Rom Dãmba 16:26 - KÃAB-PAALGÃ KOE-NOOGO

²⁶ La moasã, Wẽnnaam no-rɛɛsdbã pĩnd-n-bãngr goamã sɛb puk-a-la wa Wẽnnaam sẽn ka sɩngr kõn zĩnd saabã sẽn yeelã, n wilg soolem dãmba fãa nebã, tɩ b tõe n sak tẽebã.

SEBR SÕNGO

²⁶ Rũnna la ka sɩng kõn zĩnd sɛɛb Wẽnda lak b Sebr sõngo n wilg b sẽn da sede; la b maana boto tɩ Adem biis paam tẽeba so-tɩrg n dɩke.

WẼNNAAM SEBRE 2014

²⁶ La moasã, Wẽnnaam no-rɛɛsdbã pĩnd-n-bãngr goamã sɛb puk-a-la wa Wẽnnaam sẽn ka sɩngr kõn zĩnd saabã sẽn yeelã, n wilg soolem-dãmba fãa nebã, tɩ b tõe n sak tẽebã.

Rom Dãmba 16:26 Iomraidhean Croise

A Mark Sõng 16:15

La a Zezi yeela bãmb yaa: Saag-y dũni tɛk fãa n moon neba fãa koe-noogã.

Tʋʋma 10:43

Wẽnnaam no-rɛɛsdbã fãa goma Zezi yell n yeel tɩ ned ning fãa sẽn tẽeda bãmb na n paama a yel-wẽn sugr kũun ne bãmb yʋʋre.

Tʋʋma 6:7

La Wẽnnaam koɛɛgã ra saagdame n yɩɩd pĩnda, la karen-biisã sõor dag n paasda wʋsg Zeruzalɛm. La maan-kʋʋdb wʋsg ra sakda tẽebã.

Rom Dãmba 1:2

koe-noog ning Wẽnnaam sẽn dag n tũnug b no-rɛɛsdbã n kãab bãmb gʋls-sõamyã pʋgẽ,

Rom Dãmba 1:20

Sɩd me, sẽn sɩng ne dũni naanego, nebã nee Wẽnnaam yɛlã ninsaal nin sẽn ka yãtã, bãmb pãng ka zĩnd sɩngr kõn zĩnd saabã la b Wẽnnaamlemã sõama. La yaa b sẽn get bãmb yɛlã, bũmb nins bãmb sẽn maandã pʋgẽ.

Rom Dãmba 1:5

Yaa tõnd Zu-soab a Zezi Kirist. Yaa bãmb maasem yĩng la tõnd deeg barka, la tẽn-tʋmde, tɩ ne bãmb yʋʋre, tõnd na tall soolem toay-toayã fãa neb tɩ b wa tẽ Bãmba, la b sak Bãmba.

Rom Dãmba 15:18

Bala, mam ka na n saag n pʋd bũmb yelle, tɩ ka Kirist sẽn tũnug maam n maane, sã n yaa m goamẽ, wall m tʋʋmẽ, tɩ ne Sɩɩg-sõng pãnga, la m maan bãn sẽn tar pãnga, la ne bõn-yɛɛsdse, tɩ m tõe n sõng buud a taabã neb tɩ b sak Wẽnnaam. Yaa woto yĩnga, sẽn sɩng ne Zeruzalɛm, n gilg hal tɩ ta Iliri, mam moona Kirist koe-noogã wʋsgo.

Rom Dãmba 15:4

Mik bũmb nins b sẽn pĩnd n gʋlsã gʋlsa tõnd zãmsg yĩnga, tɩ tõnd tõe n paam saag-sõngo, sũ-mare la belsg ning Wẽnnaam gʋls-sõamyã sẽn kõtã yĩnga.

Rom Dãmba 3:21

La moasã Wẽnnaam tɩrlem pukame tɩ tõog toog kaẽ ye, la tõogã ne Wẽnnaam no-rɛɛsdbã sɛb kɩta tɩrlmã kaseto,

Galat Rãmba 3:8

Woto, Wẽnnaam gʋls-sõamyã sẽn pĩnd n neẽ tɩ Wẽnnaam na n kɩtame tɩ bu-zẽmsã yɩ tɩrs tẽeb yĩngã, b pĩnd n togsa a Abraham koe-no-kãngã n yeele: Buud fãa na n paama bark fo yĩnga.

Efɛɛz Rãmba 1:9

Wẽnnaam kɩtame tɩ tõnd bãng bãmb datmã yel-solemde, a wa sẽn zems yam-yãkr ning b sẽn da pĩnd n yãk Kirist pʋgẽ wã.

Efɛɛz Rãmba 2:20

B mee yãmb yẽbgr ning tẽn-tʋmdbã ne Wẽnnaam no-rɛɛsdbã sẽn yẽbgã zugu, la yaa Kirist mengã n ya roogã pãng kugri.

Kolos Rãmba 1:26

Koe-no-kãng yaa yel-solemd sẽn solg wakat fãa, la sẽn solg ne zamaan dãmba fãa, n yaool n puk-a moasã ne bãmb nebã.

1 Tɩmote 1:17

Bɩ rĩm ning sẽn be-a wakat sẽn kõn sa, n ka tõe n ki, la ned nin sẽn ka tõe n yã, n ya b yen tãa n ya Wẽnnaamã soog waoogre, la ziiri, wakat sẽn ka sɛt ye. Ãmina!

1 Tɩmote 3:16

Ned ka tõe n kɩɩs tɩ wẽn-tũudbã yel-soalmã yaa bõn-kãseng ye. Kirist, soab ning sẽn dɩk yĩng tɩ neb yã-a wã, soab ning Sɩɩg-sõng sẽn kɩs a kaset sõngã, b puka b meng ne malegsã, neb moona b yellã buud toay-toayã sʋka, la tẽng zug ka, neb tẽ-b lame, la b paama zẽkre, la ziiri.

2 Tɩmote 1:10

Bark kãng lebga vẽeneg moasã ne tõnd fãagd a Zezi Kirist pukrã. Bãmb kɩtame tɩ kũum pãng sa, la b kɩt tɩ vɩɩm la yĩng sẽn ka kiidã yell yɩ vẽenega, koe-noogã maasem yĩnga.

Ebre rãmba 13:8

A Zezi Kirist yaa yembr zaamẽ la rũnna la wakat sẽn kõn sa.

Ebre rãmba 9:14

Kiristã zɩɩm n yɩɩda. Bãmb sẽn dɩk b meng n kõ Wẽnnaam tɩ rẽgd tosb kaẽ, Sɩɩg sẽn paad wakat sẽn kõn sa yĩngã, bãmb na n yɩlga tõnd sũ-bãngrã n yiis tʋʋm nins sẽn ya kũumã, tɩ tõnd tõe n tʋm Wẽnnaam sẽn vɩ wã yĩnga.

1 Zã 5:20

Tõnd miime me tɩ Wẽnnaam Bi-riblã waame, la b kõo tõnd bãngr tɩ d bãng soab ning sẽn yaa sɩdã. La tõnd bee sẽn ya-a sɩdã pʋgẽ, b Bi-ribl a Zezi Kirist maasem yĩnga. Yaa bãmb la Wẽnnaam sɩd-sɩda la vɩɩm sẽn kõn sa.

Vẽnegre 1:17

Mam sẽn yãnd-bã, mam lʋɩɩ b taoor n ya wa kũum. Bãmb tika maam ne b nug-rɩtg n yeel yaa: Da maan rabeem ye!

Vẽnegre 19:10

La mam wõgemda yẽ taoor n na n waoog-a, la a yeela maam yaa: Da saag n maan a woto ye! Mam yaa fo tʋmd-n-taaga la fo ba-biis nins sẽn tar a Zezi kasetã tʋmd-n-taaga. Waoog Wẽnnaam! Wẽnnaam no-rɛɛsdbã goam yita a Zezi kasetã pʋga.