi leok-a lame n yeele: Fo sã n dag n miẽ bũmb nins Wẽnnaam sẽn kõtã, la f mi ned ning sẽn kot-a foom koomã n na n yũ wã, yaa foom n dag n na n kos-a, la a dag n na n kõo foom ko-bundga.

Tʋʋma 15:11

La tõnd tẽedame tɩ yaa Zu-soab a Zezi barkã yĩng n kɩt tɩ tõnd paam fãagr wala bãmb me sẽn paam to-to wã.

Rom Dãmba 5:12

Yaa woto yĩnga, a wa yel-wẽna sẽn wa dũni ned a yembr maasem yĩngã, tɩ yel-wẽnã wa ne kũum, tɩ nebã fãa kiidẽ, b fãa sẽn maan yel-wẽnã yĩngã.

Rom Dãmba 6:23

Bala, yel-wẽnã yaood yaa kũun, la kũun ning Wẽnnaam sẽn kõt zaalmã yaa vɩɩm sẽn kõn sa, tõnd Zu-soab a Zezi Kirist pʋgẽ.

2 Korẽnt rãmba 5:14

Bala, Kirist nonglmã n so tõndo. Tõnd sẽn bãng vẽeneg n welg tɩ nin-yend n ki neb a fãa yĩnga, tɩ rẽ rat n yeel tɩ yaa neba fãa n ki wã.

2 Korẽnt rãmba 9:15

Bark Wẽnnaam, bãmb kũuna noor sẽn ka tõe n togsa yĩnga.

Efɛɛz Rãmba 2:8

Sɩd me, yaa Wẽnnaam barkã yĩng la yãmb paam fãagr tẽeb yĩnga. Yãmb sẽn paam fãagrã, ka ne y mens pãng ye, yaa Wẽnnaam kũuni.

Ebre rãmba 2:9

A Zezi, soab ning Wẽnnaam sẽn kɩt tɩ wakat bilf pʋgẽ b ka ta malegsã, tõnd geta bãmb ne yamleoogo, bãmb sẽn paam ziir la waoogre, kũum ning b sẽn nams n ki wã yĩnga. Woto, Wẽnnaam nimbãan-zoeerã yĩnga, a Zezi lemba kũum tõnd fãa sõngr yĩnga.

1 Zã 2:2

B talla a Zezi meng n maan maoong tõnd yel-wẽna sugr kũun yĩnga, la ka tõnd bal yel-wẽnã yĩng ye, la dũni neba fãa me yel-wẽna yĩnga.

1 Zã 5:11

Kaset kãng la woto: Wẽnnaam kõo tõnd vɩɩm sẽn kõn sa, la vɩ-kãng bee b Bi-riblã pʋgẽ.