Rom Dãmba 2:29 - KÃAB-PAALGÃ KOE-NOOGO

²⁹ La Zuif yaa ned ning sẽn ya-a Zuif a sũur pʋgẽ, la bãong meng yaa sũurẽ dẽnda, sẽn zems Sɩɩgã rẽnda, la ka tõogã rẽnd ye. Zuif kãng pẽgr ka yit ninsaalb nengẽ ye, la yaa Wẽnnaam nengẽ.

SEBR SÕNGO

²⁹ Zʋɩf akɩk yaa Zʋɩf a sũurẽ la sẽn kẽed-a bãong akɩk yaa sẽn kẽed-a a sũurẽ. Sẽn be sũuri wã n yɩɩd sẽn gʋls sebrẽ. Ad-y yẽ soaba pẽgre ka na n yi ninsaal nengẽ, a na n yii Wẽnd nengẽ.

WẼNNAAM SEBRE 2014

²⁹ La Zʋɩf yaa ned ning sẽn yaa-a Zʋɩf a sũur pʋgẽ, la bãong meng yaa sũurẽ dẽnda, sẽn zems Sɩɩgã rẽnda, la ka tõogã rẽnd ye. Zʋɩf‑kãng pẽgr ka yit ninsaalb nengẽ ye, la yaa Wẽnnaam nengẽ.

Rom Dãmba 2:29 Iomraidhean Croise

A Luk Sõng 11:39

La Zu-soabã yeel-a lame yaa: Yãmb Fariisẽ-dãmbã, yãmb nedgda wama ne laasã poaya, la yãmb pʋsã pida ne fãab la wẽnga.

A Luk Sõng 17:21

B ka na n yeel tɩ ges-y-yã! Wẽnnaam soolem bee ka wall a bee ka sẽne ye. Bala, ad-y Wẽnnaam soolmã bee yãmb sʋka.

A Zã Sõng 12:43

Bala, b dag n nonga ninsaalbã waoogr n yɩɩd Wẽnnaam sẽn na n waoog bãmbã.

A Zã Sõng 4:23

La wakat watame — la yaa moasã — tɩ tõnd ba wã waoogdb sɩd-sɩdã na n waoog bãmb ne b sɩɩse la ne sɩda. Bala, yaa waoogdb a woto buud la tõnd ba wã baooda.

A Zã Sõng 5:44

Yãmb sẽn paamd pẽgr taab nengẽ, la y ka baood pẽgr sẽn yit Wẽnnaam b yen tãa nengẽ wã, yãmb tõee n yɩɩ wãn n tẽ?

Rom Dãmba 14:17

Bala, Wẽnnaam soolmã, ka tɩ rɩ wall tɩ yũ ye, la yaa tɩrlem la bãane, la sũ-noogo, Sɩɩg-sõng sẽn kõta.

Rom Dãmba 2:27

Sẽn ka tol n kẽ-a bãongã sã n pidsd tõogã sẽn yetã, a kõn kao fo bʋʋdo, fo soab sẽn tar tõogã sebr la bãongã sɩda?

Rom Dãmba 3:1

Zu-noog ning Zuif sẽn tarã yaa bõe, wall bãongã kõom yõod yaa bõe?

Rom Dãmba 7:6

La moasã, b yiisa tõnd tõog yembd pʋgẽ, bala, tõnd yaa kũum ne bũmb nins sẽn dag gãd tõnd yembd pʋgẽ wã, tɩ tõnd Wẽnnaamã sakrã yaa sɩɩgã tõog pʋgẽ, sẽn ya tõ-paalgã, la ka leb n ya tõ-kʋdgã sẽn gʋlsã pʋgẽ ye.

1 Korẽnt rãmba 4:5

Woto yĩnga, da kao-y bũmb baa fɩ bʋʋd tɩ wakatã nan ka ta ye, tɩ Zu-soabã waoong nan ka ta ye. Bãmb sã n wa, b na n puka bũmb ning sẽn solg lik pʋgẽ wã, la b na n kɩtame tɩ bũmb nins nebã sẽn dag n saag b sũyã pʋsẽ wã pugsi. Wakat kãnga, Wẽnnaam n na n pẽg ned kam fãa.

1 Korẽnt rãmba 7:19

Bãong kõom ka fɩ, la moonem me ka fɩ. Yaa Wẽnnaam noyã sakr la b geenda.

2 Korẽnt rãmba 10:18

Bala, ka ned ning sẽn wilgd t'a zemsame wã n tat Wẽnnaam yam ye, yaa Zu-soabã sẽn wilgd tɩ ned ninga zemsame wã.

2 Korẽnt rãmba 3:6

Wẽnnaam kɩtame tɩ d tõe n yɩ bãmb tʋmtʋmdba kãab-paalgã maasem yĩnga. Ka ne tõog sẽn gʋlsã ye, la yaa ne Sɩɩg-sõngo. Bala, tõog sẽn gʋlsã kʋʋdame, la Sɩɩg-sõng kõta vɩɩm.

Filip rãmba 3:3

Bala, tõnd sẽn waoogd Wẽnnaam ne Sɩɩg-sõng pãnga, n maand sũ-noog a Zezi Kirist pʋgẽ, n ka teegd yĩngã tʋʋmã, yaa tõnd la zũins sɩd-sɩda.

1Tesalonik Rãmba 2:4

La a wa Wẽnnaam sẽn poes tõnd n na n kõ tõnd koe-noogã mooneg tʋʋmdã, tõnd ka gomd n na n noog ninsaalb sũy ye, la yaa tɩ noog Wẽnnaam sẽn feesd sũyã sũuri.

1 Pɩyɛɛr 3:4

La yãmb tog n baoo neerem ning sẽn solge, n be ned kam fãa sũurẽ, la sẽn ka sãamdã, sẽn ya sũ-bʋgsem sɩɩga, la sũ-maasem. Ade, yaa bõn-kãensã n tar yõod wʋsg Wẽnnaam nifẽ.