Rom Dãmba 5:11 - KÃAB-PAALGÃ KOE-NOOGO

¹¹ Sẽn yɩɩd rẽ yɛsa, tõnd maanda sũ-noog Wẽnnaam pʋgẽ, tõnd Zu-soab a Zezi Kirist maasem yĩnga, soab ning sẽn wa ne zemsg tõnd ne Wẽnnaam sʋk moasã wã.

SEBR SÕNGO

¹¹ La ka rẽnd bal ye, bũmb n le kɩt tɩ d kɩdemd Wẽnnaam taoore, yaa Krista sẽn sõng tɩ d zoe n be manegr pʋgẽ dũnna-rũnna.

WẼNNAAM SEBRE 2014

¹¹ Sẽn yɩɩd rẽ yɛsa, tõnd maanda sũ-noog Wẽnnaam pʋgẽ, tõnd Zu-soab a Zeezi Kiris maasem yĩnga, soab ning sẽn wa ne zemsg tõnd ne Wẽnnaam sʋk moasã wã.

Rom Dãmba 5:11 Iomraidhean Croise

A Luk Sõng 1:46

La a Maari yeelame yaa: Mam sɩɩgã pẽgda Zu-soabã,

A Zã Sõng 1:12

La b kõo neb nins fãa sẽn deeg bãmba, la neb nins sẽn tẽed bãmb yʋʋrã noor tɩ b lebg Wẽnnaam kamba.

Rom Dãmba 11:15

Bala, b sẽn bas bãmb kɛɛngã sã n kɩtame tɩ dũni paam yel-manegr ne Wẽnnaam, b sẽn na n leb n deeg bãmbã na n yɩɩ a wãnã? A kõn yɩ vʋʋg n bas kũum sɩda?

Rom Dãmba 2:17

Fo boonda f meng tɩ Zuif, n teegd tõogã, n waoogd f menga, f sẽn ya wẽn-tũudã yĩngã.

Rom Dãmba 5:1

Dẽ, tõnd sẽn paam zemsg tẽeb yĩngã, tõnd tara zems-n-taar ne Wẽnnaam tõnd Zu-soab a Zezi Kirist maasem yĩnga.

Rom Dãmba 5:10

Bala, sã n yaa tɩ tõnd sẽn dag n ket n ya bɛɛbã, tõnd yellã ne Wẽnnaamã paama yiisg Bãmb Bi-riblã kũum yĩnga, moasã yellã sẽn sa wã, tõnd kõn paam fãagr bãmb vɩɩmã yĩng n yɩɩd sɩda?

Rom Dãmba 5:3

La sẽn yɩɩd rẽnda, tõnd maanda sũ-noog baa namsg pugẽ, tõnd sẽn mi tɩ namsgã wata ne sũ-mare,

Rom Dãmba 8:23

Sẽn yɩɩda, tõnd mensã sẽn zoe n paam Sɩɩgã reng-n-lɛmbgã, tõnd me wẽeda sir d pʋsẽ, n gũud wakat ning Wẽnnaam sẽn na n deeg tõnd n maan b kambã, la d gũud tɩ b yols tõnd yĩngã n baase.

Rom Dãmba 9:10

Sẽn yɩɩda, yɩɩ woto me ne a Rebeka, sẽn tall tõnd ba a Izak bal pʋgã.

1 Korẽnt rãmba 10:16

Bark bõn-yũudlã tõnd sẽn ningd barkã, a ka kɩted tɩ tõnd paam lagem-n-taar ne Kirist zɩɩmã sɩda? Burã tõnd sẽn kaoodã, a ka kɩted tɩ tõnd paam lagem-n-taar ne Kirist yĩngã sɩda?

2 Korẽnt rãmba 8:19

Sẽn yɩɩd fãa, a Zezi tẽedbã yãka yẽnda t'a yãag tõnd sõngr-tʋʋm-kãnga pʋgẽ, tõnd sẽn tʋmd Zu-soaba meng waoogr yĩnga, la tɩ yɩ kaset tɩ tõnd tara ratem tɩ maan ne d sũyã fãa.

Galat Rãmba 4:9

La mosã, yãmb sẽn bãng Wẽnnaamã, la sẽn yɩɩd fãa Wẽnnaam sẽn bãng yãmbã, yɩta a wãn tɩ yãmb leb n kẽed dũni bõn-kãensã sẽn ka pãnga la sẽn ka yõodã, n na n le lebg b yemse?

Galat Rãmba 5:22

La Sɩɩg-sõng bilã yaa nonglem, la sũ-noogo, la bãane, la sũ-mare, la sõmblem, la maan-neere, la maan-sɩda, la bʋgsem, la yõk-m-menga.

Filip rãmba 3:1

La koɛɛg sẽn keta m ba-biisi, maan-y sũ-noog Zu-soaba tũudum pʋgẽ. Mam ka yɛɛd tɩ leb n gʋls yãmb bõn-kãens ye. La yaa yãmb sõngr yĩnga.

Filip rãmba 3:3

Bala, tõnd sẽn waoogd Wẽnnaam ne Sɩɩg-sõng pãnga, n maand sũ-noog a Zezi Kirist pʋgẽ, n ka teegd yĩngã tʋʋmã, yaa tõnd la zũins sɩd-sɩda.

Filip rãmba 4:4

Maan-y sũ-noog daar fãa Zu-soabã tũudum pʋgẽ. Mam leb n yetame, maan-y sũ-noogo.

Kolos Rãmba 2:6

Woto yĩnga, yãmb sẽn deeg Zu-soab a Zezi Kiristã, kẽn-y ne bãmba.

1 Pɩyɛɛr 1:8

Baa ne yãmb sẽn nan ka yã a Zezi Kiristã, yãmb nonga bãmba. Baa yãmb sẽn nan ka yã bãmbã, yãmb tẽeda bãmba, n maand sũ-noog noor sẽn ka tõe n togse, la sẽn tar ziiri.