Rom Dãmba 16:12 - KÃAB-PAALGÃ KOE-NOOGO

¹² Pʋʋs-yã a Tirfɛn ne a Tɩrfoz, tɩ b yaa pagb sẽn modgd b mens Zu-soabã yĩnga. Pʋʋs-y d zo-nongr a Pɛrsid sẽn modgd a meng wʋsg Zu-soabã yĩnga.

SEBR SÕNGO

¹² Pʋʋs-y sẽn sak-b yaams wusgo Soaala yĩnga, a Trifɛn la a Trifoz. Pʋʋs-y m tão sõng a Persis: pʋg kãnga me saka yaams wʋsgo, Krista yĩnga.

WẼNNAAM SEBRE 2014

¹² Pʋʋs‑y-yã a Tirfɛn ne a Tɩrfooze, tɩ b yaa pagb sẽn modgd b mens Zu-soabã yĩnga. Pʋʋs-y d zo-nongr a Pɛrsɩɩd sẽn modgd a meng wʋsg Zu-soabã yĩnga.

Rom Dãmba 16:12 Iomraidhean Croise

A Matiye Sõng 5:47

La yãmb sã n pʋʋsd y ba-biisã bala, bõe la yãmb maand n yɩɩd y taabã? Neb nins sẽn ka pʋʋsd Wẽnnaamã me ka maand a woto sɩda?

A Matiye Sõng 9:38

Dẽ yĩnga, kos-y tigsgã soab tɩ b tʋm tʋmtʋmdb b pʋʋgẽ wã.

Rom Dãmba 16:11

Pʋʋs-y m saam-biig a Herodyõ. Pʋʋs-y neb nins sẽn be a Narsis yirã n be Zu-soabã pʋgẽ wã.

Rom Dãmba 16:13

Pʋʋs-y-yã a Rufus sẽn ya nin-yãkdg Zu-soabã pʋgẽ, la y pʋʋs a ma sẽn ya mam me ma wã.

1 Korẽnt rãmba 15:10

Wẽnnaam barkã yĩnga, mam yaa m sẽn ya a soaba, la bãmb nimbãan-zoeer mam yĩngã ka yɩ zaalem ye. Ayo! Mam tʋmame n yɩɩd tẽn-tʋmdbã fãa. La ka mam mengã n tʋm ye, yaa Wẽnnaam barkã sẽn be mam pʋgẽ wã.

1 Korẽnt rãmba 15:58

Woto yĩnga, m ba-bi-nongdse, yals-y kãenkãe, tɩ bũmb da tõog n vigs yãmb ye. Kẽng-y taoor Zu-soabã tʋʋmd pʋgẽ wakat fãa, yãmb sẽn mi tɩ tʋʋmd ning yãmb sẽn tʋmd Zu-soabã yĩngã ka na n yɩ zaalmã yĩnga.

1 Korẽnt rãmba 16:16

Sak-y neb a woto, la y sak neb nins fãa sẽn naag tʋʋmdã pʋgẽ n tʋmdẽ wã.

Kolos Rãmba 1:29

Yaa bõn-kãng yĩng la mam tʋmda, n tar bãmb pãngã sẽn maand a tʋʋmd mam pʋgẽ ne pãng kãsengã n maoodẽ.

Kolos Rãmba 4:12

A Epafras sẽn ya yãmb nedã pʋʋsd-y lame. Yẽ yaa Kirist Zezi tʋmtʋmda, n maood yãmb yĩng a pʋʋsg pʋgẽ n ka basdẽ ye, tɩ yãmb na bɩ n ta, la y bãng Wẽnnaam daabã sõama y sũurẽ, n yals kãenkãe.

1Tesalonik Rãmba 1:3

Tõnd tẽegda yãmb tẽebã tʋʋmde, la yãmb nonglmã tʋʋmde, la y tẽeb ne tõnd Zu-soab a Zezi Kiristã pidsg gũudũm sẽn ka vigsdã yelle, tõnd ba a Wẽnnaam taoor n ka basdẽ ye.

1 Tɩmote 4:10

Tõnd tʋmdame, la d maoodẽ, tɩ bõe, tõnd saagr bee ne Wẽnnaam sẽn vɩ la sẽn ya neba fãa fãagda, la tẽedbã fãagd n yɩɩda.