Rom Dãmba 3:23 - KÃAB-PAALGÃ KOE-NOOGO

²³ Nebã fãa maana yel-wẽna, n kong Wẽnnaam ziirã.

SEBR SÕNGO

²³ b fãa beega Wẽnde tɩ Wẽnd sẽn pid ne ziira zãag ne-ba.

WẼNNAAM SEBRE 2014

²³ Sɩda, nebã fãa maana yel-wẽna, n kong Wẽnnaam ziirã.

Rom Dãmba 3:23 Iomraidhean Croise

Rom Dãmba 1:28

Bãmb sẽn ka tags tɩ yaa sõama tɩ bãng Wẽnnaamã, Wẽnnaam basame tɩ b tũud b tagsdã sẽn ya wẽnsã, tɩ b maand bũmb sẽn ka zems ye.

Rom Dãmba 11:32

Bala, Wẽnnaam kẽesa nebã fãa kɩɩsg pʋgẽ, n na n naag b fãa n zoe b nimbãanega.

Rom Dãmba 3:19

Tõnd yaool n miime tɩ bũmb ning fãa tõogã sẽn yetã, a yeta neb nins fãa sẽn loe ne tõogã, tɩ noyã fãa na mume, tɩ nebã na bãng tɩ Wẽnnaam nifẽ, nebã fãa yaa bɛɛgdba.

Rom Dãmba 3:9

La rẽ wã, tõnd yɩɩda neb a taabã la? Baa bilfu! Bala, tõnd zoe n wilgame tɩ nebã fãa, Zuif-rãmba la sẽn ka-b Zuif-rãmbã bee yel-wẽnã yembd pʋgẽ

Rom Dãmba 5:2

Yaa bãmb maasem yĩng la tõnd paam n kẽ barkã pʋgẽ ne tẽebo, la tõnd yasa kãenkãe bark kãng pʋgẽ, la tõnd maanda sũ-noogo, d sẽn gũud Wẽnnaam ziirã ne tẽebã yĩngã.

Galat Rãmba 3:22

Wẽnnaam gʋls-sõamyã yeelame tɩ dũni gill fãa bee yel-wẽn maaneg pʋgẽ. Woto, yaa neb nins sẽn tẽed a Zezi Kiristã n na n paam kũun ning Wẽnnaam sẽn kãabã, b sẽn tẽ wã yĩnga.

1Tesalonik Rãmba 2:12

Tõnd sagla yãmba, n bels yãmba, la d bõos yãmb tɩ y kẽn wa sẽn zemsd Wẽnnaam daabo, bãmb sẽn bool yãmb tɩ y paam pʋɩɩr ne bãmb soolem la b ziirã yĩnga.

2Tesalonik Rãmba 2:14

Yaa tɩ yãmb na paam fãagr yĩng la b tall koe-noogã tõnd sẽn moonã n bool yãmba, tɩ y tõe n paam pʋɩɩr ne tõnd Zu-soab a Zezi Kirist ziirã.

Ebre rãmba 4:1

Woto yĩnga, kãabg tɩ paam vʋʋsg ning bãmb sẽn na n kõ wã sẽn ket n be wã, bɩ d maan yɛɛsg tɩ neb kẽer na n wa bas tɩ sãam n sa tɩ b yaool n watẽ.

1 Pɩyɛɛr 4:13

Ka tog n yɩ a woto ye, maan-y sũ-noogo, yãmb sẽn paam pʋɩɩr ne Kirist namsgã yĩnga, tɩ yãmb tõe n maan sũ-noog n kɩdem wakat ning bãmb ziirã sẽn na n pukã.

1 Pɩyɛɛr 5:1

Dẽ, mam sagenda kãsem-dãmbã sẽn be yãmb sʋkã, mam me sẽn ya kãsem wa bãmbã, la m ya Kirist namsgã kaset soabã, la m ya pʋɩt-n-taag ne Kirist ziirã sẽn na n wa pukã yĩnga.

1 Pɩyɛɛr 5:10

Yãmb sã n nams wakat bilf pʋgẽ, Wẽnnaam sẽn so bark fãa wã, sẽn bool-a yãmb tɩ y wa paam pʋɩɩr ne ziir ning sẽn kõn sa a Zezi kirist maasem yĩngã, bãmb menga na n zãmsa yãmba, n paas yãmb pãnga, n kɩt tɩ yãmb kɩ yẽga, la b kɩt tɩ yãmb yɩ neb sẽn ka vigsd ye.