Rom Dãmba 4:6 - KÃAB-PAALGÃ KOE-NOOGO

⁶ Woto me, a Daviid yetame tɩ ned ning Wẽnnaam sẽn kõt tɩrlem t'a ka tʋm bũmbã tara sũ-noogo. A yeelame:

SEBR SÕNGO

⁶ Pʋsẽ yaa rẽ yĩng la a Daviid boond tɩ zu-noog soaba ned ning Wẽnd sẽn maneg a soab yelle tɩ ka tũ ne a tʋʋm manesem:

WẼNNAAM SEBRE 2014

⁶ Woto me, a Davɩɩd yetame tɩ ned ning Wẽnnaam sẽn kõt tɩrlem t'a ka tʋm bũmbã tara sũ-noogo. A yeelame:

Rom Dãmba 4:6 Iomraidhean Croise

A Matiye Sõng 25:19

Kaoosg pʋgẽ, tʋmtʋmd-kãens zu-soabã waame n zĩnd ne-b n na n geele.

Rom Dãmba 1:17

Sɩd me, Wẽnnaam tɩrlmã pukda be ne tẽebo, la tẽeb yĩnga, wa b sẽn gʋlsã: Nin-tɩrg na vɩ ne tẽebo.

Rom Dãmba 3:27

Woto yĩngã, bõe pʋgẽ la ned tõe n waoog a menga? Bũmb ka be ye. Ne tõ-bʋgo? Ne tʋʋm tõogo? Ayo! La yaa ne tẽeb tõogo.

Rom Dãmba 4:11

La b reega bãongã kõom sẽn ya bãnd sẽn wilg t'a paama tɩrlem tẽeb yĩnga, la rẽ tɩ b ket n yaa moaaga. Woto, b yaa nebã fãa sẽn tẽedã ba, tɩ baa ne b sẽn ka kẽ bãongã, bɩ Wẽnnaam geelg-b tɩrlmã.

Rom Dãmba 4:24

la yaa tõnd me yĩnga. B na n geelga tõnd tẽebã wa tɩrlem, tõnd sẽn tẽed a soab sẽn vʋʋg tõnd Zu-soab a Zezi tɩ b yi kũum sʋkã,

Rom Dãmba 4:5

Sã n yaa ne ned ning sẽn ka tʋm-a, la a yaool n tẽ soab ning sẽn kɩtd tɩ wẽng maand lebg tɩrgã, b geta a soabã wa nin-tɩrga a tẽebã yĩnga.

Rom Dãmba 4:7

Bark bee neb nins b yel-wẽnã sẽn paam sugrã, tɩ b yel-wẽnã paam ludbã zutu.

Rom Dãmba 4:9

Sũ-no-kãng yaa zũinsã yĩng bal bii, bɩ yaa ne moosã me? Bala, tõnd yetame yaa: Ne a Abraham, b geelga b tẽebã wa tɩrlem.

1 Korẽnt rãmba 1:30

Yaool n yaa Wẽnnaam n kɩt tɩ yãmb be Kirist Zezi pʋgẽ, Wẽnnaam kɩtame tɩ Kirist lebg tõnd yam, la d tɩrlem, la d welg-toore, la d fãagre,

2 Korẽnt rãmba 5:21

Wẽnnaam kɩtame tɩ Kirist sẽn ka maan yel-wẽna lebg yel-wẽn tõnd yĩnga, tɩ tõnd tõe n lebg nin-tɩrs Kirist pʋg Wẽnnaam taoore.

Galat Rãmba 3:14

Woto, a Abraham barkã na n zĩnda a Zezi Kirist pʋgẽ bu-zẽmsã yĩnga, la ne tẽebo, bɩ tõnd deeg Sɩɩgã Wẽnnaam sẽn kãabã.

Galat Rãmba 4:15

La yaa bõe n wa ne yãmb sũ-noogã? Bala, mam kɩta yãmb kaset n yetẽ tɩ yãmb sã n dag n tõeẽ, y dag n na yãgs y ninã n kõ maam.

Efɛɛz Rãmba 1:3

Pẽgr Wẽnnaam sẽn ya tõnd Zu-soab a Zezi Kirist ba wã! Bãmb sẽn kõ tõnd Sɩɩg-sõng bark buud fãa sẽn yit yĩngri, Kirist maasem yĩngã.

Filip rãmba 3:9

la m zĩnd bãmb pʋgẽ. Ka ne mam meng tɩrlem, mam sẽn sak tõog n paamã ye, la yaa ne tɩrlem ning ned sẽn paamda, a sẽn tẽed Kiristã yĩnga, tɩrlem sẽn yit Wẽnnaam nengẽ, la sẽn paamd ne tẽebo.

2 Tɩmote 1:9

Yaa bãmb n fãag tõndo, la b bool tõnd bool-sõngo. La ka tõnd tʋʋm yĩng ye, yaa bãmb mengã tʋlsem la bark ning b sẽn maan tõnd a Zezi Kirist pʋgẽ hal sẽn deng wakat sẽn ka sɩngrã wakatã yĩnga.

Zake 2:18

La nina na n yeelame: Fo tara tẽebo, la mam tʋmdame. Wilg maam f tẽeb tɩ tʋʋm ka tũ ye, la mam na n talla m tʋʋma n wilg foom m tẽebo.

2 Pɩyɛɛr 1:1

Maam a Sɩmo Pɩyɛɛr sẽn ya a Zezi Kirist yamba, la b tẽn-tʋmdã n tʋmd seb-kãnga neb nins sẽn paam tẽeb sẽn tar yõod wa tõnd dẽnda nengẽ. Yaa tõnd Wẽnnaamã ne d Fãagd a Zezi Kirist tɩrlem tʋʋmdã maasem yĩng la d paam-a.