Rom Dãmba 2:17 - KÃAB-PAALGÃ KOE-NOOGO

¹⁷ Fo boonda f meng tɩ Zuif, n teegd tõogã, n waoogd f menga, f sẽn ya wẽn-tũudã yĩngã.

SEBR SÕNGO

¹⁷ Fo sã n zẽkd f menga, f sẽn ya Zʋɩf yĩnga, fo sã n yet tɩ f yaa Wẽnd Noora biiga, tɩ Wẽnd la fo zu-zẽkre,

WẼNNAAM SEBRE 2014

¹⁷ Fo boonda f meng tɩ Zʋɩfe, n teegd tõogã, n waoogd f menga, f sẽn yaa wẽn-tũudã yĩngã.

Rom Dãmba 2:17 Iomraidhean Croise

A Matiye Sõng 3:9

la y ra tags t'a Abraham sẽn ya yãmb ba wã sekame ye. Tɩ bõe, mam yeta yãmb tɩ Wẽnnaam tõe n dɩka kug-kãensã n kɩt tɩ b lebg a Abraham kamba.

A Luk Sõng 10:28

A Zezi leok-a lame yaa: Fo leokrã yaa sõama. Maan a woto, la f na vɩɩmde.

A Zã Sõng 5:39

Yãmb lɩkd n geta Wẽnnaam gʋls-sõamyã pʋse, yãmb sẽn tẽed tɩ yãmb na n paama vɩɩm sẽn kõn sɛ, b maasem yĩngã. Yaa gʋls-sõamy kãens n kɩt mam kaseto.

A Zã Sõng 5:45

Da tags-y tɩ mam na n yeela m ba tɩ yãmb ka maan neer ye. Sẽn na n yeel-a tɩ yãmb beegame wã, yaa a Moyiis, yãmb teegr sẽn be ne a soabã.

A Zã Sõng 7:19

A Moyiis ka kõ yãmb tõogã sɩda? La yãmb ned baa a yen ka maand tõogã sẽn yetã ye. Yaa bõe tɩ yãmb baood n na n kʋ maam?

A Zã Sõng 8:33

Nebã leoka a Zezi n yeele: Tõnd yaa a Abraham yagense, la tõnd zɩ n yɩ ned yems ye. Bõe tɩ yãmb yetẽ tɩ tõnd na n lebga burkĩmba?

A Zã Sõng 8:41

Yãmb tʋmda y ba tʋʋma. Bãmb yeela a Zezi yaa: Tõnd ka tãmpĩib ye. Tõnd ba yaa a yen tãa: Yaa Wẽnnaam.

Rom Dãmba 2:23

Fo sẽn dɩk tõogã n waoogd f mengã, fo kɩɩsda tõogã n paoogd Wẽnnaam.

Rom Dãmba 3:27

Woto yĩngã, bõe pʋgẽ la ned tõe n waoog a menga? Bũmb ka be ye. Ne tõ-bʋgo? Ne tʋʋm tõogo? Ayo! La yaa ne tẽeb tõogo.

Rom Dãmba 9:32

Bõe yĩnga? Yaa tɩ Israyɛl ka bao tɩrlmã ne tẽeb ye, la yaa ne tʋʋmã. Bãmb laka kug-lakdgã,

2 Korẽnt rãmba 11:22

Bãmb yaa Hebre rãmba? Mam me yaa Hebre. Bãmb yaa Israyɛl buudu? Mam me yaa Israyɛl neda. B yaa a Abraham yagense? Mam me yaa a Abraham yagenga

Galat Rãmba 2:15

Tõnd yẽ dogame n ya Zuif-rãmba, la d ka yel-wẽn-maandb soolem dãmbã sʋk ye.

Efɛɛz Rãmba 2:11

Dẽ wã, tẽeg-y tɩ wakat sẽn looge, yãmb dag n yaa bu-zẽms yĩng wɛɛngẽ, tɩ neb nins sẽn yet tɩ b yaa zũnsi, tɩ yaool n ya bãong ninsaal nus sẽn kẽesã rãmb n dag n boond yãmb a bu-zẽmsã tɩ moose.

Vẽnegre 2:9

“Mam bãnga yãmb namsgã ne y naongã, la yãmb yaool n yaa arzegs rãmba, la mam bãnga kãnegr ning neb nins sẽn yet tɩ b yaa Zuif-rãmb n yaool n ka Zuif-rãmba, la b ya Sʋtãanã karen-doogã rãmb sẽn kãnegd yãmbã.

Vẽnegre 3:1

Gʋls Sard wẽnd-doogã gũud n yeel-a yaa: Ad soab ning sẽn tar Wẽnnaam sɩɩs a yopoe la ãds a yopoe wã sẽn yeta: “Mam bãnga yãmb tʋʋmã. Yãmb yʋʋr yiime tɩ y vɩɩme la y yaool n yaa kũum.

Vẽnegre 3:9

Ade, mam na n ninga neb nins sẽn ya a Sʋtãan tũudbã yãmb nugẽ. Bãmb boonda b mens tɩ Zuif-rãmba tɩ yaool n ka sɩd ye, bala b yagda zĩrĩ. Gese, mam na n kɩtame tɩ b wa n wõgemd yãmb taoore, la b bãng tɩ mam nonga yãmba.