Rom Dãmba 3:31 - KÃAB-PAALGÃ KOE-NOOGO

³¹ Woto wã, dẽ yĩnga tõnd dɩkda tẽebã n kiisd tõogã la? Yaa vẽeneg tɩ ayo. Ka woto ye: tõnd wilgdame tɩ tõogã yaa sõama.

SEBR SÕNGO

³¹ Dɩlla tẽeb yãkda Noora bark bɩ? Ayoo! A kõt-a lame.

WẼNNAAM SEBRE 2014

³¹ Woto wã, dẽ yĩnga tõnd dɩkda tẽebã n kiisd tõogã la? Yaa vẽeneg tɩ ayo. Ka woto ye, tõnd wilgdame tɩ tõogã yaa sõama.

Rom Dãmba 3:31 Iomraidhean Croise

A Matiye Sõng 15:6

Woto, yãmb kɩtdame tɩ Wẽnnaam goamã lebg zaalem tɩ yãmb miningã reeg zĩiga.

A Matiye Sõng 3:15

A Zezi leoka yẽ yaa: Bas tɩ yɩ a woto, bala a zemsame tɩ tõnd pids bũmb nins fãa sẽn ya tɩrse. La a Zã ka kɩɩs bãmb yɛs ye.

A Matiye Sõng 5:17

Da tags-y tɩ mam waame n na n sãam tõogã ne Wẽnnaam no-rɛɛsdbã noy ye. Mam ka wa n na n sãam-b ye, la yaa tɩ pids-ba.

A Matiye Sõng 5:20

Tɩ bõe, mam yeta yãmb tɩ yãmb tɩrlmã sã n ka yɩɩg tõog karen-saam-dãmbã ne Fariisẽ-dãmba tɩrlem, yãmb kõn kẽ arzãn soolmẽ ye.

A Luk Sõng 20:16

A na n waame, n sãam koaadb-kãense, la a rɩk pʋʋgã n peng koaadb a taaba. La nebã sẽn wʋm bõn-kãnga, b yeelame tɩ: Bɩ ra yɩ a woto ye.

Rom Dãmba 10:4

Bala, Kirist yaa tõogã baoosg zĩiga, tɩ ned ning fãa sẽn tẽed na paam tɩrlem.

Rom Dãmba 2:20

n ya ka-yam dãmbã zãmsdã, la kamb karen-saambã, yaa tɩ fo tẽedame tɩ f tara bãngr la sɩd sor tõogã pʋgẽ.

Rom Dãmba 3:4

Yaa vẽeneg tɩ ayo. Nebã tog n bãngame tɩ baa ninsaalbã fãa sã n yagda zĩrĩ, Wẽnnaam yaa sɩd-soaba, wa b sẽn gʋlsã: Tɩ ne yãmb goama, b na mik tɩ yãmb yaa tɩrga, la tɩ yãmb bʋʋda kaoob wakate, bɩ y paam tõogre.

Rom Dãmba 3:6

Yaa vẽeneg tɩ ayo. Sã n ka rẽ, Wẽnnaam na n yɩɩ a wãn n kao dũni bʋʋdo?

Rom Dãmba 4:14

Sã n yaa tõog yĩng la ned paamd dogem-pʋɩɩre, dẽnd tẽeb yaa zaalem, la b kiisa kãabgã sẽn kãabã.

Rom Dãmba 7:22

Mam sũurã zĩ-zulungẽ wã, mam sũ-noog bee ne Wẽnnaam tõodã.

Rom Dãmba 7:25

Bɩ d pʋʋs Wẽnnaam bark tõnd Zu-soab a Zezi Kirist maasem yĩnga. Woto, ne mam yam-wekre, mam yaa Wẽnnaam tõogã yamba, la sã n yaa ne mam yĩngã, mam yaa yel-wẽnã tõog yamba.

Rom Dãmba 8:4

Kirist maana a woto tɩ tɩrlem ning tõogã sẽn yeel tɩ d tog n paamame wã na pid tõnd pʋsẽ, tõnd sẽn kẽnd wa sẽn zems Sɩɩgã raabo la ka yĩng rẽndã yĩnga.

1 Korẽnt rãmba 9:21

Ne neb nins sẽn ka be tõogã pʋgẽ wã, mam yɩɩ wa ned sẽn ka be tõogã pʋgẽ ye, la mam mengã yaool n ka ned sẽn be Wẽnnaam tõogã poorẽ ye, mam bee Kirist tõogã pʋgẽ, tɩ m tõe n paam neb nins sẽn ka be tõogã pʋgẽ wã.

Galat Rãmba 2:19

Sɩd me, sã n yaa ne tõogã wɛɛngẽ, mam yaa kũum tõogã maasem yĩnga, tɩ m tõe n vɩɩmd Wẽnnaam yĩnga.

Galat Rãmba 2:21

Mam ka tõdgd Wẽnnaam barkã ye. Bala, sã n dag n yaa ne tõog la ned paamd tɩrlem, dẽnd Kiristã kii zaalem.