Rom Dãmba 2:4 - KÃAB-PAALGÃ KOE-NOOGO

⁴ Bɩ fo ka nand bãmb sõmblemã, la bãmb sũ-bʋgsmã, la bãmb sũ-marã sẽn waoogã, n ka miẽ tɩ Wẽnnaam sõmblemã tusda foom tɩ f tek yam n kos sugri?

SEBR SÕNGO

⁴ Da maan wa f sãbsda Wẽnnaam ne b sõmblema sẽn ka be tɛkã, ne b tõog-m-mengã, ne b kõt-yaara ye; ad-b sõmblema ratame tɩ f ning pãng n teem zʋgo.

WẼNNAAM SEBRE 2014

⁴ Bɩ fo ka nand bãmb sõmblmã, la bãmb sũ-bʋgsmã, la bãmb sũ-marã sẽn waoogã, n ka miẽ tɩ Wẽnnaam sõmblmã tusda foom tɩ f tek yam n kos sugri?

Rom Dãmba 2:4 Iomraidhean Croise

Rom Dãmba 10:12

Sɩd me, welgr ka be Zuif ne Gɛrk sʋk ye: B fãa tara Zu-soab a yen sẽn maand neb nins fãa sẽn boond bãmbã neer wʋsgo.

Rom Dãmba 11:22

Ges Wẽnnaamã sõmblemã ne b toolmã yelle: Bãmb yaa toaag ne neb nins sẽn lʋɩ wã, la Wẽnnaam sõmblem fo yĩnga, fo sã n pa sõmblem-kãng pʋgẽ. Sã n ka rẽ, b na n kʋʋga foom me.

Rom Dãmba 11:33

Wẽnnaam arzẽgsã, la b yamã ne b bãngrã zulma wʋsgo. Ned ka tõe n vees bãmb bʋʋdã soɛy n bãng ye, la ned ka tõe n wʋm bãmb so-tũudsã võor ye. Sɩd me,

Rom Dãmba 3:25

Yaa bãmb la Wẽnnaam pĩnd n yãk n kõ, neb nins sẽn na n tẽ bãmbã yel-wẽna yiisg yĩnga, ne b zɩɩmã. Woto na n wilga Wẽnnaam tɩrlem. Bãmb sẽn bas nebã n ka sɩbg-b b yel-wẽn nins b sẽn dag n maan Wẽnnaam sũ-marã wakatã yĩnga,

Rom Dãmba 6:1

Dẽ, tõnd na n yeelame tɩ bõe? Tõnd na n kell n paa yel-wẽnã pʋgẽ tɩ barkã paam paoosgo?

Rom Dãmba 6:15

La yaa bõe? Dẽ yĩnga, tõnd na n maanda yel-wẽnã, tõog sẽn ka so tõndo, la yaa barkã yĩnga? Yaa vẽeneg tɩ ayo.

2 Korẽnt rãmba 8:2

Baa ne bãmb sẽn paam makr ne tood wʋsgã, bãmb sũ-noogã yɩɩ kãsenga, tɩ baa ne b naongã sẽn ya wʋsgã, b kõo wʋsg ne sũyã fãa.

Efɛɛz Rãmba 1:18

Mam pʋʋsdame tɩ Wẽnnaam na puk yãmb pʋ-tẽer ninã tɩ y bãng bõn-neer ning b sẽn bool yãmb tɩ paamã, la y bãng bãmb pʋɩɩr ning sẽn ya arzegs sẽn be ziirã, Wẽnnaam nin-tũusdsã sẽn tarã.

Efɛɛz Rãmba 1:7

Yaa Kirist zɩɩmã maasem yĩng la tõnd paam fãagre, fãagr ning sẽn ya yel-wẽnã sugr kũuni, sẽn zems Wẽnnaam barkã sẽn waoog wʋsgã,

Efɛɛz Rãmba 2:4

La Wẽnnaam sẽn tar nimbãan-zoeer wʋsgã, la bãmb sẽn nong tõnd ne nonglem kãsengã yĩnga,

Efɛɛz Rãmba 2:7

tɩ wakat sẽn wate, bɩ bãmb tõe n wilg tõnd bãmb bark kãsengã, b sẽn kõ tõnd sõmblem Kirist maasem yĩngã.

Efɛɛz Rãmba 3:16

tɩ b na kõ yãmb wa sẽn zems b naamã arzɛka, n kɩt tɩ ne bãmb Sɩɩg-sõng pãnga, bɩ yãmb paam pãng y sũyã pʋse,

Efɛɛz Rãmba 3:8

Mam sẽn ya Wẽnnaam neba fãa yao-zʋʋgã, Wẽnnaam kõo maam bakr kãnga, tɩ m moon koe-noog ning sẽn wilgd Kirist arzegs sẽn ka sɛtã bu-zẽmsã sʋka,

Filip rãmba 4:19

Mam Wẽnnaam na kõ yãmb bũmb fãa tɩ sek-yã wa sẽn zems bãmb arzeg-kãsemsã a Zezi Kirist maasem yĩnga.

Kolos Rãmba 1:27

Wẽnnaam n tʋlg n kɩt tɩ b nebã bãng yel-solem-kãnga arzɛkã sẽn tar ziir bu-zẽmsa sʋkã, dat n togs tɩ Kirist sẽn be yãmb pʋsẽ wã, b na n pidsa tẽeb gũudũm ning sẽn ya ziirã.

Kolos Rãmba 2:2

Mam maoodame tɩ b sũya tõe n paam belsgo, tɩ b tõe n lagem taab nonglem pʋgẽ n paam yam n bãng sɩd-sɩda, n bãng Wẽnnaam yel-sõmdã sẽn ya Kiristã.

1 Tɩmote 1:16

La Wẽnnaam maana nimbãan-zoeer ne maam, t'a Zezi Kirist reng n wilg b sũ-marã fãa ne maam, mam sẽn ya wẽng n yɩɩd yel-wẽn maandba fãa wã, tɩ yɩ kaset neb nins fãa sẽn na tẽ bãmba n dat vɩɩm sẽn ka sɛtã yĩnga.

1 Tɩmote 6:17

Yeel neb nins sẽn tar arzegs dũni kãngã pʋgẽ wã tɩ b ra maan wilg-m-menga, la b da rɩk b teegrã n teeg arzegs b sẽn ka tar a hakɩɩk ye. Bɩ b teeg Wẽnnaam, tɩ b kõta bũmb fãa tɩ seke, tɩ tõnd tõe n tall n maan sũ-noog ne.

1 Pɩyɛɛr 3:20

Bãmb yaa neb nins sẽn yɩ kɩɩsdb wakat sẽn looge, Wẽnnaam sẽn maan sũ-mar n kaoos wakat ning a Nowe sẽn maan koom koglgã tɩ neb bilfu, dat n togs tɩ neb a nii wã kẽe a pʋgẽ n põs koomã.

2 Pɩyɛɛr 1:11

Yaa woto n na n kɩt tɩ b kõ yãmb noor zãnga, tɩ y kẽ tõnd Zu-soab la d fãagd a Zezi Kirist soolem sẽn kõn sa wã pʋgẽ.

2 Pɩyɛɛr 3:15

Bãng-y tɩ tõnd Zu-soabã sẽn maand sũ-marã, yaa tɩ yãmb na paam fãagre, wa tõnd ba-bi-nongr a Poll sẽn gʋls me n wilg yãmb wa sẽn zems yam ning Wẽnnaam sẽn kõ yẽnda wã.

2 Pɩyɛɛr 3:3

Sẽn deng bũmb fãa, bãng-y tɩ yaoolem wakate, neb sẽn laad neb n na n zĩndi. B na n yaala yãmba, b na n yɩɩ neb sẽn sakd b mens yĩngã ratem.

2 Pɩyɛɛr 3:9

Wẽnnaam ka basd tɩ bãmb sẽn kãabã kaoos n pids wa neb kẽer sẽn tagsdã ye. La yaa tɩ bãmb maanda sũ-mar ne yãmba, b sẽn ka rat tɩ ned baa a yen sãama yĩnga. Bãmb ratem yaa tɩ yãmb fãa tek yam n kos sugri.

Vẽnegre 2:21

Mam kõo yẽ weer t'a tek yam n kos sugr a yoobã yĩnga, la yẽ ka rat n kos sugr a yĩng ye.

Vẽnegre 3:20

Ade, mam yasa rig-noorẽ n kabsdẽ. Ned sã n wʋm mam koɛɛgã n pak kʋɩlengã, mam na n kẽe yẽ roogẽ n dɩ ne yẽnda la yẽ na n dɩɩ ne maam.