Rom Dãmba 16:19 - KÃAB-PAALGÃ KOE-NOOGO

¹⁹ Sã n yaa ne yãmba, neba fãa mii yãmb sakrã yelle. Mam sũur nooma ne yãmb yellã, la mam nongame tɩ yãmb bãng yam ne bũmb nins sẽn ya sõama, la y yɩ yɩlma n da maand wẽng ye.

SEBR SÕNGO

¹⁹ D wʋmdame tɩ b gomd zĩis fãa tɩ y yaa neb sẽn tũud neere la rẽ noogda m sũuri: m datame tɩ y yɩ sɩlem dãmba ne neer maanego la ka yõod dãmba ne wẽng pʋgbo.

WẼNNAAM SEBRE 2014

¹⁹ Sã n yaa ne yãmba, nebã fãa mii yãmb sakrã yelle. Mam sũur nooma ne yãmb yellã, la mam nongame tɩ yãmb bãng yam ne bũmb nins sẽn yaa sõama, la y yɩ yɩlma n da maand wẽng ye.

Rom Dãmba 16:19 Iomraidhean Croise

A Matiye Sõng 10:16

Ade, mam tʋmda yãmb wa piis digd-n-yĩids sʋka. Dẽ yĩnga, yɩ-y yam dãmb wa wiisi, la y yɩ neb sẽn ka tar yell ye, n ya wa wala.

A Luk Sõng 10:3

Kẽng-y-yã! Ade, mam tʋmda yãmb wa piis digd-n-yĩids sʋka.

Rom Dãmba 1:8

Pipi, mam deng n pʋʋsda m Wẽnnaamã bark a Zezi maasem yĩnga, yãmb fãa yĩnga. Bala, yãmb tẽebã yell saaga dũni gill fãa.

1 Korẽnt rãmba 14:20

Sã n ya ne tagsg wɛɛngẽ, bɩ y da yɩ wa kamb ye. Yɩ-y wa kamb wẽng maaneg wɛɛngẽ, la wa daop sẽn bɩ, tagsgã wɛɛngẽ.

Efɛɛz Rãmba 5:17

Woto wã yĩnga, da yɩ-y ka-yam dãmb ye, bãng-y bũmb nins Zu-soabã sẽn data.

Filip rãmba 1:9

la mam sẽn pʋʋsd n kot bũmb ninga, yaa tɩ yãmb nonglem na paasd daar fãa n yɩɩda, ne bãngre la yam-vẽnegre.

Filip rãmba 2:15

Tɩ yãmb na yɩ neb sẽn ka tar yelle, la sẽn ya yɩlma. Tɩ yãmb na yɩ Wẽnnaam kamb sẽn ka tar dõdb ye, zamaan kãnga nebã sẽn sãam la sẽn ya wẽnsã sʋka, yãmb yãgda bãmb sʋk wa vẽenem dũniyã pʋga,

Kolos Rãmba 3:16

Bɩ Kirist goama zĩnd yãmb pʋsẽ ne yõod ning sẽn be a pʋgẽ wã. Zãms-y taab la y keoog taab ne yam meng-menga, ne yɩɩn-sõamyã, la Wẽnnaam yɩɩla, la yɩɩl Sɩɩg-sõng sẽn kõta. Yɩɩl-y bark pʋʋsg yɩɩl ne y sũyã fãa n pẽg Wẽnnaam.