Rom Dãmba 3:4 - KÃAB-PAALGÃ KOE-NOOGO

⁴ Yaa vẽeneg tɩ ayo. Nebã tog n bãngame tɩ baa ninsaalbã fãa sã n yagda zĩrĩ, Wẽnnaam yaa sɩd-soaba, wa b sẽn gʋlsã: Tɩ ne yãmb goama, b na mik tɩ yãmb yaa tɩrga, la tɩ yãmb bʋʋda kaoob wakate, bɩ y paam tõogre.

SEBR SÕNGO

⁴ Ka boto ye! Wala sẽn gʋlse, yaa tɩlɛ tɩ Wẽnd pa b sɩd zĩigẽ tɩ ninsaal pa a zirẽ-beedẽ; la rẽ me la lebg pakre tɩ f gom n yiis f meng yellẽ la f gom n yiis f meng bʋʋdẽ.

WẼNNAAM SEBRE 2014

⁴ Yaa vẽeneg tɩ ayo. Nebã tog n bãngame tɩ baa ninsaalbã fãa sã n yagda zĩrẽ, Wẽnnaam yaa sɩd-soaba, wa b sẽn gʋlsã: Tɩ ne yãmb goamã, b na mik tɩ yãmb yaa tɩrga, la tɩ yãmb bʋʋda kaoob wakate, bɩ y paam tõogre.

Rom Dãmba 3:4 Iomraidhean Croise

A Matiye Sõng 11:19

Ninsaal Bi-riblã sẽn wa, b rɩtame la b yũuda, tɩ nebã yetẽ tɩ b yaa yão-be-neda, la rã-yũuda, la yaood-dɛɛgdb ne yel-wẽn maandb zoa. Yam biis n wilgd t'a yaa tɩrga.

A Luk Sõng 20:16

A na n waame, n sãam koaadb-kãense, la a rɩk pʋʋgã n peng koaadb a taaba. La nebã sẽn wʋm bõn-kãnga, b yeelame tɩ: Bɩ ra yɩ a woto ye.

A Zã Sõng 3:33

Ned sã n deeg bãmb kasetã, a soabã wilgdame tɩ Wẽnnaam yeta sɩda.

Rom Dãmba 11:1

Dẽ, mam sokdame yaa: Wẽnnaam zãgsa b nebã laa? Yaa vẽeneg tɩ b ka zãgs-b ye. Bala, mam me yaa Israyɛl neda, a Abraham yagenga, a Bɛnzame buudu.

Rom Dãmba 11:11

Dẽ, mam sokdame yaa: B lakame n na n lʋɩ? Yaa vẽeneg tɩ ka a woto ye. La bãmb lʋɩɩsã wa ne bu-zẽmsã fãagre, tɩ sũ-kiir na yõk Israyɛl nebã.

Rom Dãmba 3:31

Woto wã, dẽ yĩnga tõnd dɩkda tẽebã n kiisd tõogã la? Yaa vẽeneg tɩ ayo. Ka woto ye: tõnd wilgdame tɩ tõogã yaa sõama.

Rom Dãmba 6:15

La yaa bõe? Dẽ yĩnga, tõnd na n maanda yel-wẽnã, tõog sẽn ka so tõndo, la yaa barkã yĩnga? Yaa vẽeneg tɩ ayo.

Rom Dãmba 6:2

Yaa vẽeneg tɩ ayo. Tõnd sẽn ya wa kũum ne yel-wẽna yellã, tõnd na n leb n yɩɩ a wãn n vɩ yel-wẽn pʋgẽ?

Rom Dãmba 7:13

Dẽ yĩngã, bũmb ning sẽn ya sõama wã lebga kũum mam yĩnga? Yaa vẽeneg tɩ ayo. La sẽn na yɩlg tɩ yel-wẽn puk a meng n wilg t'a yaa yel-wẽnã, a talla bõn-sõng n wa ne mam kũum, tɩ tõogã maasem yĩnga nebã na yã tɩ yaa yel-wẽn kãseng tɩ looge.

Rom Dãmba 7:7

Dẽ, tõnd na n yeelame tɩ bõe? Tõogã yaa yel-wẽnd la? Yaa vẽeneg tɩ ayo. La mam ka bãng yel-wẽn sẽn ya bũmb ninga, sã n ka tõogã maasem yĩng ye. Tõogã sã n dag n ka yeelẽ tɩ: Da maan sũ-kiir ye, mam dag n kõn bãng sũ-kiir sẽn yaa a soab ye.

Rom Dãmba 9:14

Dẽ, tõnd na n yeelame tɩ bõe? Dẽ yĩnga, ka-tɩrlem bee Wẽnnaam pʋgẽ laa? Yaa vẽeneg tɩ ka ye.

1 Korẽnt rãmba 6:15

Yãmb zɩ tɩ yãmb yĩnga yaa Kirist will laa? Dẽ wã, mam na n dɩka Kirist wilã n kɩt tɩ lebg pʋg-yoodr willi?

2 Korẽnt rãmba 1:18

Sã n ya sɩd me tɩ Wẽnnaam yaa sɩd soaba, koɛɛg ning tõnd sẽn gom ne yãmba ka yɩ n-ye n leb n ya ayo ye.

Galat Rãmba 2:17

La tõnd sẽn baood tɩ Kirist kɩt tɩ tõnd yɩ tɩrsã, b sã n mik tɩ tõnd me yaa yel-wẽn maandb wa bu-zẽmsã, dẽ, Kirist yaa yel-wẽna tʋmtʋmd laa? Yaa vẽeneg tɩ ka a woto ye.

Galat Rãmba 2:21

Mam ka tõdgd Wẽnnaam barkã ye. Bala, sã n dag n yaa ne tõog la ned paamd tɩrlem, dẽnd Kiristã kii zaalem.

Galat Rãmba 6:14

La ne maam, yaa vẽeneg tɩ ka a woto ye. Mam ka na n waoog m meng ne bũmb a to tɩ ka ne tõnd Zu-soab a Zezi Kirist da-pɩkã ye. Ne maam, da-pɩkã yĩnga dũni wã yaa wa kũum, la ne dũni wã, mam me yaa wa kũum.

1 Tɩmote 3:16

Ned ka tõe n kɩɩs tɩ wẽn-tũudbã yel-soalmã yaa bõn-kãseng ye. Kirist, soab ning sẽn dɩk yĩng tɩ neb yã-a wã, soab ning Sɩɩg-sõng sẽn kɩs a kaset sõngã, b puka b meng ne malegsã, neb moona b yellã buud toay-toayã sʋka, la tẽng zug ka, neb tẽ-b lame, la b paama zẽkre, la ziiri.

A Titi 1:2

Wẽn-tũudum, n paam tẽeb pidsg gũudem ne vɩɩm sẽn kõn sa wã, Wẽnnaam sẽn ya sɩd soabã sẽn dag n kãab hal tɩ dũni nan ka naana.

Ebre rãmba 6:18

Yɩɩ a woto tɩ ne bũmb a yiibã sẽn ka na n viigã, la Wẽnnaam sẽn ka tõe n yag zĩri b pʋgẽ wã, bɩ tõnd paam raood paoosg wʋsgo. Bala, zĩig a yen tãa tõnd sẽn tõog n kẽ n paam põsã, yaa d sẽn gãd saag-sõng ning Wẽnnaam sẽn da kõt tõndã.

1 Zã 5:10

Ned ning sẽn tẽed Wẽnnaam Bi-riblã tara kaset kãngã a meng pʋgẽ. Ned ning sẽn ka tẽed Wẽnnaam, a maanda bãmb tɩ b yɩ wa zĩrĩ yagda yẽ sẽn ka tẽed kaset ninga Wẽnnaam sẽn kɩs b Bi-riblã wɛɛngẽ wã yĩnga.

1 Zã 5:20

Tõnd miime me tɩ Wẽnnaam Bi-riblã waame, la b kõo tõnd bãngr tɩ d bãng soab ning sẽn yaa sɩdã. La tõnd bee sẽn ya-a sɩdã pʋgẽ, b Bi-ribl a Zezi Kirist maasem yĩnga. Yaa bãmb la Wẽnnaam sɩd-sɩda la vɩɩm sẽn kõn sa.

Vẽnegre 3:7

Gʋls Filadɛlfi wẽnd-doogã gũud n yeel-a yaa: Ad bũmb sõmblem soabã, sɩd soabã, sẽn tar-a a Daviid kʋɩlen-bilã, soab ning sẽn pakd tɩ ned ka tõe n pagã, soab ning sẽn pagd tɩ ned ka tõe n pakã sẽn yeta: