Rom Dãmba 3:5 - KÃAB-PAALGÃ KOE-NOOGO

⁵ La tõnd ka-tɩrlmã sã n kɩtdẽ tɩ Wẽnnaam tɩrlmã pukdẽ, tõnd na n yeelame tɩ bõe? Wẽnnaam sã n sak tɩ b sũur yiki, b yaa ka-tɩrlem soab sɩda? Mam sẽn gomda yaa ninsaalemdo.

SEBR SÕNGO

⁵ Tõnd wẽnema sã n pukd Wẽnd sõmblem, koe bʋg la d le tara? D na tõog n le yeel tɩ Wẽnd ka maan neere b sã n bas tɩ b sũ-puura yõog-do? Ad-y yaa ninsaal zʋbsgo la m na n zʋbse.

WẼNNAAM SEBRE 2014

⁵ La tõnd ka-tɩrlmã sã n kɩtdẽ tɩ Wẽnnaam tɩrlmã pukdẽ, tõnd na n yeelame tɩ bõe? Wẽnnaam sã n sak tɩ b sũur yiki, b yaa ka-tɩrlem soab sɩda? Mam sẽn gomda yaa ninsaalemdo.

Rom Dãmba 3:5 Iomraidhean Croise

Rom Dãmba 12:19

M zo-nongdse, da rok-y y sũy y toor ye. Bas-y tɩ sũ-yikrã maan a tʋʋmde. Bala, b gʋlsame yaa: Zu-soabã yetame tɩ sũ-dokr yaa bãmb n so, la yaa bãmb n na n keo nebã.

Rom Dãmba 2:5

La ne fo sũurã riglingã la f sũurã sẽn ka baood tekrã, fo tigsda sũ-puugr n bĩngd f meng Wẽnnaam sũ-puugrã daar yĩnga, daar ning bãmb bʋ-kaoorã sẽn zemsã sẽn na n pukã,

Rom Dãmba 3:19

Tõnd yaool n miime tɩ bũmb ning fãa tõogã sẽn yetã, a yeta neb nins fãa sẽn loe ne tõogã, tɩ noyã fãa na mume, tɩ nebã na bãng tɩ Wẽnnaam nifẽ, nebã fãa yaa bɛɛgdba.

Rom Dãmba 3:7

La sã n yaa tɩ ne mam zĩrĩ wã Wẽnnaam sɩdã pukdame n paasde tɩ ya bãmb waoogre, bõe tɩ b na n leb n kao mam bʋʋd wa yel-wẽn maanda?

Rom Dãmba 4:1

Dẽ yĩnga, tõnd na n goma d yĩng yaab a Abraham yell n yeel tɩ bõe? Bõe la b paam-yã?

Rom Dãmba 5:8

Wakat ning tõnd sẽn dag n ket n ya yel-wẽn maandba, Kirist kii tõnd yĩnga, la ne rẽnda, Wẽnnaam wilga b nonglem tõnd yĩnga.

Rom Dãmba 6:1

Dẽ, tõnd na n yeelame tɩ bõe? Tõnd na n kell n paa yel-wẽnã pʋgẽ tɩ barkã paam paoosgo?

Rom Dãmba 6:19

Mam gomda ne ninsaalemdo, yãmb yĩngã pãn-komsmã yĩnga. Woto me, a wa yãmb sẽn dag n kõ y yĩngã wil tɩ yɩ rẽgd la tʋʋm wẽns yemse, tɩ b maan tʋʋm wẽnsã, bɩ y kõ yĩngã wil tɩ yɩ tɩrlem yemse, tɩ b tall-y n taas yɩlgr zĩigẽ.

Rom Dãmba 7:7

Dẽ, tõnd na n yeelame tɩ bõe? Tõogã yaa yel-wẽnd la? Yaa vẽeneg tɩ ayo. La mam ka bãng yel-wẽn sẽn ya bũmb ninga, sã n ka tõogã maasem yĩng ye. Tõogã sã n dag n ka yeelẽ tɩ: Da maan sũ-kiir ye, mam dag n kõn bãng sũ-kiir sẽn yaa a soab ye.

Rom Dãmba 8:31

Dẽ, tõnd na n yeelame tɩ bõe ne yel-kãnga? Wẽnnaam sã n bee ne tõndo, ãnna n tõe n zab ne tõndo?

Rom Dãmba 9:30

Dẽ, tõnd na n yeelame tɩ bõe? Bu-zẽmsã, sẽn dag n ka baood-b tɩrlmã paama tɩrlem, tɩrlem ning tẽeb sẽn kõtã.

1 Korẽnt rãmba 15:32

Sã n yaa ninsaalb gesg yĩng la mam mao ne we-rũms Efɛɛsã, a yõod yaa bõe ne maam? Sã n yaa tɩ kũum ka vʋʋgda, bɩ d dɩ la d yũ. Bala, beoogo, d na n kiime.

1 Korẽnt rãmba 9:8

Dẽ yĩnga, yaa mam sẽn ya ninsaalã yĩng la m gomd a woto? Tõogã meng ka gomd a woto sɩda?

2 Korẽnt rãmba 6:4

La bũmb fãa pʋga tõnd wilgdame tɩ tõnd yaa Wẽnnaam tʋmtʋmdba, n maand sũ-mar wʋsg namsgã pʋgẽ, la naongã pʋgẽ, la sũ-sãamsã pʋgẽ,

2 Korẽnt rãmba 7:11

La ad sũ-sãoong ninga sẽn yit Wẽnnaam nengẽ wã sẽn modg yãmb tɩ y maan bũmb ninsi: A kɩtame tɩ y yiis yell y mens zutu, a waa ne sũ-pa-noaanga, a waa ne rabeem, a waa ne ratem kãsenga, a waa ne yamleoogo, a waa ne sɩbgre. Bũmba fãa pʋgẽ, yãmb wilgame tɩ y ka tar yell yel-kãnga pʋg ye.

Galat Rãmba 2:18

Bala, bũmb nins mam sẽn yeel tɩ b ka sõngdã, mam sã n wẽnemd n yeel tɩ b sõngdame, rẽnd mam lebga m meng kɩɩsda.

Galat Rãmba 3:15

M ba-biisi, m dɩk ninsaalb mamsgo: Ned sã n gʋls sebr n wilg a sũur gomde, a sẽn dat tɩ yɩ to-to a kũum poore, baa ne sẽn ya ninsaal n gʋlsã, ned baa a yen ka kɩɩsd gomdã wall a paas-a bũmb ye.

Vẽnegre 15:3

Bãmb yɩɩnda Wẽnnaam tʋmtʋmd a Moyiis yɩɩllã, la Pe-bilã yɩɩlle: Zu-soab a Wẽnnaam sẽn Tõeya fãa, yãmb tʋʋmã yaa kãsemse la b bee neere! Soolem dãmba rĩma, yãmb tʋʋmã zemsame la b yaa sɩda.

Vẽnegre 18:20

Arzãna, maan sũ-noog ne bũmb ning sẽn paam-a wã. Yãmb me sẽn welg toor Wẽnnaam yĩnga, la tẽn-tʋmdba la Wẽnnaam no-rɛɛsdbã, maan-y sũ-noogo. Bala Wẽnnaam sẽn kao tẽngã bʋʋdã, b roka yãmb sũuri.