Rom Dãmba 2:10 - KÃAB-PAALGÃ KOE-NOOGO

¹⁰ Ned ning fãa sẽn maand neere, na n paama ziiri, waoogre la bãane. Zuif-rãmbã pipi tɩ sẽn ka-b Zuif-rãmbã pʋgda.

SEBR SÕNGO

¹⁰ La sẽn maand-a neere, ziir la pẽgr n yɩt a pʋɩɩre, Zʋɩf pipi tɩ sẽn ka-a Zʋɩf yaool n pʋgd.

WẼNNAAM SEBRE 2014

¹⁰ Ned ning fãa sẽn maand neere, na n paama ziiri, waoogre la bãane. Zʋɩf-rãmbã pipi tɩ sẽn ka-b Zʋɩf-rãmbã pʋgda.

Rom Dãmba 2:10 Iomraidhean Croise

A Matiye Sõng 10:13

La zag-kãng sã n zemsa ne laafɩ, bɩ yãmb laafɩ wã zĩnd ne a nebã. La a sã n ka zems ne laafɩ, bɩ yãmb laafɩ wã leb y nengẽ.

A Luk Sõng 1:79

n kõ neb nins sẽn zĩ lik pʋgẽ la kũum maasmẽ wã vẽenem, la a tae tõnd tɩ d tũ laafɩ sore.

A Luk Sõng 12:37

Bark bee tʋmtʋmd kãens zutu, b zu-soabã sẽn na n wa n ta n mik tɩ b neeme. Mam yeta yãmb sɩd-sɩd tɩ b zu-soabã na n sẽba a sẽbdga, n kɩt tɩ b zĩnd rɩɩb zĩigẽ, t'a wa n kõ-b rɩɩbo.

A Luk Sõng 19:42

Fo me sã n da bãngẽ bũmb ninga sẽn wat ne fo laafɩ wã rũnna! La moasã b solga ne foom.

A Luk Sõng 22:14

Wakat sẽn ta, a Zezi zĩnda ne tẽn-tʋmdbã n na n dɩ.

A Luk Sõng 9:48

n yeel karen-biisã yaa: ned ning fãa sẽn na n deeg bi-bilf kãngã mam yʋʋrã yĩnga, yaa mam mengã la a reeg-yã. La ned ning fãa sẽn deeg maam, a reegda sẽn tʋma maamã. Bala, ned ning sẽn ya-a yao-zʋʋg yãmb sʋkã, yaa yẽ soab n ya kãsenga.

A Zã Sõng 12:26

Ned sã n dat n tʋm mam yĩnga, a tog n tũu maam. La mam sẽn be zĩig ninga, mam tʋmtʋmd me na n bee be. Ned sã n tʋmd mam yĩnga, m ba na n waooga a soaba.

A Zã Sõng 14:27

Mam basda laafɩ ne yãmba. Mam kõta yãmb m laafɩ. Mam ka kõt yãmb wa dũni wã sẽn kõtã ye. Bɩ y ra maan yɩɩr wall y yɛɛs ye.

A Zã Sõng 16:33

Mam goma ne yãmb a woto tɩ yãmb tõe n paam sũur laafɩ mam pʋgẽ. Yãmb na n paama namsg dũni pʋgẽ. La bɩ y keng y sũyã, tɩ mam tõoga dũni wã.

Tʋʋma 10:35

Ned ning fãa, sẽn ya buud ninga fãa sẽn zoet Wẽnnaam la a maand tɩrlem, yẽnda soab tata bãmb yam.

Rom Dãmba 14:17

Bala, Wẽnnaam soolmã, ka tɩ rɩ wall tɩ yũ ye, la yaa tɩrlem la bãane, la sũ-noogo, Sɩɩg-sõng sẽn kõta.

Rom Dãmba 15:13

Bɩ Wẽnnaam, saag-sõng sẽn yit a soab nengẽ wã pid yãmb ne sũ-noog fãa la bãan fãa tẽeb pʋgẽ, tɩ saag-sõng na pid yãmba, Sɩɩg-sõng pãng yĩnga.

Rom Dãmba 2:7

neb nins sẽn modgd tɩ maan neere, n baood ziiri, la waoogre, la b baood vɩɩm sẽn kõn sa wã na n paam-a lame,

Rom Dãmba 2:9

Zuif-rãmb pipi tɩ sẽn ka-b Zuif-rãmbã pʋgda. Ned ning fãa sẽn maand wẽngã na n paama to-kãsenga la pelen-yɩgse.

Rom Dãmba 5:1

Dẽ, tõnd sẽn paam zemsg tẽeb yĩngã, tõnd tara zems-n-taar ne Wẽnnaam tõnd Zu-soab a Zezi Kirist maasem yĩnga.

Rom Dãmba 8:6

Yĩngã ratem sakr wata ne kũum, la Sɩɩgã ratem sakr wata ne vɩɩm la bãane.

Rom Dãmba 9:21

Ka yagbã n so yagdã, n yãkd yagd a yembr pʋgẽ n yagd teoogo a tʋʋm sẽn be waoogre, la a yagd teoogo a tʋʋm sẽn be paoogr la?

Rom Dãmba 9:23

La bãmb sã n dag n datame n kɩt tɩ lagd sẽn zems ne nimbãan-zoeere, la bãmb sẽn pĩnd n yãk tɩ b paam ziirã bãng bãmb ziirã sẽn zems to-to?

Galat Rãmba 5:22

La Sɩɩg-sõng bilã yaa nonglem, la sũ-noogo, la bãane, la sũ-mare, la sõmblem, la maan-neere, la maan-sɩda, la bʋgsem, la yõk-m-menga.

Galat Rãmba 5:6

Bala, bũmb ning sẽn be yõod Kirist pʋgẽ wã ka bãongã wall moonemã ye, yaa tẽeb sẽn tʋmd ne nonglem.

Filip rãmba 4:7

La Wẽnnaam laafɩ wã sẽn yɩɩd ninsaalbã bãngr fãa wã na n gũu yãmb sũya ne y tagsdã a Zezi Kirist pʋga.

1 Tɩmote 1:17

Bɩ rĩm ning sẽn be-a wakat sẽn kõn sa, n ka tõe n ki, la ned nin sẽn ka tõe n yã, n ya b yen tãa n ya Wẽnnaamã soog waoogre, la ziiri, wakat sẽn ka sɛt ye. Ãmina!

Ebre rãmba 2:7

Wakat bilf yĩnga yãmb kɩtame t'a ka ta malegsã ye, la y kõ-a-la ziir la waoogre, [n kɩt t'a soog bũmb nins yãmb nusã sẽn naanã.]

Zake 2:22

Fo neeme tɩ tẽeb n dag n naag ne a tʋʋmã, la a tʋʋmã yĩnga, Wẽnnaam kɩtame t'a tẽebã zems zãnga.

Zake 3:13

Ãnna yãmb sʋkã n ya yam soaba, t'a yam weke? Bɩ a yel-manesem-sõngã wilg a tʋʋm sẽn yɩt ne bʋgsem la yam.

1 Pɩyɛɛr 1:7

Yaa sẽn na yɩl n mak yãmb tẽeba n bãng a sẽn ya a soaba. Sãnem yaa bõn-sãamdga, la baoosgo b makd-a-la ne bugum n getẽ. La yãmb tẽebã sẽn tar yõod wʋsg n yɩɩd sãnemã, b makd-a lame n getẽ, t'a Zezi Kirist waoongã daare, bɩ y paam pẽgre la ziiri ne waoogre.

1 Pɩyɛɛr 5:4

La Pe-kɩɩmbã kãsem sã n wa puki, yãmb na n paama maanf sẽn tar ziiri, la sẽn ka sãamd ye.