Rom Dãmba 16:25 - KÃAB-PAALGÃ KOE-NOOGO

²⁵ Bɩ soab ning sẽn tar-a pãn-tõog tɩ kɩt tɩ yãmb yals kãenkãe wa koe-noogã mam sẽn moondã sẽn yetã, wa sẽn zemsd ne yel-solemdã pukri, yel-solemd ning sẽn dag n solg hal sɩngr wẽndẽ wã.

SEBR SÕNGO

²⁵ Bɩ Wẽnd soog pẽgre tɩ bãmb n tõe n paas y tẽeba pãnga. La rẽnd me la m wilg yã ne a Zesi Krista Koe-nooga moonego. Koe-nooga puka bũmb sẽn da solge, bũmb sẽn da solg yʋʋm ka tɛka.

WẼNNAAM SEBRE 2014

²⁵ Bɩ soab ning sẽn tar-a pãn-tõog tɩ kɩt tɩ yãmb yals kãenkãe wa koe-noogã mam sẽn moondã sẽn yetã, wa sẽn zemsd ne yel-solemdã pukri, yel-solemd ning sẽn dag n solg hal sɩngr wẽndẽ wã.

Rom Dãmba 16:25 Iomraidhean Croise

A Matiye Sõng 13:17

Sɩd-sɩda, mam yeta yãmb tɩ Wẽnnaam no-rɛɛsdb la nin-tɩrs wʋsg dag n dat n yãnda bũmb nins yãmb sẽn yãtã la b ka yã ye. B dag n dat n wʋma bũmb nins yãmb sẽn wʋmdã la b ka wʋm ye.

A Matiye Sõng 13:35

tɩ bũmb nins Wẽnnaam no-rɛɛsã sẽn dag n yeelã pidsi. A yeelame yaa: Mam na n yaaga m noor n wẽ yel-bũna, mam na n wilga bũmb sẽn solg hal naaneg wẽndẽ tɩ ta moasã.

A Matiye Sõng 20:7

B leokame tɩ yaa ned ba a yen sẽn ka rɩk bãmb tʋʋmdã. A yeel-b lame tɩ bãmb me kẽng yẽ nasaar sib pʋʋgẽ wã.

Tʋʋma 20:32

La moasã, mam basda yãmb Wẽnnaam nugẽ, la m basd-y ne bãmb bark goamã sẽn tar pãng n tõe n paas yãmb daoodo, la a kɩt tɩ yãmb yɩ pʋɩt-n-taas ne Wẽnnaam neba fãa wã.

Tʋʋma 9:20

La a Soll paa ne karen-biisã sẽn be Damasã rasem bilfu. La tao-tao bala, yẽ sɩngame n moond koɛɛga karen-dot pʋs n yẽte t'a Zezi yaa Wẽnnaam Bi-ribla.

Rom Dãmba 11:25

Bala, m ba-biisi, mam ka rat tɩ yãmb zɩ yel-solem-kãngã ye, tɩ yãmb da wa n get y mens wa yam dãmb ye: Israyɛl nebã kenga b sũy wakat bilf yĩnga, hal tɩ bu-zẽmsã fãa na kẽ fãagrã pʋgẽ.

Rom Dãmba 14:4

Fo sẽn kaood f to tʋmtʋmd bʋʋdã, foo la ãnna? A yɛsa yĩngr t'a lʋɩtame, paka a zu-soabã. La a na n yalsa yĩngri, bala, Zu-soabã tara pãn-tõog tɩ tebend-a.

Rom Dãmba 16:24

Bɩ tõnd Zu-soab a Zezi Kirist barkã zĩnd ne yãmb fãa. Ãmina.]

Rom Dãmba 2:16

Daar ning Wẽnnaam sẽn na n kɩt tɩ Kirist Zezi kao nebã tʋʋm-solgdsã bʋʋd wa koe-noog ning mam sẽn moondã sẽn yetã, bõn-kãens na n pukame.

1 Korẽnt rãmba 1:23

La tõnd moonda Kirist ning b sẽn ka da-pɩk zugã. Koe-kãng yaool n yaa bõn-lakdg ne Zuif-rãmbã, la a ya yalemd ne buud a taabã.

1 Korẽnt rãmba 2:7

Tõnd moonda Wẽnnaam yam sẽn ya yel-solemde la sẽn solge, tɩ Wẽnnaam pĩnd n segl hal sẽn deng zamaan sɩngre, tõnd waoogr yĩnga.

1 Korẽnt rãmba 4:1

Woto yĩnga, ges-y tõnd wa Kirist tʋmtʋmdba, Wẽnnaam sẽn ning b yel-soalmã yell b nusẽ.

2 Korẽnt rãmba 4:3

La tõnd sẽn moond koe-noog ningã wã sã n ket n solgame, a solga ne neb nins sẽn na n sãama.

2 Korẽnt rãmba 4:5

Ka tõnd mens koɛɛg la d moond ye, yaa a Zezi Kirist koɛɛg la tõnd moonda. La a Zezi maasem yĩnga, tõnd boonda d mens tɩ yãmb tʋmtʋmdba.

Galat Rãmba 2:2

Yaa vẽnegr mam sẽn paam yĩng la mam kẽng be. Mam wilg-b la koe-noogã mam sẽn moond bu-zẽmsã. Yaa taoor dãmbã la m gom-ne, ka yɩ nebã fãa taoor ye. Bala, mam dag n zoeta tʋʋmdã m sẽn maan la m ket n maandẽ wã na n wa yɩ zaalem.

Efɛɛz Rãmba 1:9

Wẽnnaam kɩtame tɩ tõnd bãng bãmb datmã yel-solemde, a wa sẽn zems yam-yãkr ning b sẽn da pĩnd n yãk Kirist pʋgẽ wã.

Efɛɛz Rãmba 3:11

Bõn-kãng zemsa ne Wẽnnaam yam-yãkr sẽn kõn sa, b sẽn pids-a tõnd Zu-soab a Zezi Kirist maasem yĩngã.

Efɛɛz Rãmba 3:9

la m vẽneg yel-solemd ning sẽn dag n solg Wẽnnaam sẽn ya bũmb fãa naandã nengẽ, wakat sẽn kaoosã n wilg nebã.

Efɛɛz Rãmba 6:19

la mam me yĩnga. Pʋʋs-y Wẽnnaam tɩ wakat ning fãa mam sẽn na n yaag m noor n na n gome, bɩ b kõ maam gomd sẽn na kɩt tɩ nebã bãng koe-noogã yel-solemdã võore, la tɩ m na gom ne raoodo.

Kolos Rãmba 2:2

Mam maoodame tɩ b sũya tõe n paam belsgo, tɩ b tõe n lagem taab nonglem pʋgẽ n paam yam n bãng sɩd-sɩda, n bãng Wẽnnaam yel-sõmdã sẽn ya Kiristã.

Kolos Rãmba 4:3

Pʋʋs-y tõnd yĩng me, tɩ Wẽnnaam pak sor tõnd koɛɛgã mooneg yĩnga, tɩ mam tõog n moon Kirist yel-solemdã koɛɛga, yel-solemd ning yĩng b sẽn balg maama,

1Tesalonik Rãmba 3:13

Woto, bɩ Wẽnnaam paas yãmb raoodo, tɩ y ra paam rõdb y sũyã pʋsẽ ye, la y zĩnd sõmblem tõnd ba a Wẽnnaam taoore, daar ning tõnd Zu-soab a Zezi sẽn na n wa ne nin-sõmy wã.

2Tesalonik Rãmba 2:14

Yaa tɩ yãmb na paam fãagr yĩng la b tall koe-noogã tõnd sẽn moonã n bool yãmba, tɩ y tõe n paam pʋɩɩr ne tõnd Zu-soab a Zezi Kirist ziirã.

2Tesalonik Rãmba 3:3

La Zu-soabã yaa sɩd soaba, la b na n kɩtame tɩ yãmb yals kãenkãe, la b gũ yãmb tɩ wẽng soabã da tõog-y ye.

2 Tɩmote 1:9

Yaa bãmb n fãag tõndo, la b bool tõnd bool-sõngo. La ka tõnd tʋʋm yĩng ye, yaa bãmb mengã tʋlsem la bark ning b sẽn maan tõnd a Zezi Kirist pʋgẽ hal sẽn deng wakat sẽn ka sɩngrã wakatã yĩnga.

2 Tɩmote 2:8

Tẽeg a Zezi Kirist yelle: bãmb vʋʋgame n bas kũum. Bãmb yaa a Daviid yagenga, wa koe-noogã sẽn yeelã.

A Titi 1:2

Wẽn-tũudum, n paam tẽeb pidsg gũudem ne vɩɩm sẽn kõn sa wã, Wẽnnaam sẽn ya sɩd soabã sẽn dag n kãab hal tɩ dũni nan ka naana.

Ebre rãmba 7:25

Dẽ me n kɩt tɩ bãmb tõe n fãag neb nins sẽn tũnugd bãmb n kolgd Wẽnnaamã hal sõama, bala bãmb vɩɩ wakat fãa n yõkd sɛɛg b yĩnga.

1 Pɩyɛɛr 1:20

tar bãnde, Wẽnnaam dag n pĩnd n yãka Kirist sẽn deng dũni naanego, la b waa yãmb yĩnga, yaoolem zamaana pʋgẽ.

1 Pɩyɛɛr 5:10

Yãmb sã n nams wakat bilf pʋgẽ, Wẽnnaam sẽn so bark fãa wã, sẽn bool-a yãmb tɩ y wa paam pʋɩɩr ne ziir ning sẽn kõn sa a Zezi kirist maasem yĩngã, bãmb menga na n zãmsa yãmba, n paas yãmb pãnga, n kɩt tɩ yãmb kɩ yẽga, la b kɩt tɩ yãmb yɩ neb sẽn ka vigsd ye.

Vẽnegre 10:7

la tɩ daar ning malɛk a yopoe soabã sẽn wat n segl n na n peeb baorgã, wakat kãng la Wẽnnaam yel-solemdã na n paam pidsg wa b sẽn dag n togs b tʋmtʋmdbã sẽn ya bãmb no-rɛɛsdbã koe-noogã.