Rom Dãmba 3:27 - KÃAB-PAALGÃ KOE-NOOGO

²⁷ Woto yĩngã, bõe pʋgẽ la ned tõe n waoog a menga? Bũmb ka be ye. Ne tõ-bʋgo? Ne tʋʋm tõogo? Ayo! La yaa ne tẽeb tõogo.

SEBR SÕNGO

²⁷ Sã n ya woto, fo tara sor n zẽk f meng bɩ? Ayoo, sor ka ye! La bõe tɩ sor kaẽ? Be f tʋʋmẽ wã bɩ? Ayoo! Yaa f manegrã sẽn ya tẽeba bũmbã. Sɩda d tagsdame tɩ ninsaal manegr yita a tẽebẽ. Ka tũud a sẽn deegd noora ye. Ka rẽ d yetẽ lame tɩ Wẽnd yaa Zʋɩf rãmb bal Wẽnnaam.

WẼNNAAM SEBRE 2014

²⁷ Woto yĩngã, bõe pʋgẽ la ned tõe n waoog a menga? Bũmb ka be ye. Ne tõ-bʋgo? Ne tʋʋm tõogo? Ayo! La yaa ne tẽeb tõogo.

Rom Dãmba 3:27 Iomraidhean Croise

A Mark Sõng 16:16

Ned ning fãa sẽn na tẽ, tɩ b lis-a, a na paam fãagre. La ned ning fãa sẽn kõn tẽ na kong bʋʋm.

A Zã Sõng 3:36

Ned ning sẽn tẽed-a Bi-riblã tara vɩɩm sẽn kõn sa. La ned ning sẽn kɩɩsd-a Bi-riblã kõn paam vɩ-kãng ye, la Wẽnnaam sũ-puugrã na n ta-a lame.

Rom Dãmba 10:5

Sɩd me, a Moyiis gʋlsa tɩrlem ning tõogã sẽn wat-ne wã yell n yeele: Ned sã n maan wa tõogã sẽn yeelã, tõogã na kɩt t'a vɩɩmde.

Rom Dãmba 11:6

La sã n yaa ne Wẽnnaam bark la ned paamd fãagre, ka leb n ya ne tʋʋm ye. Sã n ka rẽ, barkã ka leb n ya nimbãan-zoeer ye [la sã n yaa ne tʋʋmã la ned paamd fãagre, ka leb n ya nimbãan-zoeer yell ye. Sã n ka rẽ, tʋʋmd ka leb n ya tʋʋmd ye.]

Rom Dãmba 2:17

Fo boonda f meng tɩ Zuif, n teegd tõogã, n waoogd f menga, f sẽn ya wẽn-tũudã yĩngã.

Rom Dãmba 2:23

Fo sẽn dɩk tõogã n waoogd f mengã, fo kɩɩsda tõogã n paoogd Wẽnnaam.

Rom Dãmba 3:19

Tõnd yaool n miime tɩ bũmb ning fãa tõogã sẽn yetã, a yeta neb nins fãa sẽn loe ne tõogã, tɩ noyã fãa na mume, tɩ nebã na bãng tɩ Wẽnnaam nifẽ, nebã fãa yaa bɛɛgdba.

Rom Dãmba 3:26

bãmb da rat n wilga b tɩrlmã moasã wakatã, tɩ nebã na bãng tɩ bãmb yaa tɩrga, bãmb sẽn kɩtd tɩ ned ning sẽn tẽed a Zezi wã zemsã.

Rom Dãmba 4:2

Sã n yaa sɩd tɩ yaa tʋʋmã yĩng la a Abraham paam tɩrlem, b tõe n waooga b menga. La Wẽnnaam taoore, a ka a woto ye.

Rom Dãmba 7:21

Mam sẽn dat n maan neerã, mam mikame tɩ tõ-kãngã n be ne maam: Wẽng n yegd maam.

Rom Dãmba 7:23

La mam yãta tõog a to mam yĩnga wilẽ, t'a maood ne mam yam-wekrã tõogã, n kɩtd tɩ mam ya yel-wẽnã sẽn be mam yĩngã wilẽ wã tõog yamba.

Rom Dãmba 7:25

Bɩ d pʋʋs Wẽnnaam bark tõnd Zu-soab a Zezi Kirist maasem yĩnga. Woto, ne mam yam-wekre, mam yaa Wẽnnaam tõogã yamba, la sã n yaa ne mam yĩngã, mam yaa yel-wẽnã tõog yamba.

Rom Dãmba 8:2

Sɩd me, Sɩɩg sẽn kõt vɩɩm a Zezi Kirist pʋgẽ wã tõog yolsa maam ne yel-wẽnã tõogo, la ne kũum tõog yembdo.

Rom Dãmba 9:11

Bala, kamba da nan ka rog ye, la b da nan ka maan neer bɩ wẽng ye. Baoosgo, Wẽnnaam daabã kell n yalsame wa sẽn zems bãmb sẽn yãke, la yãkrã ka tũud ne tʋʋmã ye, a tũuda ne sẽn bool-a wã.

Rom Dãmba 9:31

Tɩ Israyɛl nebã sẽn dag n baood tõog sẽn wat ne tɩrlmã ka paam tõ-kãng ye.

Rom Dãmba 9:32

Bõe yĩnga? Yaa tɩ Israyɛl ka bao tɩrlmã ne tẽeb ye, la yaa ne tʋʋmã. Bãmb laka kug-lakdgã,

1 Korẽnt rãmba 4:7

Bala, bõe n welgd foo ne f taabã? Bõe la fo tar tɩ ka ned n kõ foom? La sã n yaa tɩ yaa ned n kõ foom, bõe tɩ f waoogd f meng wa f ka reeg-a ned nengẽ?

Galat Rãmba 2:16

Tõnd sẽn mi tɩ ka ne tõogã tʋʋm la ned yɩt tɩrga, la yaa ne tẽeb ne a Zezi Kiristã, tõnd me tẽe a Zezi Kiristã, tɩ tẽeb ne Kiristã na kɩt tɩ tõnd lebg tɩrse, la ka tõogã tʋʋm ye, bala, tõog tʋʋm kõn kɩt tɩ ned baa a yembr yɩ tɩrg ye.

Galat Rãmba 3:22

Wẽnnaam gʋls-sõamyã yeelame tɩ dũni gill fãa bee yel-wẽn maaneg pʋgẽ. Woto, yaa neb nins sẽn tẽed a Zezi Kiristã n na n paam kũun ning Wẽnnaam sẽn kãabã, b sẽn tẽ wã yĩnga.